InfoHub Logo

جالىنداعان جاستار قاۋىمىنا قاشاندا قولداۋ كورسەتىپ، ولاردىڭ بەلسەندىلىكتەرىن ارتتىرۋدا وتاندىق جوعارعى وقۋ ورىندارىنىڭ الدىڭعى قاتارىنداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ ماڭىزى ايرىقشا زور. فيلولوگيا جانە الەم تىلدەرى فاكۋلتەتىنىڭ قازاق ءتىلى مەن ادەبيەتى ماماندىعىنىڭ 2-كۋرس ستۋدەنتتەرىمەن وتكەن «فيلولوگيا جانە سمارت تەحنولوگيالار» ساباعىنداعى كەڭ كولەمدى پىكىرسايىس - بۇل ءسوزىمىزدىڭ بۇلتارتپاس دالەلى.

«عالامتور جاستار كوزىمەن» اتتى پىكىرسايىستا ستۋدەنتتەر ەكى توپقا ءبولىنىپ، عالامتوردىڭ ارتىقشىلىقتارى مەن كەمشىلىكتەرىن، پايداسى مەن زيانىن ءسوز ەتتى. 1-توپ وكىلى نازىم ساپاروۆا عالامتوردى كوپ قولدانعانىمەن، كىتاپتى ودان اناعۇرلىم ارتىق سانايتىندىعىن ايتتى. ال، قارسى توپتىڭ نامىسىن قورعاعان سىمبات جىلقايدار دۇرىس پايدالانا بىلگەنگە ونىڭ ەشقانداي زيانى جوق، كەرىسىنشە، بەرەر مۇمكىندىگى كوپ ەكەندىگىن تىلگە تيەك ەتتى. بەلسەندىلىك تانىتقان وزگە دە قاتىسۋشىلاردىڭ ىشىندە عالامتور جايلى توپتاما ولەڭدەرىن وقىپ بەرگەن اباي اقباي ەرەكشە ەستە قالدى. سونىمەن قاتار،  قولجەتىمدى اقپارات الۋداعى عالامتوردىڭ ءرولى، ونلاين-ساباقتاردىڭ تيىمدىلىگى سىندى وزەكتى ماسەلەلەر دە تاقىرىپتان تىس قالمادى.  ساباق سوڭىندا ءپان وقىتۋشىسى گۇلماريا تۇرىسبەك قىزى ستۋدەنتتەر قاۋىمىنا «عالامتور ماعان نە بەرەدى؟» دەگەن اتپەن ەسسە جازۋعا تاپسىرما بەردى. بۇگىنگى كۇننىڭ ەڭ وزەكتى ماسەلەسىن ءسوز ەتكەن  بۇل پىكىرسايىس جاستار كوزقاراسىن ءبىلۋدىڭ قانشالىقتى ماڭىزدى ەكەنىدىگىن كورسەتتى. سونىمەن قاتار، پايىمدى پىكىرلەر مەن دايەكتى دەرەكتەرگە سۇيەنگەن ستۋدەنتتەر وزدەرىنىڭ تانىم كوكجيەكتەرىنىڭ كەڭدىگىن بارىنشا تانىتا ءبىلدى دەسەك، ارتىق ايتقانىمىز ەمەس.

قانداي ماسەلەدە بولماسىن، جاڭاشا ويلايتىن جاستار قاۋىمىنىڭ وزىندىك پىكىرىن تىڭداپ، ولاردىڭ دا ۇسىنىس-تىلەكتەرىنە قۇلاق تۇرە بىلسەك، ەلىمىزدىڭ  العا جىلجي بەرەرى ءسوزسىز. ەندەشە، جاستارمەن وي الماسىپ، سان ءتۇرلى ساۋالدارعا بىرگە جاۋاپ ىزدەيتىن    وسىنداي ءىس-شارالاردى كوپتەپ وتكىزگەنىمىز ابزال.

---