Photo: Terje Sollie (https://www.pexels.com/@solliefoto) / Pexels
گۇلميرا ءابىقاي: «اتىراۋ حاكەر» ماعان تىكەلەي جازدى
بەلگىلى جۋرناليست گۇلميرا ءابىقاي «الاش وردا» ارناسىنا بەرگەن سۇحباتىندا اتىراۋ وبلىسىندا ۇلكەن رەزونانس تۋدىرعان وقيعاعا قاتىستى پىكىرىن ءبىلدىردى. ءجۋرناليستىڭ ايتۋىنشا، «اتىراۋ حاكەر» اككاۋنتىنىڭ يەسى وزىمەن تىكەلەي بايلانىسقا شىققان.
بۇل تۋرالى Infohub.kz اقپارات اگەنتتىگى حابارلايدى.
جۋرناليست پەن حاكەردىڭ بايلانىسى
گۇلميرا ءابىقاي الەۋمەتتىك جەلىدە جاريالاعان ۆيدەوسىنان كەيىن جۇزدەگەن ادامنان حابارلاما العانىن ايتتى. ولاردىڭ كوبى جۋرناليستكە قۇرمەتپەن قاراپ، ۆيدەوداعى ادامنىڭ كىم ەكەنىن سۇراعان.
«كوستا-ريكادان شەتەلدىك ءنومىر ارقىلى «سالەمەتسىز بە، بۇل مەن – "اتىراۋ حاكەرمىن" دەپ جازدى. اڭگىمەمىز قاڭتاردىڭ 4ء-ى كۇنى بولدى. داۋسى جاس بالانىكى سياقتى. ول ءوزىن الەۋمەتتىك جەلىدە جاريالاعانىمدى ايتىپ، دەزينفورماسيا تارالىپ جاتقانىن جەتكىزدى»، – دەدى جۋرناليست.
گۇلميرا ءابىقاي حاكەرگە: «ءسىز قانداي جاقسىلىق جاسادىڭىز؟ مىنا چاتتاعى ونداعان ادام وتىرىك ايتىپ وتىر دەپ ويلايسىز با؟» دەپ جاۋاپ بەرگەنىن ايتتى. حاكەر وعان دالەلدەر جىبەرەتىنىن ايتقان، ءبىراق جۋرناليستكە دالەلدەر قاجەت ەمەس ەكەنىن، تەك وقيعانىڭ ءمان-جايىن بىلگىسى كەلەتىنىن جەتكىزگەن.
جۋرناليست حاكەردىڭ شەتەلدە قاشىپ جۇرگەنىن جانە ونىڭ ۇستىنەن الاياقتىق بابى بويىنشا ءتورت قىلمىستىق ءىس قوزعالعانىن مالىمدەدى.
-
جانىبەك ءالىمحان ۇلىنىڭ دوپينگ سىناعىنىڭ ناتيجەسى ونىڭ بولاشاق مانسابىنا ۇلكەن اسەر ەتۋى مۇمكىن.
-
يسپاندىق مامان حابي الونسو مادريدتىك «رەال» كلۋبىنىڭ باس باپكەرلىگىنەن كەتتى. بۇل شەشىم كلۋبتىڭ باسپا ءسوز قىزمەتى ارقىلى جاريالاندى.
