tengrinews.kz
يراننىڭ جوعارعى كوسەمى حالقىنا جانە پارسى شىعاناعى ەلدەرىنە ۇندەۋ تاستادى
يراننىڭ جوعارعى كوسەمى مودجتابا حامەنەي ەل حالقىنا جانە پارسى شىعاناعى ەلدەرىنە ۇندەۋ جاسادى. ول يسلام رەسپۋبليكاسىنىڭ اقش پەن يزرايلمەن قازىرگى قاقتىعىستا جەڭىسكە جەتكەنىن ايتتى.
بۇل تۋرالى Infohub.kz اقپارات اگەنتتىگى حابارلايدى.
يراننىڭ جەڭىسى جانە تالاپتارى
حامەنەيدىڭ ايتۋىنشا، يران «ءۇشىنشى ەپوستىق قاسيەتتى قورعانىستا» جەڭىسكە جەتكەن. ول تەگەراننىڭ سوعىس ىزدەمەيتىنىن، ءبىراق ءوز قۇقىقتارىنان باس تارتپايتىنىن اتاپ ءوتتى. سونداي-اق، يران ورمۋز بۇعاۋىن باقىلاۋدى جالعاستىراتىنىن جانە اقش پەن يزرايل كەلتىرگەن شىعىندار مەن «مارتەبەلى شەيىتتەردىڭ» توگىلگەن قانى ءۇشىن وتەماقى تالاپ ەتەتىنىن مالىمدەدى.
ءوش الۋ جانە كورشىلەرگە ەسكەرتۋ
يران كوسەمى بۇرىنعى كوسەم ءالي حامەنەي مەن باسقا دا قازا تاپقان يراندىقتار ءۇشىن كەك الۋعا دايىن ەكەنىن ايتتى. ول پارسى شىعاناعى ەلدەرىن «دۇرىس جولدى تاڭداۋعا» جانە «شايتانداردىڭ جالعان ۋادەلەرىنە الدانباۋعا» شاقىردى.
اقش پرەزيدەنتىنىڭ مالىمدەمەسى
اقش پرەزيدەنتى دونالد ترامپ 8 ساۋىرگە قاراعان ءتۇنى يرانمەن ەكى اپتالىق بىتىمگەرشىلىك تۋرالى كەلىسىمگە قول جەتكىزىلگەنىن حابارلاعان بولاتىن. كەيىنىرەك ترامپ بەيبىت كەلىسىم بۇزىلسا، يرانعا «اناعۇرلىم اۋىر سالدار بولاتىنىن» ەسكەرتتى.
-
تانىمال ءانشى قايرات نۇرتاستىڭ ۇلكەن ۇلى نارۇلدىڭ مەكتەپتە مۇعالىمىمەن بيلەگەن ۆيدەوسى كوپشىلىكتىڭ قىزۋ تالقىسىنا ءتۇستى.
-
مەملەكەتتىك اۋديت الەۋمەتتىك ماڭىزى بار ازىق-تۇلىك باعاسىن تۇراقتاندىرۋعا ءتيىس كورپوراسيالاردىڭ جۇمىسىنداعى جۇيەلى كەمشىلىكتەردى اشكەرەلەدى. جوسپارلانعان ماقساتتارعا قول جەتكىزىلمەگەنىمەن، باسشىلىققا ۇستەمەاقىلار مەن سىياقىلار تولەنگەن.
