جەڭىس كۇنى
قازاقستاندا مامىردىڭ 9 جەڭىس كۇنى مەملەكەتتىك مەرەكە بولىپ تابىلادى. 1941—1945-جىلدار ارالىعىنداعى ۇلى وتان سوعىسىنا 35 ملن ادام، سونىڭ ىشىندە 1،5 ملن قازاقستاندىق قاتىستى. بۇل رەسپۋبليكا حالقىنىڭ 18 بەن 50 جاس ارالىعىنداعى ەرەسەكتەردىڭ 70 پايىزى. ۇرىستاردىڭ العى شەبىندە قازاقستاننان جىبەرىلگەن 23 بىرلەستىك، 50 شاقتى پولكتار مەن باتالوندار شايقاستى. قازاقستاندىقتار ماسكەۋ مەن لەنينگرادتى جانىن قيا قورعاپ، ۋكراينا مەن بەلارۋستى، پريبالتيكا مەن مولدوۆانى ازات ەتۋگە اتسالىستى، بەرلين شابۋىلىنا قاتىستى. جانقيارلىق ەرلىگى مەن باتىرلىعى ءۇشىن 96638 قازاقستاندىق جاۋىنگەر بىرنەشە دۇركىننەن وردەن جانە مەدالدارمەن ماراپاتتالدى. 497 جەرلەسىمىز كەڭەس وداعىنىڭ باتىرى اتاندى. ولاردىڭ تورتەۋى بۇل اتاققا ەكى مارتە يە بولدى. 142 جاۋىنگەر «داڭق» وردەنىنىڭ تولىق يەگەرى بولدى.
سوعىستىڭ 4 جىلى ىشىندە قازاقستان مەملەكەتكە 482،8 مىڭ توننا استىق، 217،6 مىڭ توننا كارتوپ، 143،2 مىڭ توننا كوكونىس، 1193،2 مىڭ توننا قانت قىزىلشاسىن، 155 ،3 مىڭ توننا ماقتا تاپسىردى. قازاقستان ەڭبەكشىلەرى مايدانعا 25 ميلليون دانا جىلى كيىم، وتان قورعاۋ قورىنا 4 ميلليارد سومنان استام قاراجات بەردى. قازاقستان مايدانعا قورعاسىننىڭ 85 پايىزىن، مىستىڭ 30 پايىزىن، كومىر مەن مۇنايدىڭ بارلىعىن ءوندىردى. سول اۋىر جىلداردا ەلىمىز مايدانعا 6 ميلليون توننا بيداي، 797 مىڭ توننا ەت، 150 مىڭ ءمىنىس جىلقىسىن بەردى. سونداي-اق، رەسپۋبليكامىز 4 ميلليارد سوم اقشا جيناپ، اسكەري تەحنيكالار مەن قارۋ-جاراقتار ساتىپ اپەردى.
فاشيستىك گەرمانيانىڭ جەڭىلىسكە ۇشىراپ، كاپيتۋلياسيا اكتىسىنە قول قويىلعان كۇن 1945 جىلدىڭ 8-مامىر كۇنى. ءبىراق ۇلى وتان سوعىسىنداعى جەڭىس كۇنى 9-مامىر كۇنى تويلانادى.
You Might Also Like
-
تابيعات اسەمدىگىمەن تاڭ قالدىرادى. الەمدە ەرەكشە اعاشتاردىڭ كوپتىگى سونشالىقتى، ولاردىڭ جانىنان كوڭىل بولمەستەن ءوتۋ مۇمكىن ەمەس.
-
مەن ءوز قولىما اقشا ۇستامايتىن جاننىڭ ءبىرىمىن. تاپقان-تايانعانىمدى اكەلگەن بويدا جۇبايىمنىڭ الدىنا تاستاي سالام. – سابىر ەتشى، مىنا اقشالاردى ەسەپتەپ، قالاي جاراتۋدى اقىلداسىپ الايىقشى.....
