ينفورماتيكا – قولدانبالى ءپان
اقتوبە وبىلىسى، حرومتاۋ اۋدانى، اباي اۋىلى
اباي نەگىزگى مەكتەبى
8 سىنىپ وقۋشىسى كاپيزوۆ ازات
قازىرگى اقپاراتتىق تەحنولوگيانىڭ مينۋت سايىن قارىشتاپ دامىعان زامانىندا ينفورماتيكا ءپانىنىڭ عىلىمدار اراسىندا الار ورنى ەرەكشە. ينفورماتيكا – ەۆم ارقىلى اقپاراتتى جيناقتاۋ، ساقتاۋ، تۇرلەندىرۋ، تاسىمالداۋ جانە ونى پايدالانۋ زاڭدىلىقتارى مەن تاسىلدەرىن زەرتتەيتىن عىلىمي ءپان. ينفورماتيكانى وقۋدىڭ ماڭىزدىلىعى بۇل عىلىمنىڭ تەك ەۆم-دى پايدالانۋ مۇمكىندىكتەرى مەن ولاردىڭ جۇمىس ىستەۋ پرينسيپتەرىن ءتۇسىندىرىپ قانا قويماي، قوعامدىق ومىردە جانە ادامدار اراسىندا اقپاراتتى كەڭىنەن قولدانۋ زاڭدارى مەن تاسىلدەرى تۋرالى مالىمەتتەر بەرەتىندىگى بولىپ تابىلادى.
قازىرگى كەزدە جاڭا ەۆم-دەر كۇنبە – كۇن پايدا بولىپ، ولاردىڭ دامۋ پروسەسى ۇزدىكسىز عىلىمي – تەحنيكالىق پروسەسسكە اينالىپ وتىر. سونىمەن قاتار، اقپاراتتى وڭدەۋ، جيناۋ جانە بەرۋ تاسىلدەرى دە كۇننەن – كۇنگە دامىپ كەلەدى. وسى سەبەپتەرگە بايلانىستى ينفورماتيكا ءجيى وزگەرىسكە ۇشىرايتىن عىلىمي ءپان بولىپ سانالادى.
ينفورماتيكانىڭ نەگىزگى وبەكتىسى، ياعني ونىڭ شيكىزاتى مەن بەرەتىن ءونىمى ينفورماسيا بولىپ سانالادى. سوندىقتان ينفورماسيا ۇعىمى ينفورماتيكامەن ەۆم-دە جۇمىس ىستەۋدىڭ ەڭ تۇبەگەيلى اتاۋلارىنىڭ ءبىرى.
بۇل كۇندە ەۆم ينفورماسيا وڭدەۋدىڭ ەڭ نەگىزگى قۇرالى بولىپ سانالادى. 70-جىلداردا ەلەكترونيكانىڭ دامۋى كومپيۋتەردىڭ جاڭا ءتۇرىن جەكە پايدالانىلاتىن دەربەس كومپيۋتەردى كوپتەپ شىعارۋعا جول اشتى. ولار قازىردە مەكتەپتەردە، ۋنيۆەرسيتەتتەردە، باسپاحانالاردا، كاسىپورىنداردا كەڭىنەن قولدانىلادى. مۇنداي كومپيۋتەردى وقۋدا، جۇمىستا ت.ب. كوپتەگەن ماقساتتا قولدانۋعا بولادى. وسى كومپيۋتەرلەردى ءوندىرىس پەن جوبالاۋ ىسىندە، عىلىمي زەرتتەۋ ىستەرى مەن پايدالانۋ ءبىلىم بەرۋدە ميلليونداعان ادامداردىڭ جۇمىستارىنىڭ مازمۇنى مەن ورىندالۋىن تۇبەگەيلى وزگەرتتى دەۋگە بولادى. بۇل اتاپ وتىرعاندارىم ينفورماتيكانىڭ تەك كىشكەنتاي ءبىر بولىگى عانا. ينفورماتيكانىڭ بەرەر مۇمكىندىكتەرى شەكسىز، شەتسىز.
ينفورماتيكا ءپانى – بولاشاقتىڭ ءپانى دەگىم كەلەدى. زامانمەن بىرگە كۇن سايىن دامۋ ۇستىندە. مەن بولاشاقتا پروگرامميست مامانى بولعىم كەلەدى. قازىرگى تاڭدا مەكتەپتە وقىپ جۇرگەن ينفورماتيكا پانىنە دەگەن قىزىعۋشىلىعىمدا سول سەبەپتەن. ينفورماتيكا ءپانىن زەرتتەپ، ونىڭ دامۋىنا مەندە ءوز ۇلەسىمدى قوسقىم كەلەدى.
You Might Also Like
-
ءبىر جىلى توقا مال جايىلاتىن قۇنارلى جەر ىزدەپ، يماناق تاۋىنىڭ ەتەگەندەگى يسەن دەيتىن شۇرايلى جەرگە بارىپتى. سول جەردەن اۋىلدىڭ قوناتىن ورنىن بەلگىلەپ، جانىنداعى جىگىتتەرگە قۇدىق قازدىرىپ، ولارعا: &...
