InfoHub Logo

1992 جىلى 7 مامىردا قازاقستان پرەزيدەنتى ن.ءا.نازاربايەۆ «قازاقستان رەسپۋبليكاسى مەملەكەتتىك قورعانىس كوميتەتىن قازاقستان رەسپۋبليكاسىنىڭ قورعانىس مينيسترلىگى ەتىپ قايتا قۇرۋ تۋرالى»، «قازاقستان رەسپۋبليكاسىنىڭ قارۋلى كۇشتەرىن قۇرۋ تۋرالى» جانە العاشقى قورعانىس ءمينيسترى ەتىپ گەنەرال پولكوۆنيك س.ق. نۇرماعامبەتوۆتى تاعايىنداۋ تۋرالى جارلىقتارعا قول قويدى. بۇل كۇن قازاقستاننىڭ دەربەس قارۋلى كۇشتەرىنىڭ قۇرىلعان كۇنى بولىپ قالدى. 7 مامىر — وتان قورعاۋشىلار كۇنى. مەملەكەتتىك دەمالىس كۇنى بولىپ اتالادى.

1992 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن ءۇش جۇيەلى شتاب - جاياۋ اسكەرلەر، اۋە قورعانىسى كۇشتەرى مەن اسكەري-تەڭىز كۇشتەرىنىڭ باس شتابتارى بەكىتىلدى. اەروۇتقىر كۇشتەرگە جوعارعى باس قولباسشىنىڭ رەزەرۆى قۇزىرى بەرىلدى. 2001 جىلدان قازاقستان 4 اسكەري - ورتالىق، وڭتۇستىك، باتىس جانە شىعىس وكرۋگكە ءبولىندى.

رەسپۋبليكا ارمياسىنىڭ نەگىزگى قۇرامىندا بىرنەشە ديۆيزياسى بار 40 جالپى اسكەري ارميا، اۆياسيا كورپۋسى، راديو جانە راديوتەحنيكالىق بارلاۋ بولىمشەلەرى، جابدىقتاۋ بولىمشەلەرى جانە بايقوڭىر عارىش ايلاعىن، سەمەي سىناق الاڭىن جانە سارىشاعانداعى، ەمبىدەگى، ارال تەڭىزىنىڭ بارساكەلمەس ارالىنداعى سىناق الاڭدارىن ارنايى جابدىقتاۋ بولىمدەرى، بازالار، ارسەنالدار، قويمالار جانە باسقا دا بولىمدەر مەن مەكەمەلەر قۇرايدى.

بۇگىنگى كۇنى قازاقستان ءوز ازاماتتارىنىڭ اسكەري قىزمەت اتقارۋىنىڭ جاعدايى مەن ءتارتىبىن دەربەس انىقتايدى، ءوز اۋماعىندا اسكەرلەردىڭ، قارۋ–جاراقتىڭ جانە تەحنيكانىڭ ورنالاسۋ ماسەلەسىن شەشەدى. قازاقستان رەسپۋبليكاسىنىڭ قارۋلى كۇشتەرىنە جالپى ماقساتتاعى كۇشتەر، اۋە-قورعانىس كۇشتەرى، مەملەكەتتىك شەكارانى قورعاۋ كۇشتەرى جانە دە ۇلتتىق گۆارديا مەن ىشكى اسكەرلەر كىرەدى. ءوز كەزەگىنە قاراي، قارۋلى كۇشتەر ءتۇرلى بولىمدەردەن جانە ءار ءتۇرلى قۇرامالار مەن ارنايى اسكەرلەردەن تۇرادى.

---