Tengrinews.kz / تۋرار كازانگاپوۆ
ىشكى ىستەر مينيسترلىگى قازاقستاندىقتاردى جاڭا الاياقتىق سحەماسى تۋرالى ەسكەرتتى
قازاقستاندا الاياقتىقتىڭ جاڭا ءادىسى تارالۋدا. ىشكى ىستەر مينيسترلىگى (ءىىم) ازاماتتاردى الداۋدىڭ بۇل ءتۇرى تۋرالى ەسكەرتىپ، ساق بولۋعا شاقىردى.
بۇل تۋرالى Infohub.kz اقپارات اگەنتتىگى حابارلايدى.
الاياقتار كوبىنەسە كومپانيا باسشىلارى، مەملەكەتتىك ورگانداردىڭ نەمەسە جوعارى وقۋ ورىندارىنىڭ باسشىلارى بولىپ كورىنەدى. ولار تەلەفون نەمەسە مەسسەندجەر ارقىلى حابارلاسىپ، دەرەكتەردىڭ بۇزىلۋى نەمەسە اقشا ۇرلانۋ ءقاۋپى بار ەكەنىن ايتىپ، ادامدارعا قىسىم جاسايدى. كەيىن «ءقاۋىپسىز شوتتارعا» اقشا اۋدارۋدى تالاپ ەتەدى.
الاياقتاردىڭ ادىستەرى
ءىىم مالىمەتىنشە، قىلمىسكەرلەر تەلەفون نومىرلەرىن جاسىرۋ جانە داۋىستى وزگەرتۋ سياقتى زاماناۋي تەحنولوگيالاردى قولدانادى. بۇل ولاردىڭ سەنىمدى كورىنۋىنە جانە ادامداردىڭ ساقتىعىن ازايتۋعا كومەكتەسەدى.
ولار «ماماندار» نەمەسە «قۇقىق قورعاۋ ورگاندارىنىڭ قىزمەتكەرلەرى» حابارلاساتىنىن ايتىپ، ءوز نۇسقاۋلارىن مۇلتىكسىز ورىنداۋدى تالاپ ەتەدى. اقشانى العان سوڭ، الاياقتار بايلانىستى ۇزەدى.
ءىىم ۇسىنىستارى
ۆەدومستۆو بانك جانە مەملەكەتتىك ورگاندار قىزمەتكەرلەرىنىڭ ەشقاشان تەلەفون ارقىلى اقشا اۋدارۋدى تالاپ ەتپەيتىنىن اتاپ ءوتتى. ازاماتتارعا بەيتانىس ادامداردىڭ نۇسقاۋلارىن ورىنداماۋ، اقپاراتتى تەك رەسمي ارنالار ارقىلى تەكسەرۋ جانە كۇدىكتى جاعدايلاردا دەرەۋ قۇقىق قورعاۋ ورگاندارىنا حابارلاسۋ ۇسىنىلادى.
-
شىمكەنتتە ەر ادام تۋىسىنىڭ ەكى ۇلىن بىرنەشە كۇن زورلادى دەگەن كۇدىككە ءىلىندى. بۇل تۋرالى Human Rights Lawyers قورىنا تۇسكەن شاعىمنان بەلگىلى بولدى.
-
Eva Coffee جانە Tang Ramen Bar برەندتەرىنىڭ نەگىزىن قالاۋشىلاردىڭ ءبىرى اليشەر تويگۋلييەۆ قازىرگى جاعدايدى داعدارىس ەمەس، نارىقتىڭ قايتا ءبولىنۋى دەپ سانايدى. ول الداعى ۋاقىتتا مەيرامحانا بيزنەسىنە قانداي سىناقتار كەلەتىنىن ايتىپ بەردى.
