tengrinews.kz
مۇناي باعاسى كۇرت ءوسىپ، 100 دوللاردان استى
الەمدىك مۇناي باعاسى اقش پرەزيدەنتى دونالد ترامپتىڭ ورمۋز بۇعازىن قورشاۋ تۋرالى مالىمدەمەسىنەن كەيىن ءوستى. Brent ماركالى مۇنايدىڭ باعاسى باررەلىنە 100 دوللاردان قايتا استى.
بۇل تۋرالى Infohub.kz اقپارات اگەنتتىگى حابارلايدى.
لوندون ICE بيرجاسىنداعى ساۋدا دەرەكتەرىنە سايكەس، Brent ماركالى مۇنايدىڭ ماۋسىمدىق فيۋچەرستەرىنىڭ قۇنى 7،27 پايىزعا ءوسىپ، استانا ۋاقىتىمەن 08:00-دە 102 دوللاردان استى.
WTI ماركالى مۇنايدىڭ مامىرلىق فيۋچەرستەرىنىڭ قۇنى 8،55 پايىزعا ءوسىپ، 104،83 دوللارعا جەتتى.
اقش پەن يران كەلىسسوزدەرى
ەستەرىڭىزگە سالا كەتەيىك، سەنبى كۇنى، ءساۋىردىڭ 11ء-ى كۇنى يران مەن اقش يسلامابادتا كەلىسسوزدەر باستادى. الايدا، جەكسەنبى كۇنى تاڭەرتەڭ اقش ۆيسە-پرەزيدەنتى دجەي دي ۆەنس كەلىسىمگە قول جەتكىزە الماعانىن حابارلادى. كەلىسسوزدەر ۇزاققا سوزىلعانىمەن، ناتيجەسىز اياقتالىپ، امەريكاندىق دەلەگاسيا ەلگە ورالدى.
سول كۇنى ترامپ اقش ورمۋز بۇعازىنان وتۋگە تىرىسقان بارلىق كەمەلەردى بلوكاداعا الاتىنىن مالىمدەدى. ول سونداي-اق اقش اسكەري-تەڭىز كۇشتەرىنە مۇنداي كەمەلەردى باقىلاپ، يرانعا اقشا تولەگەندەرىن انىقتاۋدى تاپسىردى.
قازاقستانداعى مۇناي باعاسىنىڭ ءوسۋى: بيۋدجەتكە پايدا، ءبىراق ەكونوميكاعا تاۋەكەلدەر
بۇعان دەيىن مۇناي-گاز سالاسىنىڭ ساراپشىسى اسقار يسمايلوۆ مۇناي باعاسىنىڭ ءوسۋى قازاقستان بيۋدجەتىنە قوسىمشا تابىس اكەلىپ، ۇلتتىق قوردى نىعايتىپ، ساۋدا بالانسىن جاقسارتىپ، تەڭگە باعامىن قولدايتىنىن اتاپ وتكەن بولاتىن.
الايدا، مۇناي نارىعىنىڭ جوعارى قۇبىلمالىلىعى ەكونوميكا ءۇشىن تاۋەكەلدەر تۋدىرادى. باعانىڭ اۋىتقۋى ينفلياسياعا، ينۆەستيسيالارعا جانە قارجى نارىقتارىنا اسەر ەتۋى مۇمكىن. ەكونوميكانىڭ مۇناي تابىسىنا تاۋەلدىلىگى قازاقستاندى سىرتقى سوققىلار مەن الەمدىك باعانىڭ كۇرت وزگەرۋىنە سەزىمتال ەتەدى.
2026–2028 جىلدارعا ارنالعان بيۋدجەتتە مۇناي باعاسى 60 دوللار، ال دوللار باعامى 540 تەڭگە بولىپ بەلگىلەنگەن. بۇل ەكسپورتتان تۇسەتىن تابىستى، الەۋمەتتىك تولەمدەردى جانە بيۋدجەتتىك باعدارلامالارعا ارنالعان شىعىستاردى ەسەپتەۋ ءۇشىن قولدانىلادى.
-
ەلىمىزدىڭ ءۇش ءىرى قالاسىندا، سونىڭ ىشىندە استانا مەن الماتىدا، اۆتوپيلوتتى كولىكتەر مەن درونداردى سىناقتان وتكىزۋ ءۇشىن جول بەلگىلەرى مەن سىزىقتارى جاڭارتىلادى.
-
يلون ماسك ۆەنگرياداعى پارلامەنت سايلاۋىنىڭ ناتيجەسىنە قاتىستى پىكىر ءبىلدىرىپ، ەلدەگى جاڭا بيلىكتىڭ ارتىندا امەريكالىق ميللياردەر دجوردج سوروستىڭ قورلارى تۇرعانىن مالىمدەدى.
