ءىلياس جانسۇگىروۆتىڭ 1927 جىلى جارىق كورگەن جىر جيناعى تابىلدى
جىر قۇلاگەرى اتانعان ءدۇلدىل اقىن ءىلياس جانسۇگىروۆتىڭ بۇرىن بەلگىسىز بولىپ كەلگەن تاعى ءبىر كىتابى تابىلدى.
توتە جازۋمەن تەرىلىپ، 1927 جىلى ماسكەۋ قالاسىنداعى باسپادان شىققان جيناقتى الماتى قالاسىنىڭ بايىرعى تۇرعىنى، كينورەجيسسەر ەربول بورانشا ۇلى جەكە كىتاپحاناسىندا ساقتاعان ەكەن. اقىننىڭ شىمشىما ولەڭدەرىنەن قۇرالعان كىتاپ «وتىرىك» دەپ اتالادى. ءىلياس اقىن رەپرەسسيا قۇرىعىنا ىلىنگەن كەزدە كوپتەگەن كىتاپتارى مەن قولجازبالارى تاركىلەنىپ، جويىلعان بولاتىن. ال ەربول بورانشا ۇلىنىڭ جەكە مۇراعاتىنان تابىلعان بۇل ءتۇپنۇسقا جيناق جانسۇگىروۆ مۇراسىنا قوسىلعان ۇلەس قانا ەمەس، قازاق ادەبيەتى تاريحىنداعى ەلەۋلى وقيعا بولىپ وتىر.
ءقازىر تابىلعان كىتاپ تالدىقورعانداعى ءىلياس جانسۇگىروۆ اتىنداعى وبلىستىق ادەبي مۇراجايعا قويىلعان.
بۇل ءسۇيىنشى حاباردى اتالعان مۇراجاي مەڭگەرۋشىسى نۇرگۇل جاۋىنبايەۆا جەتىسۋ ۋنيۆەرسيتەتىندە وتكەن «جانسۇگىروۆ وقۋلارى» رەسپۋبليكالىق عىلىمي-پراكتيكالىق كونفەرەنسياسىندا حابارلادى.
– بۇل كىتاپ - بۇرىن-سوڭدى ەشكىمنىڭ قولىنا تۇسپەگەن ءتۇپنۇسقا. ءسۇيىنشى حاباردى جانسۇگىروۆ وقۋلارىنا ەلىمىزدىڭ تۇكپىر-تۇكپىرىنەن كەلگەن ءىلياستانۋشى عالىمدار مەن ستۋدەنت جاستارعا جەتكىزىپ وتىمىز.
كىتاپتى كورىپ كوزايىم بولۋدى ويلاعان جانداردى مۋزەيگە شاقىرامىن، - دەيدى ءىلياس جانسۇگىروۆ اتىنداعى وبلىستىق ادەبي مۇراجاي مەڭگەرۋشىسى نۇرگۇل جاۋىنبايەۆا.
ال ۋنيۆەرسيتەت قابىرعاسىندا ءداستۇرلى تۇردە وتەتىن عىلىمي كونفەرەنسيادا ءىلياس جانسۇگىروۆتىڭ ءومىرى مەن شىعارماشىلىعى جان-جاقتى تالقىلاندى.
You Might Also Like
-
№49 «سىرداريا»جببم كمم «بۇلاق كورسەڭ، كوزىن اش» اتتى شىعارماشىل تۇلعانى تاربيەلەۋگە باعىتتالعان 5-9 سىنىپ وقۋشىلارىنىڭ اتا-انالارىنا ارنالعان ترەنينگ ساباق ءوتىلدى. ساباققا ا...
-
ەرمەكبايدىڭ ءتورتىنشى اتاسى تۇرعىنباي ات باپتايتىن ساياتكەر بولعان كىسى ەكەن. بۇكىل دۋلات ەلىندە بەلگىلى، قانداي بايگە بولماسىن، بايگەنىڭ الدىن بەرمەيتىن ۇلكەنتورى، كىشىتورى دەيتىن ەكى جۇيرىك اتى بول...
