InfoHub Logo

اتىراۋ وبلىسىندا ەكولوگيا دەپارتامەنتىنىڭ قىزمەتكەرى قۇمار ويىندارعا سالىنعانى ءۇشىن قىزمەتىنەن ايىرىلدى. بۇل تۋرالى Infohub.kz اقپارات اگەنتتىگى حابارلايدى.

وڭىرلىك تابيعاتتى قورعاۋ پروكۋراتۋراسىنىڭ مالىمەتىنشە، دەپارتامەنت قىزمەتكەرى زاڭمەن تىيىم سالىنعانىنا قاراماستان، ازارت ويىندارىنا قاتىسقان.

«قاداعالاۋ اكتىسى نەگىزىندە ول تەرىس سەبەپتەرمەن جۇمىستان بوساتىلدى»، - دەپ حابارلادى ۆەدومستۆودان.

ودان بولەك، دەپارتامەنت باسشىسىنىڭ ورىنباسارى مەن ەكولوگيالىق باقىلاۋ ءبولىمىنىڭ جەتى باس مامانى اكىمشىلىك قۇقىق بۇزۋشىلىق كودەكسىنىڭ 498-بابى («قۇقىقتىق ستاتيستيكا جانە ارنايى ەسەپكە الۋ تۋرالى مالىمەتتەردى ۇسىنۋدان باس تارتۋ، ۇسىنباۋ، ۋاقتىلى ۇسىنباۋ، جاسىرۋ، تۇزەتۋ جانە باسقا دا بۇرمالاۋشىلىقتار») بويىنشا اكىمشىلىك جاۋاپكەرشىلىككە تارتىلدى.