فۋتبولداعى قىزىقتى وقيعالار
1. انگليانىڭ «شريۋسبەري تاۋن» فۋتبول كلۋبىنىڭ الاڭى سيەۆەرن وزەنىنىڭ جاعاسىندا ورنالاسقان. فرەد ديەۆيس 1986 جىلى زەينەتكە شىققانعا دەيىن بالىق اۋلاپ وتىرىپ، الاڭنان ۇشقان دوپتاردى دا ۇستاي بەرگەن. ءبىر ماۋسىمدا ول 130 دوپ اۋلاعان.
2. گوللانديانىڭ «فەيەنورد» كومانداسىنىڭ جانكۇيەرى يان ۆان كووك 1998/1999 جىلدارداعى ءوزىنىڭ سۇيىكتى كلۋبىنىڭ بارلىق ويىندارىنا 2 ماۋسىمدىق بيلەت الىپ قويعان. ءبىرى وزىنە، ەكىنشىسى ءوزىنىڭ ءيتى بوعا!
3. ەۋرو-2000 چەمپيوناتى قارساڭىندا گوللاند پوليسياسى ءۇيدى جالعا الىپ، ونىڭ سىرتىن قىزعىلت سارىعا بوياعان جانكۇيەردى ۇستاپ الادى. گوللانديا ۇلتتىق قۇراماسىنىڭ ءتۇسى – قىزعىلت سارى.
4. 2000 جىلى ءوز ەسىمىن «مانچەستەر يۋنايتەد» دەپ اۋىستىرۋعا بەل بۋعان بولگاريالىق مارتين زدراۆكوۆتىڭ ءوتىنىشىن سوت قاناعاتتىرمايدى.
5. انگليانىڭ «نوتتينگەم فورەست» كلۋبىنىڭ نەمىس جانكۇيەرى سۇيىكتى كومانداسىنىڭ ويىندارىن تاماشالاۋ ءۇشىن ديۋسسەلدورفتان ارنايى ۇشىپ بارىپ كەلەدى. ءار ماۋسىم سايىن ول سول ءۇشىن دە 15 مىڭ فۋنت ستەرلينگ قاراجاتىن جۇمسايدى. 2000 جىلى ءدال سول الاڭدا 20 مىڭ جانكۇيەردىڭ الدىندا سۇيىكتىسى حايكە اتكينسونمەن نەكەسىن قيادى.
6. 1986 جىلعى مەكسيكاداعى الەم چەمپيوناتىنا ارگەنتينا ۇلتتىق قۇراماسىنىڭ ويىنىن تاماشالاۋ ءۇشىن پەدرو گاتيكا ەسىمدى ازامات بۋەنوس-ايرەستەن مەحيكوعا دەيىن ۆەلوسيپەدپەن شىعادى. ەكى جەردىڭ ارا قاشىقتىعى 7300 شاقىرىم. وكىنىشكە وراي ويىنعا بيلەت الىپ جاتقان ساتىندە ونىڭ ۆەلوسيپەدىن ۇرلاپ، ءوز قۇراماسىنىڭ ويىنىن تاماشالاي الماي قالادى.
7. العاش الەم كۋبوگىن فرانسۋز ءمۇسىنشىسى ابەل لافلەر جاساپ شىعارعان. ونىڭ بيىكتىگى 35 سانتيمەتر، سالماعى 3،8 كەلى. كۋبوكتىڭ ءىشى كۇمىسپەن، سىرتى التىنمەن جالاتىلعان، ال تىرەۋىشى جارتىلايقۇندى لازۋريت تاسىنان جاسالعان. 1950 جىلى اتالمىش كۋبوك جيۋل ريمە كۋبوگى دەپ اتالاتىن بولدى.
8. يتاليانىڭ فۋتبول قايراتكەرى وتتورينو باراسسي ەكىنشى دۇنيەجۇزىلىك سوعىس ۋاقىتىندا ءوزىنىڭ توسەگىنىڭ استىندا وزگەلەر ۇرلاپ كەتپەس ءۇشىن فۋتبول سىيلىعىن جاسىرىپ جۇرگەن.
9. 1970 جىلى جيۋل ريمە كۋبوگى برازيليا ۇلتتىق قۇراماسىنا ماڭگىلىككە تاپسىرىلادى.ويتكەنى برازيليالىقتار الەم بىرىنشىلىگىن ءۇشىنشى رەت جەڭىپ العان بولاتىن. وكىنىشكە وراي، 1983 جىلى ايگىلى كۋبوك تونالىپ، كەيبىرەۋلەردىڭ ايتۋىنشا بالقىپ كەتكەن. ءقازىر برازيليادا جۇلدەنىڭ كوشىرمەسى تۇر.
10. فيفا-نىڭ الەم كۋبوگىنىڭ ۇلگىسىن جاساۋدا كۋبوكتەردىڭ 53 ءتۇرى ساراپقا سالىندى. ناتيجەسىندە يتالياندىق سۋرەتشى سيلۆيو گاززاندجيدىڭ جوباسى تاڭدالىپ الىنادى. جاڭا كۋبوكتىڭ سالماعى 4،97 كەلى جانە 17 جەڭىمپاز كوماندانى جازاتىن ورىن ياعني 2038 جىلعى الەم بىرىنشىلىگىنە دەيىن پايدالانىلادى.
11. جاڭا كۋبوك جەڭىمپاز قۇراماعا بەلگىلى ءبىر ۋاقىتقا دەيىن بەرىلىپ، كەيىن قايتادان فيفا-نىڭ مەنشىگىنە وتەدى. ونىڭ سەبەبى، ول تازا التىننان جاسالادى. سونداي-اق سالماعى 18 كارات جانە 8 ملن. فۋنت ستەرلينگ تۇرادى.
12.سەر ارتۋر كونان دويل ايگىلى شەرلوك حولمس اڭگىمەلەرىن جازىپ تانىمال بولعان. الايدا 1880-جىلدارى اس سميت ەسىمىمەن فۋتبول ويناعانىن ەشكىم بىلمەسە كەرەك. ول اعىلشىننىڭ «پورتسمۋت» كلۋبىندا قاقپاشى بولعان.
13. «So Solid Crew» پوپ-توبىنىڭ ءانشىسى حارۆي «چەلسيدىڭ» جاستار كومانداسىندا ويناعان، ال 2003 جىلى «ۋيمبلدون» اۋەسقوي كومانداسىنا اۋىسادى.
14. ايگىلى يسپان ءانشىسى حۋليو يگلەسياس مادريدتىك «رەالدىڭ» قاقپاشىسى بولعان. 1963 جىلى جول كولىك اپاتىنان كەيىن ونىڭ سپورتتىق مانسابى اياقتالادى. ول اۋرۋحانادا جاتقاندا مەدبيكە حۋليوعا ەرمەك بولسىن دەپ گيتارا ۇسىنادى. ءسويتىپ ونىڭ تاعدىرىندا مۋزىكا تاريحى باستالادى.
15. 1920 جىلدارى فيلوسوف جانە جازۋشى البەر كاميۋ الجير ۇلتتىق قۇراماسىنىڭ قاقپاسىندا تۇرعان. ءوزىنىڭ ءبىر ەستەلىگىندە: «ادامگەرشىلىك پەن بورىش ماسەلەسىنە كەلگەندە، مەن فۋتبولعا قارىزدارمىن» دەگەن.
16. ءانشى رود ستيۋارت 1960 جىلدارى اعىلشىننىڭ «برەنتفورد» كومانداسىندا وقۋشى بولعان. ءبىراق سول كۇيى وقۋىن اياقتامايدى.
17. كريكەتتەن ۆەست-ۇندىستان قۇراماسىنىڭ ويىنشىسى سەر ۆيۆەن ريچاردس جاس كەزىندە فۋتبول ويناعان، ءتىپتى انتيگۋا جانە باربۋدا ۇلتتىق قۇرامالارىندا 1974 جىلعى الەم چەمپيوناتىنىڭ ىرىكتەۋ ويىندارىنا قاتىسقان.
18. ريم پاپاسى يوانن پاۆەل ءىى ءوزى تۋىپ وسكەن پولشانىڭ ۆادوۆيسا قالاسىنداعى كوماندانىڭ قاقپاسىن قورعاعان.
You Might Also Like
-
باياعى ەرتە زاماندا كەمپىر مەن شال ءومىر ءسۇرىپتى. ولاردىڭ ءبىر قىزى بار ەكەن. شال بالىق اۋلاپ، كەمپىر اۋ جاماپ، كۇندەرىن كورىپتى. ءبىر كۇنى بالىق اۋلاپ وتىرعان شال اعىپ كەلە جاتقان ءبىر ساندىقتى كورەدى....
