InfoHub Logo

كاسپيي تەڭىزىنىڭ جاعالاۋىندا يران ەرەكشە فورماتتاعى اسكەري جاتتىعۋ ۇيىمداستىرىپ، حالىقارالىق قاۋىمداستىقتىڭ نازارىن اۋداردى. ەلدىڭ مازەنداران جانە گۇلستان پروۆينسيالارىندا وتكەن بۇل شارادا يسلام ريەۆوليۋسياسى ساقشىلارى كورپۋسى (كسير) اقش پەن يزرايل باسشىلىعىنا قارسى باعىتتالعان سيمۆوليكالىق وپەراسيا وتكىزدى.

ساحنالانعان ەپيزودتا بۇرىنعى اقش پرەزيدەنتى دونالد ترامپ پەن يزرايل پرەمەرى بينيامين نەتانياحۋعا ۇقساس ادامداردى ارنايى جاساق ساربازدارى “ۇستاپ”، ولاردى “تاريح قوقىسى” دەگەن جازۋى بار كولىككە تاستايدى. قارۋ كەزەلگەن ساربازدار مەن كونگەندەي ءتۇر تانىتقان “تۇتقىندار” – بۇل كورىنىستىڭ بارلىعى ناقتى اسكەري وپەراسيانى ەمەس، ساياسي استارى بار قويىلىم ەكەنىن اڭعارتادى.

يران مۇنداي اكسيالار ارقىلى يدەولوگيالىق ۇستانىمىن اشىق ءبىلدىرىپ كەلەدى. بۇعان دەيىن دە ەلدە اقش پەن يزرايل تۋىن ورتەۋ، وسى ەل باسشىلارىنىڭ مۇسىندەرىن ورتتەۋ سياقتى اكسيالار وتكىزىلگەن. الايدا بۇل جولى كورىنىس اناعۇرلىم اسەرلى بولدى – الەۋمەتتىك جەلىلەردە بەينەجازبالار جىلدام تاراپ، قىزۋ پىكىرتالاس تۋعىزدى.

ساراپشىلار بۇل ارەكەتتى تاياۋ شىعىستاعى گەوساياسي ويىننىڭ ءبىر بولىگى رەتىندە باعالاپ وتىر. يراننىڭ ماقساتى – قارسىلاستارىنا مەسسەدج بەرۋ عانا ەمەس، حالىقتىڭ نازارىن ىشكى ماسەلەلەردەن الشاقتاتىپ، ۇلتتىق بىرىگۋ يدەياسىن كۇشەيتۋ. قويىلىم شىن قاۋىپكە اينالمايتىن شىعار، ءبىراق تاياۋ شىعىستاعى شيەلەنىستىڭ سيمۆوليكالىق تىلدە ءوربىپ جاتقانى انىق.