tengrinews.kz
جاپونياداعى ۇزاق ءومىر ءسۇرۋدىڭ قۇپياسى: "حارا حاچي بۋ" ءادىسى
ادامزاتتىڭ ۇزاق عۇمىر ءسۇرۋىنىڭ سىرى نەدە؟ جاپونياداعى زەرتتەۋشىلەر بۇل سۇراققا جاۋاپ ىزدەپ، "حارا حاچي بۋ" دەپ اتالاتىن تاماقتانۋ داعدىسىن انىقتادى. بۇل ءادىس بويىنشا ادام ءوزىن 80 پايىزعا عانا تويعان كەزدە تاماق ءىشۋدى توقتاتۋى كەرەك. بۇل جاي عانا ديەتا ەمەس، اعزانىڭ سيگنالدارىن تىڭداۋعا ۇيرەتەتىن ءتاسىل.
بۇل تۋرالى Infohub.kz اقپارات اگەنتتىگى حابارلايدى.
زەرتتەۋلەر كورسەتكەندەي، بۇل ادەتتى ۇستاناتىندار از كالوريا تۇتىنادى، دەنە سالماعىنىڭ يندەكسى تومەن بولادى جانە سالماق قوسۋعا بەيىمدىلىگى ازايادى. سونىمەن قاتار، بۇل ءادىس اسىقپاي، سانالى تۇردە تاماقتانۋعا باعىتتالعاندىقتان، شامادان تىس تاماقتانۋدى ازايتىپ، راسيون ساپاسىن جاقسارتۋعا كومەكتەسەدى.
تاماقتانۋ مادەنيەتىنىڭ ماڭىزى
تاماقتانۋ كەزىندەگى جاعداي دا ماڭىزدى. قازىرگى تاڭدا كوپتەگەن ادامدار تاماق ءىشۋ كەزىندە تەلەفون نەمەسە باسقا گادجەتتەرگە الاڭدايدى. بۇل جاعداي اعزانىڭ تويۋ سەزىمىن دەر كەزىندە سەزىنبەۋىنە جانە ارتىق كالوريا قابىلداۋىنا اكەپ سوعادى. "حارا حاچي بۋ" ءتاسىلى كەرىسىنشە، تاماققا نازار اۋدارىپ، باياۋلاۋدى ۇسىنادى.
قاراپايىم ەرەجەلەر
بۇل ءپرينسيپتى قولدانىپ كورۋ ءۇشىن بىرنەشە قاراپايىم ەرەجەنى ساقتاۋ جەتكىلىكتى:
ايتا كەتەيىك، بۇل ءادىس قاتاڭ شەكتەۋدى بىلدىرمەيدى. سونداي-اق، ەنەرگياعا دەگەن قاجەتتىلىگى جوعارى ادامدارعا، مىسالى، سپورتشىلارعا، بالالارعا نەمەسە قارت ادامدارعا بۇل ءتاسىل مىندەتتى تۇردە قولايلى بولا بەرمەيدى.
ويلانىپ تاماقتانۋ – ۇزاق عۇمىردىڭ كىلتى
"80 پايىزدىق تويۋ" ەرەجەسى قاراپايىم كورىنگەنىمەن، ونىڭ ارتىندا تەرەڭ ماعىنا جاتىر. بۇل – سانالى، اسىقپاي جانە اعزانىڭ سيگنالدارىن قۇرمەتتەي وتىرىپ تاماقتانۋ. مامانداردىڭ پىكىرىنشە، بۇل ۇزاق ءومىر ءسۇرۋدىڭ ماڭىزدى فاكتورلارىنىڭ ءبىرى بولۋى مۇمكىن.
-
Iran's Revolutionary Guard claims to have struck a 'secret site' in the UAE with ballistic missiles، reportedly targeting American engineers and pilots.
-
Discover the simple Japanese eating habit، 'Hara Hachi Bu،' that promotes a longer، healthier life by focusing on mindful eating and listening to your body's signals.
