گرۋزيادا قازاقستاندىق بوكسشىنىڭ ءىنىسى شىڭعىس ءمۇسادىلوۆ ءولى كۇيىندە تابىلدى
تبيليسيدە جوعالىپ كەتكەن 27 جاستاعى شىڭعىس ءمۇسادىلوۆ بىرنەشە كۇندىك ىزدەۋدەن كەيىن ءولى كۇيىندە تابىلدى. قايتىس بولعانى تۋرالى اقپاراتتى قازاقستاننىڭ گرۋزياداعى ەلشىلىگى راستادى. مارقۇم – بەلگىلى بوكسشى، قازاقستان چەمپيونى سەرىك ءمۇسادىلوۆتىڭ ءىنىسى.
جاقىندارىنىڭ ايتۋىنشا، شىڭعىس 4 تامىزعا قاراعان ءتۇنى ءتبيليسيدىڭ ورتالىعىنداعى تۇنگى كلۋب ماڭىندا سوڭعى رەت كورىنگەن. سودان بەرى بايلانىسقا شىقپاعان. تۋىستارى بىردەن پوليسياعا جۇگىنىپ، ىزدەۋ جاريالاعان.
ءبىراق ىزدەۋ بىرنەشە كۇنگە سوزىلىپ، وكىنىشكە قاراي، قايعىلى حابارمەن اياقتالدى. ءقازىر ونىڭ ولىمىنە نە سەبەپ بولعانى تۋرالى رەسمي اقپارات جاريالانعان جوق. ءتيىستى ساراپتامالار مەن تەرگەۋ امالدارى جۇرگىزىلىپ جاتىر.
مۇسادىلوۆتەر وتباسى مەن سپورتتىق قاۋىمداستىق بۇل جاڭالىقتى اۋىر قايعىمەن قابىلدادى. شىڭعىستىڭ ومىردەن مەزگىلسىز كەتۋى – تەك وتباسى ءۇشىن ەمەس، بۇكىل سپورتشى قاۋىم ءۇشىن ورنى تولماس قازا.
You Might Also Like
-
اقش بىرنەشە B61-12 ۇلگىسىندەگى تەرمويادرولىق بومباسىن ۇلىبريتانياداعى ساففولك گرافتىعىندا ورنالاسقان Lakenheath اسكەري بازاسىنا ورنالاستىردى. بۇل تۋرالى UK Defence Journal باسىلىمى حابارلادى.
-
اقش پەن ەۋرووداق جاڭا ساۋدا كەلىسىمىنە قول جەتكىزدى
