كامچاتكادا جويقىن جەر سىلكىنىسىنەن كەيىن كليۋچيەۆ جانارتاۋى ويانىپ، لاۆا اتقىلاي باستادى
كامچاتكادا جويقىن جەر سىلكىنىسىنەن كەيىن كليۋچيەۆ جانارتاۋى ويانىپ، لاۆا اتقىلاي باستادى
رەسەيدىڭ قيىر شىعىسىندا ورنالاسقان كامچاتكا تۇبەگىندە تابيعات ءتۇن ۇيقىسىن بۇزدى: قۋاتتى جەر سىلكىنىسىنەن كەيىن ەۋرازيا قۇرلىعىنداعى ەڭ بيىك ءارى ەڭ بەلسەندى جانارتاۋلاردىڭ ءبىرى — كليۋچيەۆ شوقىسى اتقىلاي باستادى.
رەسەي عىلىم اكادەمياسى گەوفيزيكالىق قىزمەتىنىڭ مالىمەتىنشە، جانارتاۋ شوقىسىنىڭ باتىس باۋرايىنان لاۆا اعىمى بايقالعان، ال تاۋدىڭ ۇشار باسىن جارقىراعان وت جاپقان. اتقىلاۋ كەزىندە جارىلىس دىبىستارى دا ەستىلە باستاعان.
توتەنشە جاعدايلار قىزمەتى ايماقتا ءقاۋىپ دەڭگەيىن كۇشەيتتى. الايدا سوعان قاراماستان، جەرگىلىكتى تۋريزمگە قۇمارتقانداردىڭ كەيبىرى ساپارىنان باس تارتپاعان. جانارتاۋ ەتەگىندە بىرنەشە تۋريستىك توپ جۇرگەنى دە حابارلاندى.
كليۋچيەۆ شوقىسى — بيىكتىگى 4800 مەتردەن اساتىن اسا بەلسەندى جانارتاۋ. سوڭعى رەت ول بىرنەشە جىل بۇرىن بەلسەندىلىك تانىتقان. ال بۇل جولعى اتقىلاۋ كامچاتكانىڭ سەيسميكالىق ويانۋى مەن تابيعي قاتەرلەردىڭ ارتۋىنا الاڭداتۋشىلىق تۋعىزۋدا.
You Might Also Like
-
2025 جىلعى مامىردا اقش قىتايدان نەبارى 556 ميلليون دوللاردىڭ كيىم-كەشەگىن ساتىپ الدى. بۇل — سوڭعى 22 جىلداعى ەڭ تومەنگى كورسەتكىش. يمپورت كولەمى قاتارىنان ءتورت اي بويى ازايىپ كەلەدى.
-
گازا سەكتورىندا يزرايل اسكەري كۇشتەرىنىڭ شابۋىلىنان 67 پالەستينالىق مەرت بولدى. تاعى 150-دەن استام ادام ءتۇرلى جاراقات الدى. بۇل تۋرالى گازا دەنساۋلىق ساقتاۋ مينيسترلىگى حابارلادى.
