يزرايل اسكەرى 15 دارىگەردى قاتەلەسىپ ولتىرگەنىن مويىندادى
يزرايل قورعانىس كۇشتەرى گازا سەكتورىندا گۋمانيتارلىق ميسسيا وكىلدەرىنە شابۋىل جاساپ، 15 دارىگەردىڭ ءومىرىن قيعان قايعىلى وقيعا بويىنشا ءوز كىناسىن مويىندادى. ەل بيلىگى بۇل وقيعانى «كاسىبي قاتەلىك» دەپ باعالاپ وتىر.
رەسمي مالىمەتكە سايكەس، 23 ناۋرىز تۇنىندە قىزىل جارتى اي پالەستينالىق ۇيىمىنىڭ جەدەل جاردەم كولىگىنە، بىرىككەن ۇلتتار ۇيىمى مەن گازا ازاماتتىق قورعانىسىنىڭ ءورت ءسوندىرۋ تەحنيكاسىنا اۋە سوققىسى جاسالعان. اتالمىش كولىكتەردە بولعان بارشا مەديسينا قىزمەتكەرلەرى وقيعا ورنىندا مەرت بولعان. يزرايل ساربازدارى جەدەل جاردەم كولىگىن حاماس ۇيىمىنا تيەسىلى تەحنيكامەن شاتاستىرعاندارىن مالىمدەدى.
وقيعاعا قاتىستى تەرگەۋ بارىسىندا شابۋىلدى ۇيىمداستىرعان گولاني اتقىشتار بريگاداسىنىڭ باتالون كومانديرىنىڭ ورىنباسارى قىزمەتىنەن بوساتىلدى. تەرگەۋ ناتيجەسى بويىنشا ول جەدەل جاردەم كولىگىن لاڭكەستىك ۇيىم كولىگى دەپ قاتەلەسىپ، وق اتۋعا بۇيرىق بەرگەن.
الايدا يزرايل تاراپى وقيعاعا قاتىستى ناقتى دالەل ۇسىنبادى. قازا تاپقانداردىڭ لاڭكەستىك ۇيىمدارمەن بايلانىسى بارى جونىندەگى ايىپتاۋلار دا نەگىزسىز بولىپ شىقتى. حالىقارالىق گۋمانيتارلىق ۇيىمدار مەن قىزىل جارتى اي وقيعاعا بايلانىستى الاڭداۋشىلىق ءبىلدىرىپ، تاۋەلسىز جانە ءادىل تەرگەۋ جۇرگىزۋدى تالاپ ەتۋدە.
You Might Also Like
-
تاياۋ شىعىستاعى جاعداي تاعى دا ۋشىعا ءتۇستى. تۇركيا اسكەرى سيريا اۋماعىنا كىرىپ جاتىر دەگەن اقپارات تاراپ جاتقاندا، يزرايل اۋە كۇشتەرى حومس پروۆينسياسىنداعى ت-4 اسكەري اۋە بازاسىنا سوققى جاسادى.
-
الماتى قالاسىندا جانتۇرشىگەرلىك جول-كولىك وقيعاسى ورىن الدى. جۇك كولىگى جەتى جاسار بالانى قاعىپ كەتكەن. وقيعا قالانىڭ تۇرعىن اۋداندارىنىڭ بىرىندە بولعان.
