InfoHub Logo

اقش-تىڭ گەرمانياداعى اسكەري كونتينگەنتىن قىسقارتۋ تۋرالى شەشىمى گەرمانيانى تاڭ قالدىرمادى. بۇل تۋرالى گەرمانيا قورعانىس ءمينيسترى بوريس پيستوريۋس مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

ەۋروپالىقتار وزدەرىنە كوبىرەك سەنۋى كەرەك

پيستوريۋستىڭ ايتۋىنشا، اقش اسكەرىنىڭ ەۋروپادا، اسىرەسە گەرمانيادا بولۋى ەكى ەلدىڭ دە مۇددەسىنە ساي كەلەدى. دەگەنمەن، مينيستر اقش-تىڭ بۇل قادامى كۇتىلگەن جايت بولعانىن اتاپ ءوتتى.

«اقش اسكەرىنىڭ ەۋروپادان، سونىڭ ىشىندە گەرمانيادان شىعارىلاتىنى بولجامدالعان ەدى»، - دەدى ول.

مينيستر سونداي-اق، ەۋروپالىقتار ءوز قاۋىپسىزدىگىن قامتاماسىز ەتۋدە وزدەرىنە كوبىرەك سەنۋى كەرەكتىگىن باسا ايتتى.

گەرمانيا اسكەرىن كوبەيتۋدى جوسپارلاپ وتىر

Reuters اگەنتتىگىنىڭ حابارلاۋىنشا، گەرمانيا بۋندەسۆەرىنىڭ (اسكەرىنىڭ) سانىن 185 مىڭنان 260 مىڭعا دەيىن كوبەيتۋدى جوسپارلاپ وتىر. دەگەنمەن، قورعانىس ءمينيسترىنىڭ سىنشىلارى رەسەي تاراپىنان كەلەتىن ءقاۋىپتى ەسكەرە وتىرىپ، بۇل ساندى ودان دا كوپ ارتتىرۋدى تالاپ ەتۋدە.

اقش گەرمانيادان شامامەن 5 مىڭ اسكەري قىزمەتكەرىن شىعاراتىنى تۋرالى حابارلاما بەرلينمەن اراداعى كەلىسپەۋشىلىكتەرگە بايلانىستى ايتىلدى. اقش قورعانىس ءمينيسترى پيت حەسەگت گەرمانياداعى اسكەري كونتينگەنتتى قىسقارتۋدى بۇيىردى.