InfoHub Logo

ساباقتىڭ تاقىرىبى: گرافيكا تاسىلىمەن «جايلاۋ» تاقىرىبىنا سۋرەت سالۋ
ساباقتىڭ ماقساتى: بىلىمدىلىك: ساۋاتتى سۋرەت سالۋ، گرافيكا ونەرى تۋرالى ماعلۇماتتار بەرۋ
دامىتۋشىلىق: نازار اۋدارۋ، بايقاعىشتىق، ەستە ساقتاۋ قابىلەتىن دامىتۋ
تاربيەلىك: قورشاعان شىندىق پەن ونەرگە ەستەتيكالىق قارىم - قاتىناس قالىپتاستىرۋ.
ساباقتىڭ ءادىسى: ساراماندىق جۇمىس
ساباقتىڭ كورنەكىلىگى: گرافيكا تۋرالى سۋرەتتەر. وقۋشىلار ءۇشىن: البوم، قارانداش، وشىرگىش ت. ب
ساباقتىڭ ءپانارالىق بايلانىسى: دۇنيەتانۋ
ساباقتىڭ بارىسى: ءى. ۇيىمداستىرۋ كەزەڭى
ءىى. ۇيگە بەرىلگەن تاپسىرمانى پىسىقتاۋ

ءىىى. جاڭا ساباق
گرافيكا گرەكتىڭ «جازامىن»، «سۋرەتىن سالامىن» دەگەن سوزىنەن شىققان. گرافيكا سۋرەتى ورىندالۋ تاسىلىنە قاراي بىرنەشە تۇرگە بولىنەدى.
لينوگراۆيۋرا – اق جانە قارا بوياۋدان تۇرادى، بەينە لينولەۋمگە سالىنادى.
ليتوگرافيا ارناۋلى اك تاسقا سالىنادى.
گراۆيۋرا – اعاشقا ويىپ سالىنادى. كومپيۋتەرلىك گرافيكادا بار. گرافيكا بۇل اق جانە قارا تاڭبا. گرافيكادا قولدانىلاتىن قۇرالدار: تۋشش، سانگينا، كومىر، كارانداش، بور.
گرافيكا تاسىلىمەن سۋرەت سالۋ ءۇشىن «جايلاۋ» تاقىرىبىمىزعا كوشەيىك. جىل ون ەكى اي — كوكتەم، جاز، كۇز، قىس بولىپ ءتورت ماۋسىمعا بولىنەدى. كوشپەلى حالىق وسى جىل مەزگىلدەرىنە قاراي قونىسىن: كوكتەۋ، جايلاۋ، كۇزەۋ، قىستاۋ دەپ اتاعان. جايلاۋ — قىستاۋدان الىس جاتقان دالاداعى قونىس. اتا - بابامىز ەرتەدە جاز جايلاۋدا، قىس قىستاققا كوشىپ وتىرعان. جايلاۋدى ءشوبى شۇيگىن، سۋى ءارى مول، ءارى تۇنىق، سالقىن اۋالى، جۋسانى مەن قىرمىزى، قىزعالداعى، سامعاپ ۇشقان قارلىعاشى ءبىزدى وزىنە باۋراپ الادى. جايلاۋدا اتامىز بەن اپامىز، سونىمەن قاتار بىزدەردى نەلەر قارسى الادى؟
ءتورت تۇلىك دەپ نەلەردى ايتامىز. ارينە، سيىر، جىلقى، قوي، تۇيەنى ايتامىز.
ءتورت تۇلىك تۋرالى قانداي ماقال - ماتەل بىلەسىڭدەر؟
ءتورت تۇلىككە ارنالعان ولەڭدەر بىلەمىز؟
وقۋشىلار بەينەلەۋ ونەرىندە سۋرەت سالۋ ءتورت كەزەڭنەن تۇرادى.

1. قاعاز بەتىنە دۇرىس ورنالاستىرۋ (كومپونوۆكا)
2. تەپە تەڭدىك
3. جارىق پەن كولەڭكە
4. اياقتالعان جۇمىس

ساراماندىق جۇمىس:
ەندى، وقۋشىلار ساباقتى جاقسى ءتۇسىنىپ بولساق، سۋرەت سالۋعا كوشەيىك. جايلاۋ كورىنىسىن گرافيكا ادىسىمەن ورىندايمىز، قولدانىلاتىن قۇرالىمىز: جاي كارانداش پەن البومدىق پاراقتار. سۋرەت سالۋ بارىسىندا وقۋشىلاردىڭ ءاربىر سىزىعى، ءار قيمىلىن ءجىتى قاداعالاپ وتىرامىن، ويتكەنى، سۋرەت سالۋدىڭ باستاپقى كەزەڭىندە قاتەلىكتەر جىبەرۋگە بولمايدى. ز

ساباقتى قورىتىندىلاۋ
ساباقتى قورىتىندىلاۋدا وقۋشىلار وزدەرىنىڭ سۋرەتتەرى جايلى اڭگىمەلەپ بەرەدى، ارينە بۇل وقۋشىنىڭ ءوز ويىن سونىمەن قاتار ءتىل بايلىقتارىن دامىتۋ ماقساتىندا، تاقىرىپتى دۇرىس سالعاندارىن ساراپتاي وتىرىپ، وقۋشىلاردى باعالايمىن.
ۇيگە تاپسىرما: گرافيكا ادىسىمەن «قۇمىرا مەن الما» بەينەلەۋ.