InfoHub Logo

اتىشۋلى ءىس بويىنشا ءۇي قاماعىندا وتىرعان بۇرىنعى جوعارى لاۋازىمدى تۇلعا ولەسيا كەكسەلدىڭ اۋەجايدا جۇرگەنى تۋرالى اقپارات الەۋمەتتىك جەلىدە تاراپ، كوپشىلىكتىڭ نازارىن اۋداردى. بۇل جاعدايعا قاتىستى باس پروكۋراتۋرا رەسمي تۇسىنىكتەمە بەردى.

بۇل تۋرالى Infohub.kz اقپارات اگەنتتىگى حابارلايدى.

تەرگەۋ امالدارىنا قاتىسۋ ءۇشىن الماتىعا بارعان

باس پروكۋراتۋرانىڭ مالىمەتىنشە، كەكسەل 20 اقپان مەن 23 ءساۋىر ارالىعىندا تەرگەۋ امالدارىنا قاتىسۋ ءۇشىن الماتى قالاسىندا بولعان. قاجەتتى راسىمدەر اياقتالعان سوڭ، ول استاناعا ورالعان جانە ءۇي قاماعىنداعى بۇلتارتپاۋ شاراسى جالعاسۋدا.

الەۋمەتتىك جەلىدەگى سۋرەتتەر

الەۋمەتتىك جەلىدە كەكسەلدىڭ اۋەجايدا تۇسىرىلگەن سۋرەتتەرى پايدا بولعاننان كەيىن، جاعدايعا قاتىستى نارازىلىقتار ايتىلدى. سۋرەتتەردىڭ اۆتورلارى تەرگەۋ جالعاسىپ جاتقان كەزدە كۇدىكتىنىڭ قالالار اراسىندا ەركىن ءجۇرىپ-تۇرۋىنا جول بەرىلگەنىنە تاڭدانىس بىلدىرگەن.

كەكسەلدىڭ ءىسى

ولەسيا كەكسەل ادامدى ازاپتاۋ ىسىنە قاتىسى بار دەگەن كۇدىككە ىلىنگەن بولاتىن. بۇعان دەيىن باس پروكۋروردىڭ ورىنباسارى عالىمجان قويگەلدييەۆ سوت كۇدىكتىنىڭ كىشكەنتاي ءسابيى بار ەكەنىن ەسكەرىپ، ءۇي قاماعىنا الۋ تۋرالى شەشىم قابىلدانعانىن ايتقان ەدى.

ولەسيا كەكسەل – قۇقىق قورعاۋ ورگاندارىندا بۇرىن جوعارى لاۋازىمداردى اتقارعان تۇلعا. ول سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ تەرگەۋ دەپارتامەنتى باستىعىنىڭ ورىنباسارى قىزمەتىن اتقارىپ، كەيىننەن باس پروكۋراتۋرانىڭ ارنايى پروكۋرورلار قىزمەتىن باسقارعان. 2017 جىلى «جىل مەملەكەتتىك قىزمەتكەرى» اتاعىنا يە بولعان.