tengrinews.kz
يران تۇركياعا بالليستيكالىق زىمىران ۇشىرۋ ايىپتاۋلارىنا جاۋاپ بەردى
يران تۇركياعا بالليستيكالىق زىمىران ۇشىرۋ تۋرالى ايىپتاردى جوققا شىعاردى. تەگەران بۇل ارەكەتتىڭ ارتىندا اقش پەن يزرايل تۇر دەپ مالىمدەپ، ەكى ەل اراسىنداعى قارىم-قاتىناستى بۇزۋعا تىرىسقانىن ايتتى.
بۇل تۋرالى Infohub.kz اقپارات اگەنتتىگى حابارلايدى.
يراننىڭ «حاتام ءال-انبيا» ورتالىق شتابىنىڭ رەسمي وكىلىنىڭ ايتۋىنشا، يران قارۋلى كۇشتەرى «دوس ءارى كورشى» تۇركياعا قاراي زىمىران ۇشىرماعان. «اقش پەن سيونيستىك رەجيم باسشىلارىنىڭ بۇرىنعى ارەكەتتەرىن ەسكەرە وتىرىپ، بۇل ارەكەتتى اقش پەن سيونيستىك رەجيمنىڭ ەكى ەل اراسىنداعى قارىم-قاتىناستى بۇزۋ ماقساتىندا جاسالعانى انىق كورىنەدى. بۇل تەرگەۋدى تالاپ ەتەدى»، - دەلىنگەن يران مەملەكەتتىك تەلەارناسى تاراتقان مالىمدەمەدە.
بۇعان دەيىن تۇركيا قورعانىس مينيسترلىگى 13 ناۋرىزدا ەل اۋماعىندا يراننان ۇشىرىلعان بالليستيكالىق زىمىراندى اتىپ تۇسىرگەنىن حابارلاعان بولاتىن. تۇركيالىق Savunma sanayi باسىلىمى زىمىراننىڭ يندجيرلىك اۋە بازاسىن نىساناعا العانىن اتاپ ءوتتى. زىمىراندى ناتو كۇشتەرى جويعان.
وسى وقيعاعا بايلانىستى تۇركيا سىرتقى ىستەر مينيسترلىگى يران ەلشىسىن شاقىرىپ، تۇسىنىكتەمە تالاپ ەتتى. بۇعان دەيىن تۇركيا قورعانىس مينيسترلىگى 4 جانە 9 ناۋرىزدا يراننان ۇشىرىلعان دەگەن ەكى بالليستيكالىق زىمىراننىڭ اتىپ تۇسىرىلگەنىن حابارلاعان.
-
ۋزنايتە وب يستوريي ي زناچەنيي پرازدنيكا كورىسۋ، كوتورىي وتمەچاەتسيا 14 مارتا ي زنامەنۋەت ناچالو ناۋرىز مەيرامى.
-
Iran has refuted claims of launching a ballistic missile towards Turkey، suggesting a deliberate attempt by the US and Israel to sow discord between the two nations.
