InfoHub Logo

الماتىداعى جەكەمەنشىك "Lets School" مەكتەبىنىڭ ديرەكتورى الداۋ ارەكەتى ءۇشىن 6 جىلعا باس بوستاندىعىنان ايىرىلدى. بۇل مەكتەپتىڭ جابىلۋى سالدارىنان 200-دەن استام بالا ءبىلىمسىز قالعان بولاتىن.

بۇل تۋرالى Infohub.kz اقپارات اگەنتتىگى حابارلايدى.

مەكتەپتىڭ ۋادەلەرى مەن شىندىعى

2024 جىلدىڭ قىركۇيەك ايىندا اشىلعان "Lets School" مەكتەبى اتا-انالاردى بەلسەندى جارناماسىمەن باۋراپ العان ەدى. مەكتەپتە قوسىمشا ۇيىرمەلەر، شەت تىلدەرىن وقىتۋ جانە بالالاردىڭ كۇنى بويى ءبىلىم الاتىن تولىق پانسيون قاراستىرىلعان بولاتىن. جىلدىق وقۋ اقىسى 700 مىڭنان 1 ميلليون تەڭگەگە دەيىن جەتتى. كوپتەگەن اتا-انالار اقشانى بىردەن تولەپ ۇلگەرگەن.

الايدا، 2025 جىلدىڭ قاڭتار ايىندا جاعداي شيەلەنىسە باستادى. اتا-انالاردىڭ ايتۋىنشا، ساباقتار تولىق كولەمدە وتكىزىلمەي، مۇعالىمدەردىڭ ءبىر بولىگى جۇمىستان شىعىپ كەتكەن. مەكتەپ اكىمشىلىگى بولسا، ناقتى جاۋاپ بەرە المادى.

ليسەنزياسىز جۇمىس جانە سوت ۇكىمى

كەيىننەن مەكتەپتىڭ ليسەنزياسىز جۇمىس ىستەگەنى انىقتالدى. مەكتەپ باسشىلىعى اقشانى قايتارىپ بەرەمىز دەپ ۋادە بەرگەنىمەن، اتا-انالار ءوز قاراجاتتارىن الا المادى. مەكتەپ جابىلعان سوڭ، 200-دەن استام بالا ءبىلىم الۋ مۇمكىندىگىنەن ايىرىلىپ، وتباسىلار شۇعىل تۇردە باسقا مەكتەپتەر ىزدەۋگە ءماجبۇر بولدى.

تەرگەۋ شامامەن ءبىر جىلعا سوزىلدى. ق ر قىلمىستىق كودەكسىنىڭ 190-بابى، 4-بولىگى، 2-تارماعى (وسوبى كرۋپنىي رازمەردە جاسالعان الاياقتىق) بويىنشا سوتتالعان مەكتەپ ديرەكتورىنا 6 جىل باس بوستاندىعىنان ايىرۋ جازاسى كەسىلدى. اتا-انالارعا كەلتىرىلگەن شىعىن ءالى كۇنگە دەيىن وتەلمەگەن.