Photo: Yury Kim (https://www.pexels.com/@yury-kim-181374) / Pexels
قازاقستان ۇقشۇ-نىڭ بىرلەسكەن اسكەري جاتتىعۋلارىنا دايىندىق ۇستىندە
2026 جىلى قازاقستان اۋماعىندا ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) بىرلەسكەن اسكەري جاتتىعۋلارى وتەدى. بۇل شارالار ايماقتىق قاۋىپسىزدىكتى نىعايتۋعا باعىتتالعان.
بۇل تۋرالى ۇقشۇ بىرىككەن شتابىنىڭ باستىعى، گەنەرال-پولكوۆنيك اندرەي سەرديۋكوۆ بريفينگتە مالىمدەدى. ونىڭ ايتۋىنشا، بيىلعى جىلى ۇيىم اياسىندا 60-قا جۋىق بىرلەسكەن جانە جەدەل دايارلىق ءىس-شارالارى جوسپارلانعان. ونىڭ ىشىندە سەگىز كوماندالىق-شتابتىق جانە ارنايى وقۋ-جاتتىعۋ بار.
اتاپ ايتقاندا، قىركۇيەك ايىندا قازاقستان اۋماعىندا ورتالىق ازيا ءوڭىرىنىڭ جەدەل ورىستەتۋ ۇجىمدىق كۇشتەرىنىڭ قاتىسۋىمەن «رۋبەج» اتتى بىرلەسكەن وقۋ-جاتتىعۋ ۇيىمداستىرىلادى.
اسكەري جاتتىعۋلاردىڭ ماقساتى مەن جوسپارى
قىركۇيەك پەن قازان ايلارى ارالىعىندا رەسەيدە ۇجىمدىق جەدەل ارەكەت ەتۋ كۇشتەرىنىڭ قاتىسۋىمەن «ءوزارا ءىس-قيمىل» كوماندالىق-شتابتىق جاتتىعۋى، «ىزدەۋ» ارنايى بارلاۋ وقۋ-جاتتىعۋى جانە ماتەريالدىق-تەحنيكالىق قامتاماسىز ەتۋگە باعىتتالعان «ەشەلون» جاتتىعۋى وتەدى. ال قازان ايىندا تاجىكستان اۋماعىندا «كوبالت» جانە «سكالا» اتتى ارنايى وقۋ-جاتتىعۋلار جوسپارلانعان.
بۇل جاتتىعۋلارعا بايقاۋشى رەتىندە تەرروريزمگە قارسى ورتالىق، تمد شەكارا اسكەرلەرى قولباسشىلارى كەڭەسىنىڭ ۇيلەستىرۋ قىزمەتى جانە ۇقشۇ پارلامەنتتىك اسسامبلەياسى حاتشىلىعىنىڭ وكىلدەرى قاتىسادى. ۇيىم وكىلدەرىنىڭ ايتۋىنشا، ستراتەگيالىق جاتتىعۋلار بارىسىندا ازىرلەنگەن قۇجاتتار الداعى بىرلەسكەن وقۋ-جاتتىعۋلاردى جوسپارلاۋعا نەگىز بولادى.
-
قازاقستاندىق قۇرىلىس كومپانياسى مارە-سارە بولىپ، جاس سپورتشىعا باسپانا ۇسىنىپ وتىر. بۇل قانداي جاعداي؟
-
2026 جىلدىڭ 15 اقپانىندا جەر ماگنيت داۋىلىنىڭ اسەرىنە ۇشىرايدى. بۇل مەتەوپاتيالىقتار ءۇشىن قانداي ءقاۋىپ توندىرەدى جانە ودان قالاي قورعانۋعا بولادى؟
