Photo: Ayazhan (https://www.pexels.com/@ayazhan-3173683) / Pexels
جالاقىنى كوبەيتىپ، بيۋدجەت قاراجاتىن جىمقىرعان: جامبىل وبلىسىنداعى باس دارىگەر كۇدىككە ءىلىندى
جامبىل وبلىسىنداعى كوپبەيىندى ورتالىق اۋداندىق اۋرۋحانانىڭ بۇرىنعى باس دارىگەرى 49 ميلليون تەڭگە بيۋدجەت قاراجاتىن جىمقىردى دەگەن كۇدىككە ءىلىندى.
بۇل اقپاراتتى وبلىس پروكۋراتۋراسى راستادى. تەكسەرۋ بارىسىندا ەمحانا باسشىسى مەن ەسەپشىلەر 2023 جىلدىڭ اقپانى مەن 2024 جىلدىڭ ناۋرىزى ارالىعىندا قىزمەتكەرلەردىڭ جالاقىسىن ادەيى كوبەيتىپ جازىپ، ارتىلعان سومانى قولما-قول العانى انىقتالدى. جالپى، ولار 49 ميلليون تەڭگەگە جۋىق قارجىنى جىمقىرعان.
بۇعان قوسا، ولار ورىندالماعان جۇمىستار ءۇشىن ءۇشىنشى تۇلعالارعا، سونىڭ ىشىندە جەكە كاسىپكەرلەرگە نەگىزسىز اقشا اۋدارعان.
قازىرگى تاڭدا پروكۋراتۋرا سوتقا دەيىنگى تەرگەۋدى باستاپ، ءىستى ۇلتتىق قاۋىپسىزدىك كوميتەتىنىڭ وڭىرلىك دەپارتامەنتى تەرگەپ جاتىر.
وبلىستىق دەنساۋلىق ساقتاۋ باسقارماسىنىڭ مالىمەتىنشە، بۇرىنعى باس دارىگەر ءبىر ايدان استام ۋاقىت جۇمىستا سەبەپسىز بولماعانى ءۇشىن قىزمەتىنەن بوساتىلعان.
-
ياندەكس Go سەرۆيسىنىڭ دەرەكتەرى بويىنشا، قازاقستانداعى جۇك تاسىمالىنىڭ اۋقىمى مەن ەرەكشەلىكتەرى تۋرالى قىزىقتى مالىمەتتەر جاريالاندى.
-
21 ناۋرىزدا تۇندە جەردە كۇتىلگەن ماگنيتتىك داۋىل باستالدى. بۇل تۋرالى عالىمدار حابارلادى.
