InfoHub Logo

قازاقستاندىق جاس ونەرتاپقىشتار جاڭا قۇلتەمىردى لەگو قۇراستىرعىشتارىنىڭ تەتىكتەرىنەن جاساعان. نازاربايەۆ زياتكەرلىك مەكتەبى وقۋشىلارىنىڭ ەڭبەگى حالىقارالىق بايگەدە ۇزدىك دەپ تانىلدى، دەپ حابارلادى 24.kz.

روبوت قۇراستىرۋدا فيزيكا، ماتەماتيكا، حيميا، بيولوگيا پاندەرىنىڭ بەرەرى مول. تىڭنان تۇرەن سالعان تالانتتار ءۇشىن توزىمدىلىك قاجەت. ويتكەنى، ءبىر روبوتتى قۇراستىرۋ بارىسىندا ميلليونداعان مايدا لەگو قۇراستىرعىشتارمەن جۇمىس ىستەۋ قاجەت. بولاشاقتا بار قىزمەتتى قۇلتەمىرلەر اتقارادى. جاس ونەرتاپقىش سانجار اسىقبايەۆ بۇعان سەنىمدى. سوندىقتان، روبوت تەحنيكاسىن دامىتۋدى وسى باستان قولعا الۋ كەرەك دەپ سانايدى. ءوزى دوستارىمەن بىرىگىپ، قالا كوشەلەرىندە قوقىس جينايتىن ماشينانى ويلاپ تاپتى. جانارمايدى قاجەت ەتپەيتىن ەكولوگيالىق تازا قۇرىلعى ءبىر ايدىڭ ىشىندە قۇراستىرىلعان.

- بۇل «تريەۆيش» دەپ اتالادى. ونىڭ باستى ماقساتى - قالاداعى قوقىس مولشەرىن ازايتۋ. كۇن باتارەياسىن قولدانۋ ارقىلى ءوزىنىڭ ەنەرگيا قورلارىن قايتادان جاڭارتا الادى، - دەيدى نازاربايەۆ زياتكەرلىك مەكتەبىنىڭ 10-سىنىپ وقۋشىسى سانجار اسىقبايەۆ.

دەمەك، جاقىن جىلدارى ەلوردادا قوقىس جيناپ جۇرگەن روبوت كورسەڭىز، تاڭ قالماڭىز. بۇل - جاس ونەرتاپقىشتارىمىزدىڭ جەتىستىگى. روبوت قۇراستىرۋدا الەم بويىنشا جاپونياعا تەڭ كەلەتىن ەل جوق. دەگەنمەن، وتاندىق ونەرتاپقىشتار دا ەشكىمگە ەسە جىبەرمەك ەمەس. بالالار سالانى دامىتۋعا مۇمكىندىك بار دەپ وتىر. ول ءۇشىن قاجىرلى ەڭبەك ەتۋ كەرەك. سانجار باستاعان كوماندا ءوزىنىڭ العاشقى جەڭىسىنە قول جەتكىزدى. ولاردىڭ جۇمىسى جاقىندا عانا حالىقارالىق بايقاۋدا ۇزدىك تانىلدى. شارادا رەسەي مەن سەربيانىڭ جاس ونەرتاپقىشتارى دا ب ا ق سىناعان بولاتىن.

---