depositphotos.com/ potatushkina.gmail.com
قازاقستاندا تەلەفون ءنومىرىن تەكسەرۋ ءتارتىبى وزگەرەدى
ەلىمىزدە ۇيالى تەلەفونداردى تەكسەرۋ ءتاسىلى وزگەرۋى مۇمكىن. جەكەمەنشىك كومپانيالاردىڭ ورنىنا بۇل فۋنكسيانى مەملەكەتتىك ۇيىم اتقاراتىن بولادى. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءبىرىنشى ۆيسە-مينيسترى روستيسلاۆ كونياشكين مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
مەملەكەتتىك مونوپولياعا كوشۋ
ۆيسە-مينيستردىڭ ايتۋىنشا، بۇل ماسەلە ۇكىمەت دەڭگەيىندە قارالعان جانە قاعيداتتىق شەشىم قابىلدانعان. ەندى تەلەفونداردى تەكسەرۋ قىزمەتىن 100% مەملەكەتتىك كومپانيا اتقاراتىن بولادى.
«قازىرگى تاڭدا بۇل ماسەلە ۇكىمەتتىڭ قاتىسۋىمەن قارالدى. تەلەفونداردى تەكسەرۋ قىزمەتىن مەملەكەتتىك ۇيىم كورسەتەتىن بولادى دەگەن شەشىم قابىلداندى»، - دەدى كونياشكين.
ونىڭ سوزىنشە، بۇل ءۇشىن قاجەتتى زاڭنامالىق وزگەرىستەر ازىرلەنىپ جاتىر. ولار ماجىلىستە قارالىپ، ماقۇلدانسا، مەملەكەتتىك كومپانيا بۇل قىزمەتتى اتقاراتىن بولادى.
تۇتىنۋشىلاردىڭ شاعىمدارى
بۇعان دەيىن قازاقستاندىقتار ۇيالى قۇرىلعىلاردى IMEI كودتارى ارقىلى مىندەتتى تۇردە تەكسەرۋگە قاتىستى شاعىمدارىن بىلدىرگەن بولاتىن. دەپۋتات بولاتبەك ناجمەتدينوۆ ۇكىمەتكە رەسمي ساۋال جولداپ، بۇل ءراسىمدى كونكۋرستان تىس، رەسمي مارتەبەسى مەن قۇقىقتىق نەگىزى جوق جەكە كومپانيانىڭ جۇزەگە اسىرىپ وتىرعانىنا الاڭداۋشىلىق بىلدىرگەن ەدى.
ەسكە سالا كەتەيىك، بۇعان دەيىن قازاقستاندا ۇيالى قۇرىلعىلاردى تىركەۋ ەرەجەلەرى جاڭارتىلعان بولاتىن. ابونەنتتىك قۇرىلعىلاردى تىركەۋدە اق، سۇر جانە قارا تىزىمدەر ەنگىزىلدى. اق تىزىمگە تەكسەرۋدەن وتكەن جانە دەرەكتەر بازاسىنا ەنگىزىلگەن قۇرىلعىلار كىرەدى. سۇر تىزىمگە قوسىمشا تەكسەرۋدى تالاپ ەتەتىن، ءبىراق جەلىدە ۋاقىتشا، 30 كۇنگە دەيىن جۇمىس ىستەۋگە رۇقسات ەتىلگەن اپپاراتتار ەنگىزىلدى. قارا تىزىمگە دۇرىس ەمەس نەمەسە وزگەرتىلگەن سايكەستەندىرۋ كودى بار، زاۋىتتىق IMEI ءنومىرى جوق نەمەسە GSMA حالىقارالىق قارا تىزىمىنە ەنگىزىلگەن قۇرىلعىلار كىردى.
الايدا، كەيىننەن الەۋمەتتىك جەلىلەردە سمارتفونداردى تىركەۋگە قاتىستى قازاقستاندىقتاردىڭ شاعىمدارى كوبەيدى. شەتەلدەن نەمەسە قولدان ساتىپ الىنعان تەلەفونداردىڭ «كىرپىشكە» اينالىپ جاتقانى تۋرالى اقپاراتتار تارادى. جۇيە IMEI كودتارىن قابىلداماي قويدى، ال نارىقتا دەلدالدار 30-50 مىڭ تەڭگەگە ماسەلەنى شەشۋدى ۇسىنىپ ۇلگەردى.
-
قاماۋدا وتىرعان شەنەۋنىك اۋەجايدا كورىنگەندە، قوعامدا رەزونانس تۋدى. باس پروكۋراتۋرا بۇل جاعدايعا قاتىستى رەسمي مالىمدەمە جاسادى.
-
Kazakhstan is shifting mobile phone verification from private entities to a state-run organization، addressing consumer complaints and aiming for greater oversight.
