Photo: zhang kaiyv (https://www.pexels.com/@zhangkaiyv) / Pexels
جانبولات پەن جازيرا دۋبايدان ەلگە ورالا الماي وتىر: «جاقسى حابار كۇتىپ وتىرمىز»
تانىمال قازاقستاندىق جۇلدىزدى جۇپ جانبولات باقىتبەكوۆ پەن جازيرا بايىربەكوۆا دۋبايدان ەلگە ورالا الماي وتىر. بۇل جاعداي تاياۋ شىعىستاعى شيەلەنىسكەن اسكەري قاقتىعىستارعا بايلانىستى تۋىنداعان.
بۇل تۋرالى Infohub.kz اقپارات اگەنتتىگى حابارلايدى.
شيەلەنىسكەن جاعداي ارتىستەردى جوسپارىنان قالدىردى
انشىلەر دۋبايعا دەمالۋعا بارعان بولاتىن. الايدا، ايماقتاعى سوعىس جاعدايىنىڭ ۋشىعۋى سالدارىنان قالاعا قاتىنايتىن اۋە رەيستەرىنىڭ بارلىعى توقتاتىلدى. وسىعان بايلانىستى، جانبولات پەن جازيرا ەلگە ورالۋ مۇمكىندىگىنەن ايىرىلدى.
ارتىستەردىڭ ۇندەۋى
جازيرا بايىربەكوۆا الەۋمەتتىك جەلىدەگى پاراقشاسىندا جاعدايعا قاتىستى تۇسىنىكتەمە بەردى. ول جاقىندارى مەن جانكۇيەرلەرىنە الاڭداماۋعا شاقىردى.
"دايرەكتكە، ۆاتساپقا جازىپ جاتقان تۋعان تۋىس، دوس-جاراندارعا راحمەت. ءبىز جاقسى حابار كۇتىپ وتىرمىز. الاڭداماڭىزدار. راحمەت نيەتتەرىڭىزگە! اللا قالاسا جاقسى كۇندە جولىعامىز"، - دەدى ءانشى.
ازىرگە ارتىستەردىڭ قاشان ەلگە ورالاتىنى بەلگىسىز. ولار جاعدايدىڭ تۇراقتالاتىنىن كۇتىپ وتىر.
-
يرانداعى جوعارعى كوشباسشى الي حامەنەيدىڭ قازا تاپقانى تۋرالى اقپارات تاراعاننان كەيىن الەۋمەتتىك جەلىلەردە جۇرتتىڭ قۋانىش بىلدىرگەن ۆيدەولارى جاريالانا باستادى.
-
بولگاريادا وتكەن ءداستۇرلى "ستراندجا كۋبوگى" تۋرنيرىندە قازاقستان قۇراماسى مەدالدار سانى بويىنشا ەكىنشى ورىنعا شىقتى.
