ىرعاي
ىرعاي (بۋزينا چەرنايا) — بامبۋكتەر تۇقىمداسىنا جاتادى، بيىكتىگى 3 مەتردەن 10 مەترگە دەيىن جەتەتىن، كوپ جىلدىق، اعاش تەكتەس وسىمدىك. بۇتالارىنىڭ وزەگى اق ءارى جۇمساق. جاپىراقتارىنىڭ ۇزىندىعى 30 سانتيمەتردەي، قاۋىرسىن ءتارىزدى، قاراما-قارسى ورنالاسقان. جالپى ورتاق ساعاقتاعى جاپىراقتارىنىڭ سانى 5-تەن 7-گە دەيىن جەتەدى. گۇلدەرى — مايدا، اقشىل سارى ءتۇستى، تۇتاسا شوعىرلانىپ تۇرادى. گۇل ساباقتارى ۇزىن. گۇلدەرى ءيىلىپ تومەن قاراي سالبىراعان. جەمىسى — قارا كوك ءتۇستى، سانى 2-دەن 4-كە دەيىن جەتەتىن سوپاقشا كەلگەن كىشكەنە سۇيەكتى دانەكتەردەن تۇرادى. مامىر-ماۋسىم ايلارىندا گۇلدەيدى، جەمىسى شىلدە-تامىز ايلارىندا پىسەدى.
ىرعاي كوبىنەسە بالقاراعايلى ورمانداردىڭ اراسىندا قالىڭ بولىپ وسەدى. كەيدە مادەني وسىمدىك رەتىندە باقتارعا، پاركتەرگە وتىرعىزىلادى. ءبىراق لەزدە جابايىلانىپ، اۋىل اينالاسىنداعى اشىق جەرلەرگە، جولداردىڭ جيەگىنە، ەلدى مەكەندەرگە تارالا وسەتىن قاسيەتى بار.
دارىلىك ماقسات ءۇشىن وسىمدىكتىڭ گۇلىن، جەمىسىن، كەيدە جاپىراعى مەن قابىعىن، تامىرىن جينايدى. گۇلدەرىنىڭ قۇرامىندا قويمالجىڭ زاتتار، سىركە جانە ۆالەريان، الما قىشقىلدارى، قاتتى تۇردەگى ەفير مايلارى، تەر شىعاراتىن گليكوزيدتەر، رۋتين، جەمىسىندە يلىك زاتتار، گليۋكوزا، فرۋكتوزا بار.
گۇلدەرىنەن جاسالعان دارىلەر برونح قابىنعاندا، پوداگرا جانە ريەۆماتيزم اۋرۋلارىنا قارسى، بۋىندار سىرقىراعاندا، بۇيرەككە تاس بايلانعاندا پايدالانىلادى. كەيدە گريپپ اۋرۋىنا قارسى جانە ءوت قالتاسى قابىنعاندا ءوت ايدايتىن ءدارى رەتىندە دە قولدانىلادى. اۋىز ۋىلعاندا، تاماق بەزدەرى قابىنعاندا اۋىز بەن تاماقتى شايۋ ءۇشىن جانە كومپرەسس جاساۋ ءۇشىن پايدالانىلادى.
ىرعايدىڭ جاس جاپىراقتارىن سۇتكە قايناتىپ الىپ كۇيىكتى، ىرىڭدەگەن جارالاردى، ۇزاق ۋاقىت توسەك تارتىپ جاتقان اۋرۋلاردىڭ ويىلعان جەرلەرىن سىرتىنان تاڭىپ، ەمدەۋگە قولدانادى. جەمىسىنەن جاسالعان دارىلەرمەن ديزەنتەريانى، شەمەندى، قۋىقتىڭ قابىنۋىن ەمدەيدى.
ءدارىنى دايىنداۋ جانە قولدانۋ ءتاسىلى
گۇلدەرىنىڭ 1 اس قاسىعىن قايناپ تۇرعان 1 ستاكان سۋعا سالىپ 15-20 مينۋت تۇندىرادى دا، ءسۇزىپ الىپ، ءار ىشكەندە 1/4 ستاكاننان كۇنىنە 3-4 مەزگىل تاماقتان 15-20 مينۋت بۇرىن ىشەدى. جەمىسىن كيسەل، شاي تۇرىندە ءىشىپ، پوۆيدلو، ۆارەنە تۇرىندە دە قولدانا بەرۋگە بولادى.
You Might Also Like
-
بيلىك، بايلىق، بۇزار، بۇزار پەندەنى، ار-ۇياتى، اقىل-ەسى كەندەنى. ايىقپايتىن دۋشار بولدىق دەرتكە ءبىر، تابىلماس-اۋ ونىڭ اتتەڭ ەندى ەمى. باسى اينالىپ قولدىڭ كىرى بايلىقتان، كورىپ قورلىق، ك...
-
شىرماۋىق (ۆيۋنوك پوليەۆوي) — ساباعى شىرمالىپ وسەتىن، كوپ جىلدىق، ءشوپ تەكتەس وسىمدىك. ساباعىنىڭ ۇزىندىعى 80 سم-گە دەيىن بارادى. جاپىراقتارىنىڭ شەتتەرى ءبۇتىن، ساعاقتارى ۇزىن. گۇلدەرى اق نەمەسە ق...
