x.com/Netanyahu
يزرايل يران مەن ليۆانعا جاڭا سوققىلار جاساعانىن مالىمدەدى
يزرايل پرەمەر-مينيسترى بينيامين نەتانياحۋ يران مەن ليۆانداعى "حەزبوللا" قوزعالىسىنا قارسى جاڭا سوققىلار جاسالعانىن مالىمدەدى. بۇل تۋرالى ول اقش پرەزيدەنتى دونالد ترامپپەن تەلەفون ارقىلى سويلەسكەننەن كەيىن ايتتى.
نەتانياحۋدىڭ ايتۋىنشا، ترامپپەن اڭگىمەسىندە يرانمەن كەلىسىمگە كەلۋ مۇمكىندىگى تالقىلانعان. «پرەزيدەنت ترامپ ءبىزدىڭ اسكەري جەتىستىكتەرىمىزدى پايدالانىپ، اسكەري ماقساتتارعا جەتۋگە بولاتىن مۇمكىندىك بار دەپ سانايدى. بۇل ءبىزدىڭ ومىرلىك ماڭىزدى مۇددەلەرىمىزدى قورعايتىن كەلىسىم بولادى»، - دەدى پرەمەر-مينيستر.
سونىمەن قاتار، ول ءيزرايلدىڭ يرانعا جانە ليۆانداعى "حەزبوللا" ۇيىمىنا قارسى شابۋىلدارىن جالعاستىراتىنىن اتاپ ءوتتى. «ءبىز كەز كەلگەن جاعدايدا ومىرلىك ماڭىزدى مۇددەلەرىمىزدى قورعايمىز»، - دەپ سەندىردى نەتانياحۋ.
يزرايل ارمياسى تەگەراننىڭ ورتالىعىندا، سونىڭ ىشىندە يسلام ريەۆوليۋسياسى ساربازدارى كورپۋسىنىڭ (كسير) شتاب-پاتەرى ورنالاسقان نىساندارعا سوققى جاساعانىن حابارلادى. يزرايل قورعانىس ارمياسىنىڭ (ساحال) مالىمەتىنشە، بەيرۋتتاعى "حەزبوللا" ينفراقۇرىلىمىنا دا سوققىلار جاسالۋدا. قالانىڭ وڭتۇستىك ماڭىنداعى تۇرعىندار باق-قا شامامەن 30 مينۋت ىشىندە ءۇش قۋاتتى جارىلىس بولعانىن ايتتى.
يزرايل اسكەرىنىڭ اۋە شابۋىلدارى دۇيسەنبى كەشكە باستالىپ، سەيسەنبى تاڭعا دەيىن جالعاستى. ليۆان استاناسىنىڭ ماڭىندا كەم دەگەندە جەتى جارىلىس ەستىلدى.
بۇعان دەيىن ترامپ اقش پەن يران اراسىندا تاياۋ شىعىستاعى ماسەلەلەردى تولىق شەشۋگە باعىتتالعان «وتە جاقسى جانە جەمىستى كەلىسسوزدەر» بولعانىن ايتقان ەدى. الايدا، تەگەران اقش-پەن كەلىسسوزدەردى جوققا شىعارىپ، تەك دەلدالدار ارقىلى ديالوگ جولىن تابۋ تۋرالى حابارلامالار العانىن مالىمدەدى.
-
ناۋرىز مەرەكەسى قارساڭىندا شىعىس قازاقستان وبلىسىنىڭ دومبىراشىلارى گيننەسس رەكوردتار كىتابىنا ەندى دەگەن اقپارات تارادى. الايدا، بۇل جاڭالىقتىڭ شىن-وتىرىگىن انىقتاۋعا تىرىستىق.
-
تانىمال ءانشى جازيرا بايىربەكوۆانىڭ تۇڭعىشى وتاۋ قۇرىپ، كەلىن تۇسىرگەنى تۋرالى مالىمەت.
