اشىق دەرەككوز
يراندا 19 جاستاعى بالۋان سالەح موحاممادي ءولىم جازاسىنا كەسىلدى
يراندا 19 جاستاعى جاس بالۋان سالەح موحاممادي ءولىم جازاسىنا كەسىلدى. بۇل تۋرالى Infohub.kz اقپارات اگەنتتىگى حابارلايدى.
موحاممادي يراننىڭ جاسوسپىرىمدەر قۇراماسىنىڭ مۇشەسى بولعان جانە بولاشاعىنان زور ءۇمىت كۇتتىرگەن سپورتشىلاردىڭ ءبىرى سانالدى. جازا قۇم قالاسىندا دارعا اسۋ ارقىلى ورىندالدى. ونىمەن بىرگە تاعى ەكى ادام دا ءولىم جازاسىنا كەسىلدى. بيلىك ولاردى 2026 جىلدىڭ قاڭتارىندا بولعان جاپپاي نارازىلىقتار كەزىندە ەكى پوليسيا قىزمەتكەرىن ءولتىردى جانە يزرايل مەن اقش مۇددەسىنە قىزمەت ەتتى دەپ ايىپتاعان.
سپورتشىنىڭ ءىسى قالاي قارالدى؟
سالەح موحاممادي 2024 جىلى رەسەيدە وتكەن تۋرنيردە قولا جۇلدەگەر اتانعاننان كەيىن ۇلتتىق قۇراماعا شاقىرتۋ العان. الايدا، ونىڭ ءىسى وتە قىسقا مەرزىمدە قارالدى: 15 قاڭتاردا ۇستالىپ، 4 اقپاندا ۇكىم شىعارىلعان. قۇقىق قورعاۋ ۇيىمدارىنىڭ مالىمەتىنشە، سپورتشى ءوز كىناسىن مويىنداماعان، ازاپتالعانىن ايتىپ، تاۋەلسىز ادۆوكات كومەگىن الا الماعان.
بيلىكتىڭ قاتاڭ ەسكەرتۋى
قازىرگى تاڭدا يراندا جالعاسىپ جاتقان نارازىلىقتار اياسىندا ونداعان سپورتشى مەن جاتتىقتىرۋشى قاماۋدا وتىر. ساراپشىلار بۇل جاعدايدى بيلىكتىڭ قوعامعا جاساعان قاتاڭ ەسكەرتۋى رەتىندە باعالايدى. ياعني، نارازىلىقتارعا قاتىسقان كەز كەلگەن ادام، ءتىپتى تانىمال سپورتشىلار دا، قاتاڭ جازاعا تارتىلۋى مۇمكىن ەكەنىن كورسەتەدى.
-
اتىراۋ وبلىسىندا ەكولوگيا دەپارتامەنتىنىڭ قىزمەتكەرى قۇمار ويىندارعا سالىنعانى ءۇشىن جۇمىسىنان بوساتىلدى.
-
A 19-year-old Iranian wrestler، Saleh Mohammadi، was executed after being accused of killing police officers during protests.
