فيلوسوفيا جانە ساياساتتانۋ فاكۋلتەتى
كىرىسپە:
قازىرگى تاڭدا ءال-فارابي اتىنداعى قازاق ۇلتتىق ۋنيۆەرسيتەتىندە 14 فاكۋلتەت بار. ولاردىن ءبىرى فيلوسوفيا جانە ساياساتتانۋ فاكۋلتەتى. بۇل فاكۋلتەتتىڭ تاريحىنا توقتالاتىن بولساق:
فيلوسوفيا جانە ساياساتتانۋ فاكۋلتەتى 1991 جىلى اشىلدى. 1991-2007 جىلدار ارالىعىندا فاكۋلتەتتە دەكان قىزمەتىن اتقارعان ساياسي عىلىمدار دوكتورى، پروفەسسور بۇرحانوۆ ق. ن. جانە فيلوسوفيا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى ع. ەسىم. 2007 جىلى فيلوسوفيا جانە ساياساتتانۋ فاكۋلتەتىنىڭ دەكانى بولىپ الەۋمەتتانۋ عىلىمدارىنىڭ دوكتورى، پروفەسسور شاۋكەنوۆا ز. ك. تاعايىندالادى. 2010-2011 جىلدارارالىعىندا فيلوسوفيا عىلىمدارىنىڭ دوكتورى، پروفەسسور قۇلسارييەۆا ا. ت. دەكان بولدى. 2011 جىلدان 2021 جىلعا دەيىن فاكۋلتەتتى فيلوسوفيا عىلىمدارىنىڭ دوكتورى، پروفەسسور ماساليموۆا ا. ر. باسقاردى. قازىرگى تاڭدا فيلوسوفيا جانە ساياساتتانۋ فاكۋلتەتىنىڭ دەكانى بولىپ فيلوسوفيا عىلىمدارىنىڭ كانديداتى، دوسەنت مەيىربايەۆ بەكجان بەرىكباي ۇلى سايلاندى. فاكۋلتەت اشىلعالى كوپتەگەن قيىندىقتاردان ءوتتى، الايدا فاكۋلتەت ۇجىمى ءاردايىم قيىندىقتاردىڭ شەشۋ جولدارىن تاۋىپ، دامۋىنا، وركەندەۋىنە جانە جەتىلۋىنە ۇلكەن ۇلەسىن قوستى. قازىرگى تاڭداعى فيلوسوفيا جانە ساياساتتانۋ فاكۋلتەتى سول ۇجىمنىڭ جەڭىسى جانە توقتاماي جاساعان ەڭبەكتەرىنىڭ جەمىسى دەۋگە بولادى.
فاكۋلتەتتىن قۇرىلىمى جايلى ايتىپ كەتەتىن بولساق: فاكۋلتەتتە 2 ۇلكەن ءدارىس زالى بار، 300 دەن استام اۋديتوريا جانە وقۋ زالى،كىتاپحانا، ۇلكەن ءماجىلىس زالى بار. التى كافەدرا بار ولار:
- فيلوسوفيا كافەدراسى.
- ساياساتتانۋ جانە ساياسي تەحنولوگيالار كافەدراسى.
- پەداگوگيكا جانە ءبىلىم بەرۋدى باسقارۋ كافەدراسى.
- جالپى جانە قولدانبالى پسيحولوگيا كافەدراسى.
- الەۋمەتتانۋ جانە الەۋمەتتىك جۇمىس كافەدراسى.
- ءدىنتانۋ جانە مادەنيەتتانۋ كافەدراسى.
فيلوسوفيا جانە ساياساتتانۋ فاكۋلتەتىندە قانداي ماماندىقتار بار؟
فيلوسوفيا جانە ساياساتتانۋ فاكۋلتەتىندە 10 ءتۇرلى ماماندىق بويىنشا مامانداردى دايىندايدى. ولار:
1. پەداگوگيكا جانە پسيحولوگيا.
2. الەۋمەتتىك پەداگوگيكا جانە ءوزىن-وزى تانۋ.
3. فيلوسوفيا جانە ەتيكا.
4. ءدىنتانۋ.
5. يسلامتانۋ.
6. الەۋمەتتانۋ.
7. مادەنيەتتانۋ.
8. ساياساتتانۋ.
9. پسيحولوگيا.
10. الەۋمەتتىك جۇمىس.
بۇل ماماندىقتارعا قالاي تۇسۋگە بولادى؟
1. پەداگوگيكا جانە پسيحولوگيا ماماندىعىنا ءتۇسۋ ءۇشىن ەڭ الدىمەن «ۇبت» دا «بيولوگيا، گەوگرافيا» پاندەرىن تاڭدايسىز. بۇل ماماندىققا مەملەكەتتىك گرانتقا ءتۇسۋ ءۇشىن شەكتىك بال «89»، ەگەر، اۋىل كۆوتاسى بار بولعان جاعدايدا «80». اقىلى وقۋعا ءتۇسۋ ءۇشىن «80» بال جەتكىلىكتى.
2. الەۋمەتتىك پەداگوگيكا جانە ءوزىن-وزى تانۋ ماماندىعىنا ءتۇسۋ ءۇشىن «ۇبت» دا «بيولوگيا، گەوگرافيا» پاندەرىن تاڭدايسىز. بۇل ماماندىققا مەملەكەتتىك گرانتقا ءتۇسۋ ءۇشىن شەكتىك بال «80»، اۋىلدىق كۆوتامەن «80». ال اقىلى وقۋعا ءتۇسۋ ءۇشىن «80» بال جەتكىلىكتى.
3. فيلوسوفيا جانە ەتيكا ماماندىعى بويىنشا وقۋعا ءتۇسۋ ءۇشىن «ۇبت» دا
«دۇنيەجۇزى تاريحى، گەوگرافيا» پاندەرىن تاڭدايسىز. مەملەكەتتىك گرانتقا ءتۇسۇ ءۇشىن «85» بۇل شەكتىك بال. ال اقىلى وقۋعا ءتىسۋ ءۇشىن «80» بال.
4. ءدىنتانۋ ماماندىعىنا ءتۇسۋ ءۇشىن «ۇبت» دا «شىعارماشىلىق ەمتيحان» تاپسىراسىز. شىعارماشىلىق ەمتيحان ەكى كەزەڭنەن تۇرادى، ءبىرىنشى كەزەڭى «ۇبت»، ال ەكىنشى كەزەڭ «ماماندىق بويىنشا شىعارماشىلىق ەمتيحان» بولادى. بۇل ماماندىققا مەملەكەتتىك گرانتقا ءتۇسۋ ءۇشىن «120» بال،اۋىلدىق كۆوتامەن «117» بال، ال اقىلى وقۋعا ءتۇسۋ ءۇشىن «80» بال جيناۋىڭىز كەرەك.
5. يسلامتانۋ ماماندىعىنا ءتۇسۋ ءۇشىن «ۇبت» دا «شىعارماشىلىق ەمتيحان»، شىعارماشىلىق ەمتيحان ەكى كەزەڭنەن تۇرادى. ولار: ءبىرىنشى كەزەڭ «ۇبت»، ەكىنشى كەزەڭ «ماماندىق بويىنشا » ەمتيحان. مەملەكەتتىك گرانتقا ءتۇسۋ ءۇشىن « » بال، ال اقىلى وقۋعا ءتۇسۋ ءۇشىن «80» بال.
6. الەۋمەتتانۋ ماماندىعىنا ءتۇسۋ ءۇشىن «ۇبت» دا تاڭداۋ پاندەرىڭىز «ماتەماتيكا، گەوگرافيا». بۇل ماماندىقتا مەملەكەتتىك گرانتقا شەكتىك بال «101»، ال اقىلى وقۋعا «90» بال.
7. مادەنيەتتانۋ ماماندىعىنا مەملەكەتتىك گرانتقا ءتۇسۋ ءۇشىن «ۇبت» دا «اعىلشىن ءتىلى، دۇنيەجۇزى تاريحى» پاندەرىن تاڭداپ، «108» بال جيناۋىڭىز كەرەك. اقىلى وقۋ فورماسىنا ءتۇسۋ ءۇشىن «80» بال كەرەك.
8. ساياساتتانۋ ماماندىعىنا ءتۇسۋ ءۇشىن «ۇبت» دا «دۇنيەجۇزى تاريحى، اعىلشىن ءتىلى» پاندەرىن تاندايسىز. مەملەكەتتىك گرانت شەكتىك بال «110»، اقىلى وقۋعا شەكتىك بال «90».
9. پسيحولوگيا ماماندىعىنا ءتۇسۋ ءۇشىن «ۇبت» دا «بيولوگيا، گەوگرافيا» پاندەرىن تاندايسىز. مەملەكەتتىك گرانتقا ءتۇسۋ ءۇشىن «90» بال جيناۋ كەرەك، ال اقىلى وقۋعا ءتۇسۋ ءۇشىن «90» بال جەتكىلىكتى.
10. الەۋمەتتىك جۇمىس ماماندىعىنا وقۋعا ءتۇسۋ ءۇشىن «ۇبت» دا «بيولوگيا، گەوگرافيا» پاندەرىن تاپسىراسىز. مەملەكەتتىك گرانتقا ءتۇسۋ ءۇشىن «90» بال جيناۋىڭىز كەرەك، ال اقىلى وقۋعا ءتۇسۋ ءۇشىن «85» جيناساڭىز جەتكىلىكتى.
قورىتىندى وي:
فيلوسوفيا جانە ساياساتتانۋ فاكۋلتەتىندە وقىتىلاتىن ماماندىقتاردىڭ بارلىعىنىڭ ورنى ماڭىزدى بولىپ تابىلادى. سەبەبى، بۇل فاكۋلتەتتەگى وقىتىلاتىن ماماندىقتاردىڭ بارلىعى قوعاممەن تىعىز بايلانىستى. ساياسي تۇرعىدان بولسىن، فيلوسوفيالىق تۇرعىدان بولسىن، ءدىن تاراپىنان بولسىن وسى فاكۋلتەتتەن مامانداردى دايىنداپ وقىتادى. ياعني مەملەكەتپەن تىعىز بايلانىس ورناتاتىن اسا ماڭىزدى جانە ءبىلىمدى مامانداردى دايىندايتىن ەڭ ۇزدىك ءبىلىم بەرۋ ورتالىعى بولىپ تابىلادى.
فيلوسوفيا جانە ساياساتتانۋ فاكۋلتەتىنىڭ مەكەن جايى: ماسانچي، 39.
اۆتور: ءال-فارابي اتىنداعى قازاق ۇلتتىق ۋنيۆەرسيتەتى
فيلوسوفيا جانە ساياساتتانۋ فاكۋلتەتى
ءدىنتانۋ ماماندىعىنىڭ 1 –كۋرس ستۋدەنتى
داستان بەيبارىس ساعدات ۇلى
جەتەكشى اعا وقىتۋشى: تۋنگاتوۆا ۋ. ا.
You Might Also Like
-
قازاقستان حوككەيگە دەگەن قىزىعۋشىلىعى ارتىپ كەلە جاتقان ەل، سوڭعى جىلدارى بۇل سپورت ءتۇرىنىڭ دامىۋنا ەرەكشە كۇش سالىنىپ جاتىر. 2027 جىلعى حوككەي الەم چەمپيوناتىن قابىلداۋ، ەل ءۇشىن الەمگە ءوز مۇمكىندى...
