Photo: Aibek Skakov (https://www.pexels.com/@aibek-skakov-418917601) / Pexels
جۋرناليستيكا الەمى تاعى ءبىر تالانتتى قالامگەرىنەن ايىرىلدى: داۋلەت ىزتىلەۋ ومىردەن وزدى
قازاقستاندىق جۋرناليستيكا الەمى تاعى ءبىر تالانتتى قالامگەرىنەن ايىرىلدى. داۋلەت ىزتىلەۋ مەزگىلسىز ومىردەن وزدى. بۇل قايعىلى حاباردى مادەنيەت جانە اقپارات مينيسترلىگى راستادى.
بۇل تۋرالى Infohub.kz اقپارات اگەنتتىگى حابارلايدى.
مينيسترلىك مارقۇمنىڭ تۋعان-تۋىستارىنا، جاقىندارىنا جانە ارىپتەستەرىنە كوڭىل ايتتى. رەسمي مالىمدەمەدە ونىڭ جۋرناليستيكاداعى ورنى مەن ەڭبەگى ەرەكشە اتالىپ ءوتتى. داۋلەت ىزتىلەۋ كاسىبي مادەنيەتى جوعارى، ءوز ىسىنە ادال مامان رەتىندە سيپاتتالدى.
داۋلەت ىزتىلەۋدىڭ ەڭبەك جولى
داۋلەت ىزتىلەۋ ءار جىلدارى «قازكونتەنت» اق قۇرامىنداعى e-history پورتالىندا ءتىلشى بولىپ ەڭبەك ەتتى. كەيىن «ەلوردا ينفو» اقپارات اگەنتتىگىندە قىزمەت اتقاردى. 2018 جىلدان باستاپ حالىقارالىق Kazinform اقپارات اگەنتتىگىنە اۋىسىپ، قوعامدىق ماڭىزى بار تاقىرىپتاردى تالداپ، اقپاراتتىق كەڭىستىكتە ءوز قولتاڭباسىن قالدىردى.
مينيسترلىك ونىڭ ەسىمى ارىپتەستەرى مەن زامانداستارىنىڭ جادىندا ساقتالاتىنىن جەتكىزدى. حابارلاما سوڭىندا: «مارقۇمنىڭ جانى ءجانناتتا بولسىن، يمانى سالامات بولسىن، توپىراعى تورقا بولسىن»، – دەگەن ىزگى تىلەك قوسا بەرىلدى.
-
اتىراۋلىق حاكەر الەۋمەتتىك جەلىدە وزىنە قىسىم كورسەتىلگەنىن مالىمدەدى. بۇل جاعداي قوعامدا ۇلكەن رەزونانس تۋدىردى.
-
قازاقستاننىڭ بەس وبلىسىندا اۋا رايىنىڭ ناشارلاۋىنا بايلانىستى اۆتوجولداردا قوزعالىس شەكتەلدى.
