Pixabay
الماتىدا Almaty Half Marathon كەزىندە ەكى قاتىسۋشى قازا تاپتى
الماتىدا وتكەن Almaty Half Marathon جارىسى قايعىلى وقيعامەن اياقتالدى. 2025 جىلعى 20 ساۋىردە مارافونعا قاتىسقان 84 جاستاعى اققويان رسالييەۆ پەن 21 جاستاعى نۇربول احمادي جارىس جولىندا كوز جۇمدى.
ۇيىمداستىرۋشىلاردىڭ ايتۋىنشا، اققويان رسالييەۆ ءال-فارابي داڭعىلى بويىندا جۇگىرىپ كەلە جاتىپ كەنەتتەن ءوزىن جايسىز سەزىنگەن. جەدەل جەتكەن دارىگەرلەر وكىنىشكە قاراي، ونىڭ جۇرەگى توقتاپ قالعانىن انىقتاعان. ال 21 جاستاعى نۇربول احمادي ەسىن جوعالتىپ، دەرەۋ اۋرۋحاناعا جەتكىزىلدى. دارىگەرلەر وعان جەدەل جۇرەك جەتكىلىكسىزدىگى دياگنوزىن قويعانىمەن، ونى امان الىپ قالۋ مۇمكىن بولمادى.
ەكى مارقۇم دا بۇعان دەيىن ءتۇرلى جۇگىرۋ جارىستارىنا قاتىسىپ جۇرگەن تاجىريبەلى اۋەسقوي سپورتشىلار بولعان. قايعىلى جاعداي مارافون ۇيىمداستىرۋشىلارى مەن قاتىسۋشىلار اراسىندا ۇلكەن كۇيزەلىس تۋعىزدى.
ءقازىر وقيعانىڭ ءمان-جايى انىقتالىپ جاتىر. دارىگەرلەر جارىس كەزىندە دەنساۋلىققا مۇقيات بولۋ قاجەتتىگىن تاعى ءبىر ەسكە سالدى.
You Might Also Like
-
بۇگىن، 7 ساۋىردە، قازاقستاننىڭ كوپتەگەن وڭىرىندە اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى. شىعىس وڭىرلەردە انتيسيكلون اسەرىنەن جاۋىن-شاشىنسىز، سالىستىرمالى تۇردە اشىق كۇ...
-
اقش-تىڭ بۇرىنعى پرەزيدەنتى دونالد ترامپ ۋكراينا-رەسەي سوعىسىنا قاتىستى پىكىر ءبىلدىرىپ، زەلەنسكيي مەن بايدەندى سىنعا الدى. ونىڭ ايتۋىنشا، بۇل قاقتىعىس مۇلدە بولماۋى ءتيىس ەدى.
