جاڭارتىلعان وقۋ باعدارلاماسى بويىنشا كۇزگى، قىسقى جانە كوكتەمگى دەمالىس كۇندەرى قىسقارتىلمايدى - ق ر بعم
قازاقستان رەسپۋبليكاسىنىڭ ءبىلىم جانە عىلىم مينيسترلىگى وقۋشىلاردىڭ بەس كۇندىك وقۋ اپتاسىنا كوشۋىنە جانە جازعى دەمالىس كۇندەرىنىڭ قىسقارتىلۋىنا بايلانىستى مالىمدەمە جاسادى، دەپ حابارلايدى اتالمىش ۆەدوموستۆونىڭ باسپا ءسوز قىزمەتى.
ۆەدوموستۆونىڭ اتاپ وتۋىنشە، عالامتور جەلىسىندە جۇرتشىلىق وقۋشىلاردىڭ بەس كۇندىك وقۋ اپتاسىنا كوشۋىنە جانە جازعى دەمالىس كۇندەرىنىڭ قىسقارتىلۋىنا بايلانىستى الاڭداۋلى.
«قازاقستاندا ءبىرىنشى سىنىپ وقۋشىلارى 33 اپتا وقيدى. 2016 جىلى جاڭارتىلعان ءبىلىم بەرۋ باعدارلاماسىنا كوشكەن كەزدە، وقۋشىلار اپتاسىنا 5 كۇن وقيتىن بولادى. جاڭارتىلعان باعدارلاما وقۋ جىلىنىڭ تەك 5 كۇنگە ۇزارتىلۋىن تالاپ ەتەدى، دەمەك 1 ماۋسىمعا دەيىن. الايدا، بوساتىلعان سەنبى كۇندەرىنىڭ ناتيجەسىندە دەمالىس 33 كۇندى قۇرايتىن بولادى.
ەگەر وقۋ باعدارلاماسىن وزگەرتپەسەك، وقۋ اپتاسىن ازايتقاندا وقۋشىلارعا ماۋسىمنىڭ سوڭىنا دەيىن وقۋعا تۋرا كەلۋشى ەدى. ءبىزدىڭ ويىمىزشا، 5 كۇندىك وقۋ اپتاسىنا كوشۋدىڭ جانە جاڭارتىلعان ءبىلىم بەرۋ باعدارلاماسىنىڭ ارتىقشىلىقتارى داۋسىز.
2017 جىلدان باستاپ، 2019 جىلعا دەيىن بارلىق دەڭگەيلەر 5 كۇندىك وقۋ اپتاسىنا كوشەدى. جاڭارتىلعان باعدارلامانى ەنگىزەردە 34 اپتالىق وقۋ جىلى ورتا جانە جوعارعى سىنىپتار ءۇشىن تەك 10 وقۋ كۇنىنە سوزىلادى. سونىمەن بىرگە، وقۋشىلارعا وقۋ جىلىندا 34 دەمالىس (سەنبى) كۇندەرى بەرىلەدى.
جاڭارتىلعان وقۋ باعدارلاماسىنا سايكەس كۇزگى، قىسقى جانە كوكتەمگى دەمالىس كۇندەرى قىسقارتىلمايدى»،-دەلىنگەن ءبىلىم جانە عىلىم مينيسترلىگىنىڭ مالىمدەمەسىندە.
You Might Also Like
-
ءبىر كىشكەنتاي قالانىڭ جالعىز عانا اقىنى بولىپتى. ءبىر كۇنى سول اقىن 60-قا تولعان كەزدە، سول قالانىڭ اكىمى اقىنىنا سىي-سياپات كورسەتەدى. جىلى سوزدەرىن ارنايدى. "ءسىز ءبىزدىڭ قالامىزدىڭ جالعىز اقىن...
-
قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعىمەن «ءبىلىم بەرۋ قىزمەتىنە ليسەنزيا بەرۋ» مەملەكەتتىك كورسەتىلەتىن قىزمەت رەگلامەنتى بەكىتىلدى. «قازاقپارات&raqu...
