اقش 2008 جىلدان بەرى العاش رەت ۇلىبريتانياعا يادرولىق قارۋىن قايتا ورنالاستىردى
اقش بىرنەشە B61-12 ۇلگىسىندەگى تەرمويادرولىق بومباسىن ۇلىبريتانياداعى ساففولك گرافتىعىندا ورنالاسقان Lakenheath اسكەري بازاسىنا ورنالاستىردى. بۇل تۋرالى UK Defence Journal باسىلىمى حابارلادى.
اتالعان بازا كەزىندە — قىرعي-قاباق سوعىس داۋىرىندە — اقش-تىڭ ەۋروپاداعى نەگىزگى يادرولىق ارسەنالدارىنىڭ ءبىرى بولعان. الايدا 2008 جىلى بۇل بازادان يادرولىق قارۋ شىعارىلىپ، سودان بەرى مۇندا ونداي قارۋ ساقتالماعان.
B61-12 — اقش-تىڭ زاماناۋي تەرمويادرولىق قارۋى. ول دالدىگى جوعارى، قۋاتى رەتتەلەتىن، ۇشاقپەن تاسىمالداناتىن بومبا رەتىندە بەلگىلى.
ساراپشىلاردىڭ ايتۋىنشا، بۇل قادام رەسەيمەن گەوساياسي شيەلەنىستىڭ كۇشەيۋىمەن جانە ەۋروپاداعى قاۋىپسىزدىك ماسەلەسىنىڭ ۋشىعۋىمەن تىكەلەي بايلانىستى. ناتو-عا مۇشە ەلدەر سوڭعى جىلدارى ءوزارا قورعانىس ستراتەگياسىن قايتا قاراپ، يادرولىق الەۋەتتى كۇشەيتۋگە ەرەكشە ءمان بەرىپ كەلەدى.
قازىرگى تاڭدا اقش-تىڭ ەۋروپاداعى بىرنەشە ەلدە (گەرمانيا، بەلگيا، يتاليا، نيدەرلاندى، تۇركيا) يادرولىق قارۋى بار ەكەنى بەلگىلى.
You Might Also Like
-
سوت پروسەسى بارىسىندا بەلگىلى بولعان دەرەكتەر قوعامدى الاڭداتتى: «Asar-Ume» قوعامدىق بىرلەستىگىنىڭ پرەزيدەنتى اسحات نۇرماشيەۆتىڭ ايتۋىنشا، قور حالىقتان جينالعان 293 ملن تەڭگەنىڭ 200 ميلليونىن پەريزا...
-
پەريزات قايراتتىڭ ءىسى: نزم اتا-انالارى دا جابىرلەنۋشى رەتىندە تانىلدىقايىرىمدىلىققا دەپ اۋدارعان 900 مىڭ تەڭگەدەن استام قارجى ۇستازدىڭ ەمىنە جۇمسالۋى ءتيىس ەدى
