tengrinews.kz
يلون ماسك ۆەنگرياداعى جاڭا بيلىككە كىمنىڭ ىقپال ەتكەنىن ايتتى: دجوردج سوروس قوزعالىسى
امەريكالىق كاسىپكەر ءارى ميللياردەر يلون ماسك ۆەنگرياداعى جاڭا بيلىكتىڭ ارتىندا امەريكالىق قارجىگەر ءارى فيلانتروپ دجوردج سوروستىڭ قورلارى تۇرعانىن ايتتى.
بۇعان دەيىن سوروستىڭ ۇلى ۆەنگرياداعى پارلامەنت سايلاۋىنا قاتىستى پىكىر ءبىلدىرىپ، وپپوزيسيالىق "تيسا" پارتياسى داۋىستاردىڭ 98،79 پايىزى سانالعاننان كەيىن 199 ورىننىڭ 138ء-ىن يەلەنىپ، الدا كەلە جاتقانىن ايتقان. ول ۆەنگر حالقى "ءوز ەلىن قايتارىپ الدى" دەپ مالىمدەگەن.
"سوروستىڭ ۇيىمى ۆەنگريادا بيلىكتى باسىپ الدى"، - دەپ جازدى ماسك الەۋمەتتىك جەلىدە قارجىگەر ۇلىنىڭ جازباسىنا پىكىر بىلدىرە وتىرىپ.
دجوردج سوروس كىم؟
دجوردج سوروس - ۆەنگر تەكتى امەريكاندىق ترەيدەر جانە ينۆەستور. ول "اشىق قوعام" قايىرىمدىلىق ۇيىمدارى جەلىسىن قۇرعان. مەديادا سوروس وتە قايشىلىقتى تۇلعا رەتىندە تانىمال: بىرەۋلەر ونى دەموكراتيا مەن ءبىلىمدى قولدايتىن فيلانتروپ دەسە، ەكىنشىلەر ونى سانسىز "ءتۇرلى-تۇستى ريەۆوليۋسيالاردى" قارجىلاندىرۋمەن جانە جاھاندىق باسقارۋمەن بايلانىستىراتىن ىقپالدى سپەكۋليانت پەن "سۇر كاردينال" سانايدى. سوروس قورلارى بىرنەشە مەملەكەتتە بيلىكتىڭ اۋىسۋىن ۇيىمداستىردى دەگەن ايىپتارعا ءجيى ۇشىراعان.
باق-تا سوروستى اقش دەموكراتيالىق پارتياسىمەن ءجيى بايلانىستىرادى. اقش پرەزيدەنتى دونالد ترامپ بولسا، اقش-تاعى نارازىلىق اكسيالارىنىڭ ارتىندا سوروس پەن باسقا دا سولشىل راديكالدار تۇرعانىن مالىمدەگەن.
ۆەنگرياداعى سايلاۋ
جەكسەنبى كۇنى، 12 ساۋىردە ۆەنگريادا پارلامەنت سايلاۋى ءوتتى. وندا ەلدىڭ كەلەسى پرەمەر-مينيسترى كىم بولاتىنى دا انىقتالدى. داۋىستاردىڭ 90 پايىزدان استامى سانالعاننان كەيىن، وپپوزيسيالىق ەۋروپاشىل "تيسا" پارتياسىنىڭ جەتەكشىسى پەتەر ماديار ايقىن باسىمدىقپەن جەڭىسكە جەتتى. ونىڭ پارتياسى پارلامەنتتە كونستيتۋسيالىق كوپشىلىككە يە بولىپ، باسقا فراكسيالاردىڭ قولداۋىنسىز زاڭ قابىلداي الاتىن مۇمكىندىككە يە بولدى.
16 جىل بيلىكتە بولعان بۇرىنعى پرەمەر-مينيستر ۆيكتور وربان ءوز پارتياسى ءۇشىن ناتيجەنى "ايقىن جانە اۋىر" دەپ مويىندادى. ماديار وربان ۇكىمەتىن دەرەۋ وتستاۆكاعا كەتۋگە شاقىردى.
-
اقش پرەزيدەنتى دونالد ترامپتىڭ ورمۋز بۇعازىن قورشاۋ تۋرالى مالىمدەمەسىنەن كەيىن Brent ماركالى مۇنايدىڭ باعاسى باررەلىنە 100 دوللاردان استى.
-
Billionaire Elon Musk has commented on Hungary's parliamentary election results، suggesting George Soros' organizations played a role in the country's new political landscape.
