tengrinews.kz
قازاقستان بوكسشىلارى "كىشى الەم كۋبوگىندا" ەكىنشى ورىندى يەلەندى
بولگاريانىڭ سوفيا قالاسىندا بوكستان ءداستۇرلى "ستراندجا كۋبوگى" حالىقارالىق ءتۋرنيرى مارەسىنە جەتتى. بۇل جارىس "كىشى الەم چەمپيوناتى" اتالىپ كەتكەنى بەلگىلى. قازاقستان قۇراماسى جالپىكوماندالىق ەسەپتە ەكىنشى ورىندى يەلەندى.
بۇل تۋرالى Infohub.kz اقپارات اگەنتتىگى حابارلايدى.
مەدالدار ساناعىنداعى ۇزدىكتەر
تۋرنيردە وزبەكستان قۇراماسى 7 التىن مەدالمەن ءبىرىنشى ورىندى يەلەنسە، قازاقستان 4 التىن مەدالمەن ەكىنشى ورىنعا تۇراقتادى. ۇزدىك ۇشتىكتى 3 التىن مەدالمەن ۋكراينا قۇراماسى تۇيىندەدى. ودان كەيىن انگليا مەن بولگاريا (2 التىننان)، كوسوۆو جانە اقش (1 التىننان) قۇرامالارى ورنالاستى.
قازاقستاندىقتاردىڭ جەتىستىگى
قازاقستان قورجىنىنا التىن مەدالداردى دانيال ءسابيت (50 كەلىگە دەيىنگى سالماق)، ەلينا بازاروۆا (54 كەلى)، نادەجدا ريابەس (80 كەلى) جانە ۆالەريا اكسونوۆا (80 كەلىدەن جوعارى) سالدى.
"ستراندجا كۋبوگى" – ەۋروپانىڭ ەڭ كونە ءتۋرنيرى
"ستراندجا كۋبوگى" – ەۋروپاداعى ەڭ بايىرعى بوكس جارىسى سانالادى. 2026 جىلى بۇل تۋرنير 77ء-شى رەت وتكىزىلدى. قازاقستان قۇراماسى ەڭ كوپ سپورتشىمەن قاتىسقان كوماندالاردىڭ ءبىرى بولدى. كوماندا قۇرامىندا 19 ەر مەن 20 ايەل سپورتشى بار، بارلىعى 39 ادام جارىس جولىنا شىقتى.
-
تانىمال جۇلدىزدى جۇپ جانبولات باقىتبەكوۆ پەن جازيرا بايىربەكوۆا تاياۋ شىعىستاعى قاقتىعىستارعا بايلانىستى دۋبايدان ەلگە قايتا الماي قالدى.
-
الماتى قالاسىندا ءبىر مەزگىلدە بىرنەشە ماڭىزدى نىسانداردا قۇرىلىس، جوندەۋ جانە بۇزۋ جۇمىستارى ءجۇرىپ جاتىر. بۇل وزگەرىستەر قالانىڭ كەلبەتىن وزگەرتكەنىمەن، كەيبىر نىسانداردىڭ تاريحي قۇندىلىعى مەن جۇمىستاردىڭ مەرزىمىنە قاتىستى الاڭداۋشىلىق تۋدىرۋدا.
