InfoHub Logo

ناۋرىز مەرەكەسى قارساڭىندا Yandex Qazaqstan «ناۋرىز ءداااااۋ بولسىن» اتتى مەرەكەلىك ناۋقانىن باستادى. وسى ناۋقان اياسىندا ياندەكس Go جۇك تاسىمالى سەرۆيسى قازاقستان بويىنشا جۇرگىزىلگەن مىڭداعان تاسىمالدى ساراپتاپ، قىزىقتى دەرەكتەردى جاريالادى. بۇل دەرەكتەر ەلدەگى جۇك تاسىمالىنىڭ اۋقىمىن ايقىن كورسەتەدى.

بۇل تۋرالى Infohub.kz اقپارات اگەنتتىگى حابارلايدى.

ەڭ قىمبات تاپسىرىس

ءبىر رەتكى تاسىمالداۋ ءۇشىن ەڭ كوپ تولەنگەن سوما 220 140 تەڭگەنى قۇرادى. بۇل الماتى وبلىسىنىڭ تالعار اۋدانىنان شىمكەنت قالاسىنا دەيىنگى ارالىقتا جۇزەگە اسىرىلعان تاسىمال بولدى. جۇك 14 ساعات 36 مينۋت جولدا بولدى.

ەڭ ۇزاق مارشرۋت

ەڭ ۇزاق قاشىقتىققا سوزىلعان تاسىمال الماتى وبلىسىنىڭ ىلە اۋدانىنان شىمكەنت قالاسىنا دەيىنگى باعىت بويىنشا ورىندالدى. بۇل ساپار شامامەن 13 ساعاتقا سوزىلدى جانە كلاسسيكالىق قالاارالىق تاسىمال كولىگى بولىپ سانالاتىن «گازەل» اۆتوكولىگىمەن جۇزەگە اسىرىلدى.

ەڭ كوپ ۋاقىتتى العان تاپسىرىس

شىمكەنتتەن مىرزاكەنت كەنتىنە دەيىنگى تاسىمال 22 ساعاتتان استام ۋاقىتتى الدى. بۇل جاعدايدا تەك قاشىقتىق ەمەس، جۇك ءتۇرى مەن جولدىڭ جاعدايى دا ۋاقىتقا اسەر ەتەدى.

ەڭ بەلسەندى جۇرگىزۋشى

الماتى قالاسىنىڭ تۇرعىنى قايرات ءبىر جىل ىشىندە Chevrolet Damas كولىگىمەن 3200-دەن استام تاپسىرىس ورىنداعان. بۇل كۇنىنە ورتا ەسەپپەن 9 تاپسىرىسقا تەڭ.

ەڭ قارقىندى كۇن

2025 جىلدىڭ 6 قاراشاسى – بۇل كۇنى پايدالانۋشىلار ەڭ كوپ جۇك تاسىمالىنا تاپسىرىس بەردى.

جالپى اۋقىم

وتكەن جىلى جۇك تاسىمالداۋشىلاردىڭ جولدا وتكىزگەن بارلىق ۋاقىتىن قوسقاندا، بۇل كورسەتكىش 6،3 ميلليون ساعاتتان استى. بۇل شامامەن 725 جىلدىق ۇزدىكسىز جۇمىسقا تەڭ.

بۇگىندە جۇك تاسىمالى سەرۆيسىن جەكە تۇلعالار دا، كاسىپكەرلەر دە بەلسەندى پايدالانادى. ولارعا جىلدام ءارى قولجەتىمدى جەتكىزۋ قىزمەتى وپەراسيالىق پروسەستەردىڭ ماڭىزدى بولىگىنە اينالدى.