InfoHub Logo

Freedom Bank كليەنتتەرىنەن كەشبەك العانى ءۇشىن 270-نىساندى دەكلاراسيا تاپسىرۋ تالاپ ەتىلۋدە. بۇل تۋرالى اقپارات الەۋمەتتىك جەلىلەردە كەڭىنەن تاراپ، ازاماتتاردىڭ اراسىندا الاڭداۋشىلىق تۋعىزدى.

2024 جىلدان باستاپ قازاقستاندا جالپىعا بىردەي دەكلاراسيالاۋ كەزەڭى جالعاسۋدا. تالاپ بويىنشا، بانكتەن العان كەشبەكتەر، ەگەر ولار بەلگىلى ءبىر مولشەردەن اسسا نەمەسە تابىس رەتىندە تىركەلسە، سالىق ورگاندارىنا ەسەپ بەرىلۋى كەرەك. وسىعان بايلانىستى كەيبىر Freedom Bank كليەنتتەرىنە 2025 جىلعى 15 شىلدەگە دەيىن 270-نىسان بويىنشا دەكلاراسيا تاپسىرۋ تۋرالى حابارلاما كەلىپ جاتىر.

 جەلى قولدانۋشىلارى نە دەيدى؟

• كوپشىلىگى بۇل تالاپتى العاش ەستىپ وتىر.
• كەيبىرەۋلەر كەشبەك — تابىس ەمەس، بانك ۇسىنعان بونۋستىق جۇيە دەپ سانايدى.
• قولدانۋشىلاردىڭ پىكىرىنشە، بۇل ماسەلە الدىن الا ەسكەرتىلۋى كەرەك ەدى.

270-نىساندى دەكلاراسيا – جەكە تۇلعانىڭ تابىسى مەن مۇلكى تۋرالى دەكلاراسيا. ونى مىنالار تاپسىرادى:

• شەتەلدەن تابىس الاتىندار؛
• جەكە كاسىپكەرلەر؛
• بانك سىياقىسى، كەشبەك سياقتى قوسىمشا كىرىس الاتىندار.

1. ەسق ارقىلى eSalyq Azamat قوسىمشاسىنا كىرىپ، جەكە كابينەتىڭىزدى تەكسەرىڭىز.
2. ەگەر دەكلاراسيا تاپسىرۋ مىندەتى تۋرالى حابارلاما كەلسە – 15 شىلدەگە دەيىن 270-نىساندى تولتىرىڭىز.
3. كەشبەك سوماسىن ناقتىلاڭىز – ەگەر ول زاڭ بويىنشا سالىق سالىناتىن تابىسقا جاتسا، كورسەتىڭىز.