جالعىزدىقتان قالاي قۇتىلا الامىن؟
جالعىزدىق-جۇرەككە تۇرپىدەي قادالاتىن سۋىق ءسوز.كوپتەگەن ادامدار ومىرىندە ورىن العان كەيبىر كەلەڭسىزدىكتەردىڭ كەسىرىنەن جالعىزسىراپ، باز كەشىپ جاتادى.جالعىزدىقتان قۇتىلۋدىڭ وزىندىك جولدارىن دا قاراستىرساق بولادى:
1.سپورتپەن اينالىسۋ.جۇزۋگە نە بولماسا يوگاعا جازىلىڭىز.بىرنەشە ۋاقىتتان سوڭ جاڭا ورتاعا ۇيرەنىسىپ كەتە الاسىز.جاقىن دوستار تاۋىپ، تازا اۋادا سەرۋەندەۋ-جالعىزسىراۋدان قۇتىلۋدىڭ جارقىن جولى.
2.قىزىعۋشىلىعىڭىزعا دەن قويىڭىز.ارنايى كلۋبقا قوسىلىڭىز.كەز-كەلگەن جاننىڭ جەكە ءحوببيى بولادى.بالكىم، ءسىز كيىم ۇلگىسىن ويلاپ تابۋدى نەمەسە كىتاپ وقىعاندى ۇناتاتىن بولارسىز.بۇل كلۋبتا سۇيىكتى ىسىنە اۋەستەر دە تابىلادى جانە بۇل كوڭىلىڭىزدى جادىراتادى.
3.كورشىلەرمەن جاقىن ارالاسۋ.ءباز بىرەۋلەر توماعا-تۇيىق بوپ قالىپتاسىپ، ەشكىمگە ىشكى سىرىن اقتارعىسى كەلمەيدى.كورشىلەرىڭىز تۇسىنىگى مول، قايىرىمدى جان بولۋى مۇمكىن.ءاربىر مەيرامدا باس قوسىپ، شىن جۇرەگىڭمەن سىيلاسىپ، سىرلاسۋ-جالعىزدىقپەن قوشتاسۋىڭىزعا پايداسىن تيگىزەدى.
4.كوپپەن كەڭەسۋدى ادەتكە اينالدىرۋعا تىرىسىڭىز.قارىم-قاتىناس اۋقىمىڭىزدى كەڭەيتىڭىز.
5.ساياحاتتىڭىز.ءاربىر ساياحات-جاڭا ورتا عانا ەمەس، ەرەكشە اسەر سىيلايدى.
ەگەر وزگەلەردىڭ سىزبەن سىرلاسۋىن قالاساڭىز، وزىڭىزدەن باستاڭىز! جانىڭىزعا جاقىن جاندى ىنتا قويىپ تىڭداپ، ءوز پىكىرىڭىزدى بىلدىرۋدەن قاشپاڭىز.
كەيبىر تۇلعالار جالعىزدىقپەن كۇرەسە الماي، ومىردەن ءتۇڭىلىپ كەتەدى.وسىنداي جاعدايدا جوعارىداعى كەڭەستەردى پايدالانىڭىز.سونىمەن بىرگە پسيحولوگپەن كەڭەسۋ ارتىقتىق ەتپەيدى.
جالعىزدىقتان ساقتانىڭىز!
You Might Also Like
-
ق ر كاسىپوداق فەدەراسياسىنىڭ وكىلدەرى «پەداگوگ مارتەبەسى تۋرالى» زاڭ جوباسىنا قاتىستى پىكىر ءبىلدىردى.
