«جاسىلەلدىكتەر» – يگى باستامانىڭ جارشىسى
ون سەگىزىنشى ەڭبەك ماۋسىمىن جالعاستىرعان«جاسىلەلدىكتەر» شاھاردى كوگالداندىرۋ، قۇرىلىس-جوندەۋ شارالارىنا ۇلەس قوسۋ سەكىلدى جۇمىستار اتقاردى. «جاسىل ەل» قاتارىندا ەڭبەك ەتىپ، جازعى دەمالىستارىن ءتيىمدى وتكىزەتىن جاستاردىڭ قاتارى دا ارتىپ كەلەدى.
قالالارىمىزداعى جوعارى وقۋ ورىندارىنداعى«جاسىل ەل» جوباسى اياسىندا جاستاردى وندىرىستىك تاجىريبەدەن وتكىزۋ، جۇمىسپەن قامتاماسىز ەتۋ ءداستۇرلى تۇردە جۇزەگە اسىرىلىپ كەلەدى. جاس ستۋدەنتى اسەل م.بيىل ەكىنشى جىل قاتارىنان «جاسىل ەل» قاتارىندا ەڭبەك ەتىپ، تابىس تاپقانىنايتتى. – مەنىڭ بولاشاق ماماندىعىم «قۇرىلىس ينجەنەرياسى» سالاسىمەن بايلانىستى. «جاسىل ەل» قاتارىندا جۇمىس جاساي ءجۇرىپ، ءوز ماماندىعىم بويىنشا تاجىريبە جيناقتاپ كەلەمىن. ۋاقىت تا قىزىقتى وتەدى. جاستارعا ارنالعان بۇل باعدارلامانىڭ پايداسى مول. جازعى ۋاقىتتا ەڭبەك ەتىپ، قاراجات جيناقتاپ، اتا-اناما كومەگىمدى تيگىزىپ جۇرگەنىمە قۋانىشتىمىن، – دەيدى «جاسىل ەل» ساربازى.
جاستاردى ەڭبەككە باۋلۋ، ەكولوگيالىق تاربيە بەرۋ، قورشاعان ورتانى تازا ۇستاۋعا باعىتتاۋماقساتىنداعى جوبا جاس بۋىندى جارقىن ىستەرگە جۇمىلدىرىپ كەلەدى.
جالپى بۇل باعدارلاما جاستاردى ماۋسىمدىق جۇمىستارعا ورنالاستىرۋ، ولاردىڭ بويىندا وتانعا دەگەن پاتريوتتىق سەزىمدى جانە تۋعان ولكەنىڭ بايلىعىنا ۇقىپتى قاراۋ داعدىسىن قالىپتاستىرۋدى كوزدەيدى. «ەڭبەك ەتسەڭ ەرىنبەي، تويادى قارنىڭ تىلەنبەي» دەگەندەي، جاستاردى ەڭبەكسۇيگىشتىككە تاربيەلەيدى. دامىعان مەملەكەتتەردىڭ بارلىعىندا جاستاردىڭ بەلسەندىلىگى جوعارى بولاتىنىن ەستىپ-بىلىپ ءجۇرمىز. ءبىزدىڭ ەلىمىزدىڭ دە گۇلدەنۋى ءۇشىن، وزىق مەملەكەتتەردىڭ قاتارىنان ورىن الۋى ءۇشىن ءبارىمىز جۇمىلا ەڭبەكتەنۋىمىز كەرەك. بۇل باعدارلاماداعى باستى باعىت – تابيعاتتى قورعاۋ، ەكولوگيانى ساقتاۋ عانا ەمەس، جاس بۋىننىڭ تاربيەسى مەن ەڭبەككە باۋلۋ.
«جاسىل ەل» – پاتريوتتاردىڭ، ەلىن سۇيەتىندەردىڭ ورنى. جاستار – ۇلت كەلەشەگى، قوعام ايناسى. قوعامعا، ۇلتىنا پايداسى مول جاساق ساربازدارىنا ساتتىلىك تىلەيمىز.
گولەنوك الينا
You Might Also Like
-
جۋرناليست – جاڭالىق جاسايتىن ادام. جۋرناليستەر ءبىز ءومىر ءسۇرىپ جاتقان اقپاراتتىق ءورىستى قالىپتاستىرادى: راديودان تاڭعى باعدارلامالاردى تىڭدايمىز، كۇندىز سمارتفوننان ماقالالار وقىپ، بەينەروليكت...
-
جۋرناليستيكا ءاردايىم سۇرانىسقا يە بولاتىن ماماندىق. الايدا بۇل ماماندىق ءار ەلدە ءارتۇرلى دارەجەگە يە. ماسەلەن، تۇركيا جايلى ايتاتىن بولساق، ول ەلدە تاجەريبەلى جۋرناليستەردىڭ دارەجەسى وتە جوعارى، ولا...
