InfoHub Logo

2026 جىلدىڭ 15 اقپانىندا پلانەتامىزدى ەلەۋلى گەوماگنيتتىك تەربەلىستەر كۇتىپ تۇر. رەسەي عىلىم اكادەمياسىنىڭ عارىش زەرتتەۋلەرى ينستيتۋتىنىڭ كۇن لابوروتورياسىنىڭ بولجامى بويىنشا، جەر ماگنيت ءورىسىنىڭ اۋىتقۋىنا ۇشىرايدى. بۇل تۋرالى inbusiness.kz سايتى gorsite.ru-عا سىلتەمە جاساپ حابارلايدى.

اكتيۆتىلىكتىڭ ەڭ جوعارى دەڭگەيى تۇندە جانە تاڭەرتەڭ بايقالادى، بۇل كەزدە تەربەلىستەردىڭ كۇشى 5 باللعا جەتەدى. كەشكە قاراي گەوماگنيتتىك فون بىرتىندەپ تۇراقتالىپ، قارقىندىلىعى 4 باللعا دەيىن تومەندەيدى. كۇن جەلىسىنىڭ جىلدامدىعى بۇل جەكسەنبىدە سەكۋندىنا 460 شاقىرىمدى قۇرايدى. سولتۇستىك شۇعارىنىڭ پايدا بولۋ ىقتيمالدىعى جوق. ساراپشىلاردىڭ باعالاۋىنشا، تولىققاندى ماگنيت داۋىلىنىڭ ىقتيمالدىعى 65% بولسا، ماگنيتوسفەرانىڭ تولىق تىنىش قالۋ مۇمكىندىگى نەبارى 15%.

كۇننىڭ جالىنداۋ بەلسەندىلىگىنىڭ يندەكسى ءقازىر "سارى ايماقتا" (3،8 دەڭگەي) ورنالاسقان. الدىڭعى كۇنى ماماندار ەكى جالىنداۋدى تىركەگەنىمەن، ولاردىڭ ەشقايسىسى M كلاسىنا جەتپەگەن. دەگەنمەن، كۇن جەلىسىنىڭ جيناقتالعان ەنەرگياسى جەرگە قاراي بەت العان.

كوسميكالىق داۋىلدى قالاي ەڭسەرۋگە بولادى؟

مەتەوسەزىمتال ادامدار ءۇشىن مۇنداي تەربەلىستەر قاتتى مازاسىزدىق تۋدىرادى. ەڭ ءجيى كەزدەسەتىن سيمپتوم – باس اۋرۋى، ول ميگرەنگە ۇلاسۋى مۇمكىن. كۇن بەلسەندىلىگى كۇندەرىندە كەلەسى جاعدايلار دا تىركەلەدى:

دارىگەرلەر جاس ۇلعايعان سايىن عارىشتىق پروسەستەرگە سەزىمتالدىقتىڭ ارتاتىنىن اتاپ وتەدى. ماگنيتوسفەرانىڭ اسەرىن تولىق جويۋ مۇمكىن ەمەس، ءبىراق تاۋەكەلدەردى ازايتۋ اركىمنىڭ قولىنان كەلەدى. داۋىل كەزىندە قارقىندى دەنە جۇكتەمەلەرىنەن اۋلاق بولۋ، كوبىرەك دەمالۋ جانە جەتكىلىكتى مولشەردە تازا سۋ ءىشۋ ۇسىنىلادى.