انتيبيوتيكتى قاجەتىنەن كوپ قولدانۋ – زياندى
ستەنفورد جانە ۆاشينگتون ۋنيۆەرسيتەتتەرىنىڭ ماماندارى ەسكەرتەدى:
انتيبيوتيكتەر اۋرۋلارعا قارسى كۇرەس جۇرگىزۋ كەزىندە، ادام دەنەسىندەگى پايدالى باكتەريالارعا زيانىن تيگىزەدى. انتيبيوتيكتى شامادان تىس، تىم كوپ قولدانۋ ادام دەنساۋلىعىنا ۇزاق ۋاقىت كەرى اسەرىن تيگىزەدى.
Louis Pasteur (لۋي پاستەر) 1877 جىلى ەڭ العاشقى انتيبيوتيك بولعان پەنيسيلين ءدارىسىن ويلاپ تاپقان كەزدە بىلاي دەگەن:
«ءبىز بۇل ءدارىنىڭ كومەگىمەن تالاي اۋرۋلاردى جەڭەمىز. ءبىراق، پايدالى باكتەريالاردىڭ ادام دەنساۋلىعى ءۇشىن ماڭىزى وتە زور ەكەنىن ۇمىتپاۋىمىز كەرەك» دەگەن.
باكتەريالار – تامىر جانە جاسۋشالاردىڭ (كلەتكا) دۇرىس دامۋىن قامتاماسىز ەتەدى. يممۋنيتەت ءۇشىن كەرەكتى فەرمەنتتەردىڭ پايدا بولۋىن قاداعالايدى. اسقورىتۋ جۇيەسىندە جۇمىس جاسايتىن باكتەريالاردىڭ كوبى، دەنەدەگى گارموندىق تەپە-تەڭدىكتى ساقتاپ تۇرادى. انتيبيوتيك دارىلەرى ۇزدىكسىز قولدانىلعان كەزدە، پايدالى باكتەريالار وزگەرىسكە ۇشىرايدى دا، زياندى باكتەرياعا اينالادى. ناتيجەسىندە دەنەدەگى گارموندىق تەپە-تەڭدىكتىڭ بولماۋى جانە اس-قورىتۋ سياقتى پروبلەمالار مازالاي باستايدى. وسىنداي اۋرۋ-سىرقاتتاردى تۋعىزباۋدىڭ بىردەن-بىر جولى انتيبيوتيكتەردى مۇمكىندىگىنشە از پايدالانۋ. بولار بولماس تۇماۋ، سۋىق تيۋ كەزدەرىندە انتيبيوتيك قولدانباۋعا تىرىسۋ كەرەك. تەك، اۋرۋ ناقتىلى بەلگىلى بولعان جاعدايدا جانە دارىگەردىڭ كەڭەسىمەن، انتيبيوتيك قولدانۋدىڭ زيانى بولمايدى.
سونداي-اق انتيبيوتيكتەردى ءجيى قولدانۋ دەنەدەگى اۋرۋدىڭ ميكروپتارىنىڭ دا قارسى تۇرۋ قابىلەتىن ارتتىرادى. بۇل ميكروپتاردى جەڭۋ ءۇشىن بۇرىنعىدان دا اۋىر انتيبيوتيكتەر قابىلداۋعا تۋرا كەلەدى. ناتيجەدە اۋرۋدىڭ جازىلۋى دا ۇزاپ، دەنە دە اۋىر انتيبيوتيكتەردىڭ اسەرىنە تاپ بولعاندىقتان باسقا مۇشەلەرگە دە زيانى تيمەي قويمايدى.
You Might Also Like
-
جانجالداردىڭ كوپشىلىگى بولماشى سەبەپتەن تۋىندايدى. بولماشى نارسەگە سىن ايتۋ، كەمشىلىك ىزدەۋ، ال ەكىنشى تاراپ بۇل ايتىلعاندارعا ارتىعىمەن جاۋاپ قايتارۋ، سوڭى اشۋلانۋعا، جانجالعا ۇلاسادى.
-
ەلىمىزدىڭ ءونىپ، وركەندەۋىنىڭ باستى قوزعالتقىشى بولاتىنداي ماڭىزدى فاكتورلاردىڭ ءبىرى حالىقتىڭ بويىندا ەلىنە، وتانىنا دەگەن پاتريوتتىق سەزىمنىڭ بولۋى. پايعامبارىمىز «وتاندى ءسۇيۋ – يماننان&...
