instagram.com/coventrycityfcofficial
فرەنك لەمپارد "كوۆەنتريدى" 25 جىلدان كەيىن اپل-گە قايتاردى
انگليانىڭ اتاقتى "چەلسي" كلۋبىنىڭ بۇرىنعى ويىنشىسى ءارى باپكەرى فرەنك لەمپارد "كوۆەنتري ءسيتيدى" انگليا پرەمەر-ليگاسىنا (اپل) شىعاردى. بۇل كوماندا ءۇشىن 25 جىلداعى العاشقى جەتىستىك.
بۇل تۋرالى Infohub.kz اقپارات اگەنتتىگى حابارلايدى.
"كوۆەنتريدىڭ" اپل-گە جولى
43ء-شى تۋردا "بلەكبەرنمەن" وتكەن كەزدەسۋدە "كوۆەنتري" تەڭ ويناسا بولدى، جوعارى ليگاعا شىعاتىن ەدى. ماچتىڭ 84ء-شى مينۋتىندا كوماندا ەسەپتە ارتتا قالعانىمەن، قورعاۋشى بوببي توماس سوڭعى مينۋتتا گول سوعىپ، كومانداسىن جەڭىلىستەن قۇتقاردى.
كلۋب سوڭعى رەت انگليانىڭ جوعارى ديۆيزيونىندا 2000/01 ماۋسىمىندا ونەر كورسەتكەن بولاتىن.
لەمپاردتىڭ "كوۆەنتريدەگى" مانسابى
47 جاستاعى مامان كوماندانى 2024 جىلدىڭ قاراشا ايىندا باسقاردى. وتكەن ماۋسىمدا ول كوماندانى اپل-گە شىعارۋعا جاقىن قالعانىمەن، پلەي-وفف كەزەڭىندە "ساندەرلەندكە" ەسە جىبەرگەن ەدى. بيىلعى ماۋسىمدا "كوۆەنتري" ليگادا كوش باستاپ، 43 كەزدەسۋدە 86 ۇپاي جينادى.
سونىمەن قاتار، "كوۆەنتري" انگليانىڭ ەكىنشى دەڭگەيلى ليگاسىنىڭ چەمپيوندىعىنا دا جاقىن تۇر. كوماندا "يپسۆيچ تاۋننان" 11 ۇپاي الدا كەلەدى، ءبىراق قارسىلاستىڭ ەكى ويىنى قالدى.
-
قازاقستاندا مەملەكەتتىك گرانتپەن وقىعان تۇلەكتەردەن گرانتتى وتەۋ تالاپ ەتىلەدى. سوڭعى ەكى جىلدا 3406 تۇلەك سوت ارقىلى قارجىنى قايتارۋعا ءماجبۇر بولدى. بۇل تۋرالى تولىعىراق ءبىلىڭىز.
-
يراننىڭ جوعارعى كوسەمى مودجتابا حامەنەي ەل ارمياسىنا جولداعان ۇندەۋىندە اقش پەن يزرايلگە جاڭا سوققىلار بەرەتىنىن مالىمدەدى.
