dalanews.kz
جانىبەك اناسىن ىزدەۋدە: شەتەلدەگى قازاق بالاسىنا ءۇمىت سىيلاعان جاڭالىق
تورعاي وڭىرىندە دۇنيەگە كەلىپ، كەيىن شەتەلدىك وتباسىنىڭ قولىندا وسكەن جانىبەك اناسىن ىزدەۋدى ءالى دە جالعاستىرىپ جاتىر.
بۇل تۋرالى Infohub.kz اقپارات اگەنتتىگى حابارلايدى.
جانىبەك الەۋمەتتىك جەلىدەگى پاراقشاسىندا بۇل ىزدەنىس ءوزى ءۇشىن اسا ماڭىزدى ءارى وڭاي ەمەس پروسەسس ەكەنىن جازدى. ونىڭ ايتۋىنشا، تۋعان اناسىن تابۋ جولىندا وعان جاناشىر ازاماتتار مەن زاڭگەرلەر كومەكتەسىپ كەلەدى.
ىزدەۋگە ءۇمىت سىيلاعان جاڭالىقتار
سوڭعى ۋاقىتتا جانىبەكتىڭ اناسىن ىزدەۋگە ءۇمىت سىيلايتىن جاڭا دەرەكتەر دە پايدا بولعان. دەگەنمەن جانىبەك بۇل ءىستىڭ قانشا ۋاقىتقا سوزىلاتىنىن ناقتى بىلمەيتىنىن، ءبىراق جاقسى جاڭالىقتان ءۇمىت ۇزبەيتىنىن ايتتى.
«سالەمەتسىزدەر مە، ءقادىرلى وتباسىم مەن دوستارىم. سىزدەرمەن جۇرەكجاردى جاڭالىعىمدى بولىسكىم كەلەدى. قىمبات دوسجان مەن مەيىرمان شەكەيەۆا جانە باسقا دا جاناشىر ادامدارمەن بىرگە انامدى ىزدەۋدى جالعاستىرىپ جاتىرمىز. بۇل ىزدەۋ قانشا ۋاقىتقا سوزىلاتىنىن بىلمەيمىن. مۇمكىن ۇزاققا سوزىلار، مۇمكىن كۇتپەگەن جەردەن جاقىن ارادا جاقسى جاڭالىق بولار. سوڭعى ۋاقىتتا بىزگە ءۇمىت سىيلايتىن بىرنەشە دەرەك كەزدەستى. مەن كۇن سايىن سىزدەردى دە، انامدى دا ويلايمىن. بارشاڭىزعا تەك جاقسىلىق تىلەيمىن»، – دەپ جازدى جانىبەك.
قولداۋ مەن تىلەكتەر
ونىڭ بۇل جازباسى جەلى قولدانۋشىلارىن بەيجاي قالدىرمادى. كوپشىلىك جانىبەككە تۋعان اناسىن تەزىرەك تابۋىن تىلەپ، قولداۋ ءبىلدىردى.
-
Kazakh singer Saken Maigaziyev has captured attention on Instagram with a new photo، prompting a wave of congratulatory messages from his followers.
-
A young man adopted from Kazakhstan and living in Belgium is continuing his search for his birth mother، buoyed by recent promising leads.
