ىندەت پەن مىندەت
بارشاڭىزعا اسسالاۋماعالەيكۋم!
مەن ەڭبەكشىقازاق اۋدانى، ءال-فارابي اتىنداعى ورتا مەكتەپتىڭ 9"ا" سىنىپ وقۋشىسى احاتوۆ جامبىل بولامىن. مەكتەپتە بارلىق ءىس-شارالارعا مەيلىنشە كوپ قاتىسىپ، شامام كەلگەنىنشە ات سالىسۋعا تىرىسامىن.
بۇگىنگى تاڭدا بارىمىزگە بەلگىلى كورونوۆيرۋس ەلىمىزدە ءورشىپ كەتتى. بۇل ىندەتتىڭ الدىن الۋ ماقساتىندا تالاي ماماننىڭ بىلەك سىبانا، ايانباي جۇمىس ىستەپ جاتقانى بارىمىزگە بەلگىلى. ەلىمىزدە اتى جامان ۆيرۋس پايدا بولعالى بەرى كوپ نارسە وزگەردى. بارلىق جەرلەر جابىلىپ، وقۋشىلار ساباعىن توقتاتتى. وسىعان وراي وقۋشىلار اراسىندا قاشىقتىقتان وقىتۋ جۇيەسى دە قولدانىلا باستادى. مۇعالىمدەر جۇمىستارىن توقتاتپاي، شاكىرتتەرىنىڭ ءبىلىمىن شىڭداۋ ماقساتىندا ۇلكەن ەڭبەك ەتۋدە. الەۋمەتتىك جەلىلەردىڭ كومەگىمەن ءبىلىم الۋ ەشكىمگە اسا قيىندىق تۋدىرا قويعان جوق، سەبەبى قازىرگى XXI عاسىردا عىلىم مەن تەحنولوگيا جەتىك دامىعان. وقۋشىلار دا بەلسەندىلىكتەرىن جوعالتپاي، وزدەرىن جاقسى قىرلارىنان كورسەتۋدە.
"ۇستازدىق ەتكەن جالىقپاس،
ۇيرەتۋدەن بالاعا. "-دەپ اباي اتامىز ايتپاقشى، مۇعالىمدەر قاي كەزدە بولسىن شاكىرتتەرىن ءبىلىم نارىمەن سۋسىنداتۋعا دايىن. ۇكىمەت تاراپىنان دا كومەكتەر ايالىپ جاتقان جوق. الەمدى ءدىر ەتكىزگەن بۇل ۆيرۋس ەشكىمگە وڭاي تيگەن جوق. الايدا ءبىز دە بارىنشا بۇل ىندەتتەن تەز قۇتىلۋ ءۇشىن ايانىپ قالماۋىمىز كەرەك. ول ءۇشىن ەڭ اۋەلى تارتىپكە باعىنىپ، ۇيدە وتىرۋىمىز كەرەك. قاشان دا بولسىن باسىمىزعا كەلگەن قيىندىقتاردى جەڭىپ شىعارىمىزعا سەنەمىن.
ءبىز قازاق مىڭ ءولىپ، مىڭ تىرىلگەن ءور رۋحتى حالىقپىز. ەشقاشان باسىنا كەلگەن سىناقتارعا مويىماي جەڭە بىلگەن اتا-بابالارىمىزدىڭ جولىمەن ءبىز دە بۇل جاعدايدا سابىرلى بولۋىمىز كەرەك. ۇرپاقتارعا ءداستۇر مەن ءدىنىمىزدى دارىپتەپ، بىرلىگىمىزدەن اجىراماي، سىيلاستىعىمىز جويىلماسا - الىنبايتىن قامال جوق. بۇل اتى جامان ىندەت ەلىمىزدەن ءبىر جولا جوعالىپ، ءبارىمىز بۇرىنعى قالپىمىزشا جاقسى ءومىر سۇرۋگە اللا ءناسىپ ەتسىن. دارىگەرلەرگە اللا كۇش قۋات بەرسىن. قانشاما دارىگەرلەر ءبىز ءۇشىن جۇمىسىن توقتاتپاي، ءوز ومىرلەرىنەن وزگەنىڭ ومىرىنە كوبىرەك كوڭىل ءبولىپ، بۇل ۆيرۋسپەن كۇرەسۋدە. سونداي ابزال جاندارعا قانشا العىس ايتساق تا از.
ەلىمىز امان، جۇرتىمىز تىنىش بولسىن!
جامبىل احاتوۆ
You Might Also Like
-
ءاپالى-سىڭلىلى ميلا مەن ماشا دەگەن قىزداردىڭ بولمەسىنە سلاۆيك اتتى ورمەكشى قونىس تەپتى. ول تەرەزە پەردەسىنىڭ ارت جاعىنان وزىنە ىڭعايلى ورىن تاڭداپ الدى. بۇل جەر جارىق، جايلى ءارى ەشكىمنىڭ كوزىنە تۇسە...
-
كەشە عانا مەكتەپ تابالدىرىعىن اتتاپ، بۇگىندە ۇلكەن سىنىپقا بەت الىپ وتىرعان بارشا باستاۋىش سىنىپ وقۋشىلارىن جاڭا قادامدارىمەن قۇتتىقتايمىز!
