جانجالسىز جانۇيا
جانجالداردىڭ كوپشىلىگى بولماشى سەبەپتەن تۋىندايدى. بولماشى نارسەگە سىن ايتۋ، كەمشىلىك ىزدەۋ، ال ەكىنشى تاراپ بۇل ايتىلعاندارعا ارتىعىمەن جاۋاپ قايتارۋ، سوڭى اشۋلانۋعا، جانجالعا ۇلاسادى.
جانجالداردا ەكى تاراپ تا مەنىكى دۇرىس دەپ تۇرادى. ونداي ۇيدە جانجال بىتە مە؟! كوبىنەسە جانجالداردا كىنا ەكى جاقتان دا بولادى. بىرەۋى ۇندەمەي قويا سالسا، كەشىرىم سۇراسا جانجال ۇلعايمايدى. ەكى تاراپ تا مەنىڭكى دۇرىس دەپ تابان تىرەگەن سايىن جانجال بىتپەيدى.
ەرتەدە ءوزارا سىيلاستىعىمەن تاتۋلىعىمەن تانىمال بولعان وتباسى بولىپتى. ول ۇيدە ۇرىس-كەرىس بولعانىن ەشكىم كورگەن ەمەس جانە راسىندا دا بۇل وتباسىدا جانجال بولماعان ەكەن. قارتايعان شاعىندا كەمپىرى اۋىرىپ توسەك تارتىپ جاتىپ قالادى. قايتاتىن كۇنىنىڭ جاقىنداعانىن سەزگەن كەمپىر شالىنا قاراپ «بىلەسىز، وسى كۇنگە دەيىن مەن سىزدەن ەشنارسە جاسىرعان ەمەسپىن، تەك ءبىر عانا قۇپيا ۇستاعان دۇنيەم بار ەدى»، دەپ ءبىر قۇتىنى بەرەدى. قۇتىدا ەكى دانا توقىلعان شۇلىق جانە وتە كوپ مولشەردە اقشا بار ەدى. «مەن كەلىن بولىپ تۇسكەندە اجەم كۇيەۋىڭە اشۋلانعان كەزىڭدە جاۋاپ قايتارما، ۇستامدى، سابىرلى بول، اشۋىڭدى باسۋ ءۇشىن ۇرشىق ءيىر، شۇلىق توقى دەپ وسيەت ايتقان بولاتىن. مىنا قۇتى وسى وسيەتتىڭ ناتيجەسى بولىپ كەلگەن سىر ەدى» دەيدى. شال: «قۇتىدا ەكى شۇلىق بولعانىنا قاراعاندا سەن ماعان ءومىر بويى ەكى-اق رەت اشۋلاندىڭ با؟» دەپ سۇرايدى. كەمپىرى «مىنا اقشالار ساتىلعان شۇلىقتاردان تۇسكەن تابىس» دەگەن ەكەن. مۇنى ەستىگەن جۇبايى كوز جاسىنا ەرىك بەرىپتى.
You Might Also Like
-
سالاۋاتتى، ساۋلىقتى ءومىر ءسۇرۋ سالتىنىڭ سيمۆولى رەتىندە بەلگىلى كەپكەن جەمىستەر دە اۋرۋلارعا توسقاۋىل بولىپ تابىلادى. اسىرەسە دارۋمەندەردىڭ تاپشى بولاتىن قىس ايلارىندا بۇل ازىق تۇرلەرىنىڭ ورنى ەرەكش...
-
ستەنفورد جانە ۆاشينگتون ۋنيۆەرسيتەتتەرىنىڭ ماماندارى ەسكەرتەدى:
