InfoHub Logo

ساباق ماقساتى: جاقسىلىق جاساۋدىڭ ادام ومىرىندەگى ماڭىزدىلىعى جونىندەگى تۇسىنىكتەرىن كەڭەيتىپ، جاقسىلىق جاساۋدىڭ قۇندىلىق رەتىندەگى ءمانىن ۇعىندىرۋ.
مىندەتتەرى:
- وقۋشىلاردىڭ «جاقسىلىق جاساۋ» تۋرالى بىلىمدەرىن كەڭەيتۋ؛
- جاقسىلىق جاساۋ ىسكەرلىكتەرىن دامىتۋ؛
- مەيىرىمدى، قايىرىمدى بولۋعا تاربيەلەۋ..

ساباق بارىسى:
1. ۇيىمداستىرۋ كەزەڭى.
تىنىشتىق ءساتى. «نۇرعا بولەنۋ» ىڭعايلانىپ وتىرىڭىزدار، دەنەلەرىڭىزدى ءتۇزۋ ۇستاڭىزدار. اياق – قولىڭىزدى ايقاستىرماڭىز، قولىڭىزدى تىزەگە نەمەسە ۇستەلگە قويۋعا بولادى. كوزدەرىڭىزدى جۇمۋلارىڭىزدى وتىنەمىن. ەلەستەتىپ كورىڭىز: كۇن نۇرى ءسىزدىڭ توبەڭىزدەن ءوتىپ، كەۋدەڭىزگە قاراي بويلاپ، بارادى. كەۋدەڭىزدىڭ ورتا تۇسىندا گۇل تۇينەگى ورنالاسقان. گۇلدىڭ تۇينەگى نۇردان باياۋ اشىلىپ كەلەدى. بالعىن، تازا، اسەم گۇل ءسىزدىڭ ءار ويىڭىزدى، ءار سەزىمىڭىزدى، ەموسياڭىزدى تىلەك قالاۋىڭىزدى شايىپ، جۇرەگىڭىزدىڭ قاۋىزىن اشتى. نۇر ساۋلەسى ءسىزدىڭ بويىڭىزعا اقىرىن تاراي باستاعانىن ەلەستەتىڭىز. ول بىرتىندەپ كۇشەيە تۇسۋدە. وي مەن وسى نۇردى قولدارىڭىزعا ءتۇسىرىڭىز. ءسىزدىڭ قولدارىڭىز نۇرعا بولەنىپ، ساۋلە شاشۋدا. قولىمىز تەك جاقسى، تەك ىزگى ىستەردى ىستەيدى جانە بارشاعا كومەكتەسەدى. نۇر اياقتارىڭىزعا تارادى. اياقتارىڭىز نۇر ساۋلەسىن شاشۋدا. ولار ءسىزدى تەك جاقسىلىق جاساۋ ءۇشىن جاقسى جەرلەرگە اپارادى. ولار نۇر مەن ماحاببات قۇرالىنا اينالدى. ودان ءارى نۇر ءسىزدىڭ اۋزىڭىزعا، تىلىڭىزگە تارادى. ءتىلىڭىز تەك شىندىقتى جانە جاقسى، ىزگى سوزدەر عانا ايتادى. نۇردى قۇلاقتارىڭىزعا باعىتتاڭىز، قۇلاقتارىڭىز تەك جاقسى ءسوز بەن اسەم اۋەندى عانا ەستيدى. نۇر كوزىمىزگە دە جەتتى. كوزىمىز تەك جاقسىعا قاراپ، بارىنەن جاقسىلىقتى عانا كورەدى. ءسىزدىڭ باسىڭىز تۇگەلدەي نۇرعا بولەنىپ، باسىڭىزعا تەك ىزگى، ساۋلەلى وي كەلەدى. نۇر بىرتە - بىرتە قارقىندى جانە شۇعىلانا باستايدى، ءسىزدىڭ دەنەڭىزدەن شىعىپ، جان - جاعىڭىزعا ساۋلە شاشادى. وسى نۇردى تۋىسقاندارىڭىزعا، مۇعالىمدەرىڭىزگە، دوستارىڭىزعا، تانىستارىڭىزعا باعىتتاڭىز. نۇردى ۋاقىتشا تۇسىنىسپەي، رەنجىسىپ جۇرگەن ادامدارعا دا باعىتتاڭىز. ولاردىڭ دا جۇرەگى نۇرعا تولسىن. وسى نۇر بۇكىل الەمگە: بارلىق ادامدارعا، جان - جانۋارلارعا، وسىمدىكتەرگە، ءتىرى جانعا تارالسىن. عالامنىڭ بارلىق تۇكپىر - تۇكپىرىنە نۇر باعىتتاڭىز. ويشا ايتىڭىز: «مەن نۇرلىمىن،،، نۇر مەنىڭ ىشىمدە،،، مەن نۇرمىن...» وسىنداي نۇر، ماحاببات جانە تىنىشتىق كۇيىندە وتىرا تۇرىڭىز... ەندى وسى نۇردى جۇرەگىڭىزگە ورنالاستىرىڭىز. نۇرعا تولى بۇكىل الەم ءسىزدىڭ جۇرەگىڭىزدە. ونى وسىنداي اسەم قالىپتا ساقتاڭىز. جايمەن كوزىڭىزدى اشۋعا بولادى. راحمەت.
1. 1. سىزگە «تىنىشتىق ءساتى» ۇنادى ما؟
2. 2. قانداي سەزىمدە بولدىڭدار؟

2. ءۇي تاپسىرماسىن تەكسەرۋ: «قۋانامىن» ءسوزجۇمباعىن قۇراستىرىپ كەلۋ.
ءماتىن بويىنشا پىكىر الماسۋ سۇراقتارى

3. اڭگىمەلەسۋ:
1. بالالار، جاقسىلىق دەگەن ءسوزدىڭ ماعىناسىن قالاي تۇسىنەسىڭدەر؟
2. جاقسىلىق جاساۋ دەگەن نە؟
3. جاقسىلىق ادامنىڭ بويىندا قانداي قاسيەتتەر بولادى؟
4. جاقسىلىق جاساۋ ادامنىڭ پارىزى ما؟

4. ماتىنمەن جۇمىس. «جاقسىلىققا – جاقسىلىق».(ەرتەگى)
ءماتىن بويىنشا پىسىقتاۋ سۇراقتارى:
1. بالا وزىمشىلدىگىنەن قالاي ايىرىلادى؟
2. بالا ومىردەن العان ساباقتارىنان تاعى قانداي قورىتىندى جاساۋى مۇمكىن؟
3. وزدەرىڭنىڭ رياسىز جاقسىلىق جاساعان كەزدەرىڭ بولدى ما؟

5. دايەك ءسوز. «جاقسى ءسوز – جارىم ىرىس»
6. توپپەن ءان ايتۋ. «ءبىز ءومىرىمىزدىڭ گۇلىمىز» ءسوزى: ءا.. دۇيسەنبييەۆ. ءانى: ب. عيزاتوۆ
7. ءۇي تاپسىرماسى.
جاقسىلىق جاساۋ ادامنىڭ پارىزى ما؟ وي تولعاۋ

8. سوڭعى تىنىشتىق ءساتى.
ىڭعايلانىپ وتىرىڭىزدار، كوزىمىزدى جۇمىپ، ەركىن جايعاسايىق. بۇگىنگى وتكەن ساباعىمىزدان نەنى تۇسىندىك، قانداي نارسەلەردى ۇيرەندىك، وزىمىزگە نەنى الدىق سول جونىندە ويلانايىق. وسىنىن بارلىعىن جۇرەگىمىزگە سالىپ، كوكەمىزگە ءتۇيىپ الايىق.
اۋەن داۋىسى باسەڭدەگەننەن كەيىن كوزدەرىڭىزدى اشۋلارىڭىزعا بولادى.
ساباق اياقتالدى. ساۋ بولىڭىزدار!