جەر انا تۋرالى اڭىز
جەر انا تۋرالى مىسال
ەرتەدە جەر كىرشىكسىز تازا بولعان. ول پاكتىگىن ءوزىن سەنىپ تاپسىراتىن ومىرلىك جان جارىن كۇتۋمەن بولعان كەلىندەي ساقتاعان. ول شەكسىز مەيىرىمدى ءارى جايدارى ەدى. ول جانۋارلار الەمىنىڭ ۇيىرلەرى، تابىندارى مەن وتارلارىنا پانا بولدى، ولارعا ازىق بەردى، ال ولار جەردىڭ كوركەمدىگى مەن تازالىعىن ساقتاپ، وعان ۇقىپتى قارادى.
كۇندەردىڭ ءبىر كۇنىندە ءتاڭىرادام پايدا بولدى. ول قۇدىرەتتى، زور، ءارى سىمباتتى بولدى. ول كۇلگەندە، ونىمەن بىرگە كۇن دە كۇلەتىن، ول قامىققاندا ونىمەن بىرگە اي دا قايعىعا باتاتىن، ول ءان ايتقاندا وعان اسپان مەن جەل قوسىلىپ ءان شىرقايتىن، سوندىقتان جەر وعان عاشىق بولدى. ول دا جەرگە عاشىق بولدى، ونىڭ ۇلىلىعى مەن كەڭدىگىنە، مەيىرىمدىلىگى مەن كوركەمدىگىنە، اسقاقتىعى مەن تازالىعىنا عاشىق بولدى.
ۋاقىت وتە كەلە ولار بالالى بولدى. سابيلەر ءوسىپ، ايباتتانىپ، وزدەرى نارەستە ءسۇيدى، ءبىراق ءاربىر جاڭا ۇرپاق ولارعا ءومىر سىيلاعان ۇلى ماحابباتتان الىستاي بەردى.
جەر انا ولار ءۇشىن ءومىر ءسۇرۋدىڭ، بايلىقتىڭ قاينار كوزىنە اينالدى، ولار ونىڭ كىم ەكەنىن دە ۇمىتتى، ال ءتاڭىرادام ولار ءۇشىن ءبىرى سەنىپ، ءبىرى سەنبەيتىن اڭىزعا اينالدى.
ولار وزدەرىنىڭ قاجەتتىلىكتەرى ءۇشىن جەر جىرتىپ، تىرمالاپ، ەگىن ەگىپ، ونى جيناپ، ارتتارىنان ءشىرىپ، جەردىڭ باستاپقى تازالىعىن قۇرتاتىن كوپ مولشەردەگى قالدىقتار تاستادى. تاماق ىزدەپ، ولار جەردىڭ ماپەلەپ وسىرگەن جانۋارلارىن اياۋسىز جايراتتى. سودان سوڭ، التىن جانە باسقا دا قازبا بايلىقتاردى ىزدەپ جەر انانىڭ دەنەسىن ويىپ، ۇلكەن شۇڭقىرلار قازىپ، ءشول مەن شولەيتتەردى قالدىردى. ءبىراق بۇل دا از بولدى، ولار جارىلىستار جاساپ، وزدەرى سياقتىلاردىڭ كوزدەرىن قۇرتۋ ءۇشىن قۋاتتى قارۋلاردى سىناقتان وتكىزىپ، ول قارۋلاردى ءبىر - بىرىمەن سوعىستاردا قولداندى.
ال جەر انا وسىنىڭ بارىنە شىدادى، ول ادامدار ءبىر كۇنى ەستەرىن جيادى دەپ، ءوزىنىڭ ولارعا ءومىر سىيلاعانىن، ولار ۇلى ماحابباتتىڭ پەرزەنتتەرى ەكەنىن ەسكە تۇسىرەدى دەپ، ادامدار وعان سۇيىكتى، تازا بولۋعا قۇقىق بەرەدى دەپ سەندى، وزىنە كىناسىز ولتىرىلگەندەردى جەرلەۋدى توقتاتادى دەپ، ءبىر كەزدە ءوزىن سەنىپ تاپسىرعان ءتاڭىرادامنىڭ لايىقتى ۇل - قىزدارى بولادى دەپ ۇمىتتەندى، كۇتتى.
وسىدان كەيىن، ول ءوزىن ادامداردىڭ ەستەرىنە سالامىن دەپ شەشىپ، بارلىق ءتوزىمنىڭ شەگى بارىن ەسكەرتىپ، ءوز كۇشىن كورسەتتى. ءبىراق ءوزارا سوعىستارعا بەلشەسىنەن باتقان، التىننىڭ زىڭىلىنان كەرەڭ بولعان، ساراڭدىقتان كوزدەرىن قاراڭعى باسقان ادامدار كۇنالارى شامادان تىس شىققانعا دەيىن بايلىق پەن ويناستىقتىڭ ەلىگىنە الدانىپ، ناداندىقتىڭ شىرقاۋ شىڭىنا جەتىپ، ادامدىقتىڭ بيىگىنەن تومەندەپ، ءارى قاراي ءومىر سۇرە بەردى.
سوندا ءمانسىز وكتەمدىكتەن شارشاعان جەر انا بويىنان بارلىق قاھارىن شىعارىپ، ۇلكەن تولقىنىمەن ءوزىن قورلىق پەن زابىردەن شايىپ، شەگى جوق ازاپ پەن ويناستىقتان، ادام بولۋدى قويعانداردىڭ وشپەندىلىكتەرى مەن ىزالارىنان تازارتتى، ال ءتاڭىرادام ادامداردان سىرت اينالىپ، جاي ءتاڭىر بولدى.
ەگەر ادامزات جەرگە قايىرىمدى بولىپ، ناعىز سۇيىسپەشىلىگىن كورسەتە الماسا، ال ءتاڭىرادامعا ادامعا دەگەن شىنايى سەنىمىن قايتارا الماسا، جەر انا مەن ءتاڭىرادامنىڭ ماحاببات داستانى، ادامزات وركەنيەتىنىڭ پايدا بولۋى مەن قالىپتاسۋ تاريحى وسىلايشا وكىنىشتى اياقتالۋى مۇمكىن.
دەرەككوزى: tolegenmukhamejanov. kz
ەرتەدە جەر كىرشىكسىز تازا بولعان. ول پاكتىگىن ءوزىن سەنىپ تاپسىراتىن ومىرلىك جان جارىن كۇتۋمەن بولعان كەلىندەي ساقتاعان. ول شەكسىز مەيىرىمدى ءارى جايدارى ەدى. ول جانۋارلار الەمىنىڭ ۇيىرلەرى، تابىندارى مەن وتارلارىنا پانا بولدى، ولارعا ازىق بەردى، ال ولار جەردىڭ كوركەمدىگى مەن تازالىعىن ساقتاپ، وعان ۇقىپتى قارادى.
كۇندەردىڭ ءبىر كۇنىندە ءتاڭىرادام پايدا بولدى. ول قۇدىرەتتى، زور، ءارى سىمباتتى بولدى. ول كۇلگەندە، ونىمەن بىرگە كۇن دە كۇلەتىن، ول قامىققاندا ونىمەن بىرگە اي دا قايعىعا باتاتىن، ول ءان ايتقاندا وعان اسپان مەن جەل قوسىلىپ ءان شىرقايتىن، سوندىقتان جەر وعان عاشىق بولدى. ول دا جەرگە عاشىق بولدى، ونىڭ ۇلىلىعى مەن كەڭدىگىنە، مەيىرىمدىلىگى مەن كوركەمدىگىنە، اسقاقتىعى مەن تازالىعىنا عاشىق بولدى.
ۋاقىت وتە كەلە ولار بالالى بولدى. سابيلەر ءوسىپ، ايباتتانىپ، وزدەرى نارەستە ءسۇيدى، ءبىراق ءاربىر جاڭا ۇرپاق ولارعا ءومىر سىيلاعان ۇلى ماحابباتتان الىستاي بەردى.
جەر انا ولار ءۇشىن ءومىر ءسۇرۋدىڭ، بايلىقتىڭ قاينار كوزىنە اينالدى، ولار ونىڭ كىم ەكەنىن دە ۇمىتتى، ال ءتاڭىرادام ولار ءۇشىن ءبىرى سەنىپ، ءبىرى سەنبەيتىن اڭىزعا اينالدى.
ولار وزدەرىنىڭ قاجەتتىلىكتەرى ءۇشىن جەر جىرتىپ، تىرمالاپ، ەگىن ەگىپ، ونى جيناپ، ارتتارىنان ءشىرىپ، جەردىڭ باستاپقى تازالىعىن قۇرتاتىن كوپ مولشەردەگى قالدىقتار تاستادى. تاماق ىزدەپ، ولار جەردىڭ ماپەلەپ وسىرگەن جانۋارلارىن اياۋسىز جايراتتى. سودان سوڭ، التىن جانە باسقا دا قازبا بايلىقتاردى ىزدەپ جەر انانىڭ دەنەسىن ويىپ، ۇلكەن شۇڭقىرلار قازىپ، ءشول مەن شولەيتتەردى قالدىردى. ءبىراق بۇل دا از بولدى، ولار جارىلىستار جاساپ، وزدەرى سياقتىلاردىڭ كوزدەرىن قۇرتۋ ءۇشىن قۋاتتى قارۋلاردى سىناقتان وتكىزىپ، ول قارۋلاردى ءبىر - بىرىمەن سوعىستاردا قولداندى.
ال جەر انا وسىنىڭ بارىنە شىدادى، ول ادامدار ءبىر كۇنى ەستەرىن جيادى دەپ، ءوزىنىڭ ولارعا ءومىر سىيلاعانىن، ولار ۇلى ماحابباتتىڭ پەرزەنتتەرى ەكەنىن ەسكە تۇسىرەدى دەپ، ادامدار وعان سۇيىكتى، تازا بولۋعا قۇقىق بەرەدى دەپ سەندى، وزىنە كىناسىز ولتىرىلگەندەردى جەرلەۋدى توقتاتادى دەپ، ءبىر كەزدە ءوزىن سەنىپ تاپسىرعان ءتاڭىرادامنىڭ لايىقتى ۇل - قىزدارى بولادى دەپ ۇمىتتەندى، كۇتتى.
وسىدان كەيىن، ول ءوزىن ادامداردىڭ ەستەرىنە سالامىن دەپ شەشىپ، بارلىق ءتوزىمنىڭ شەگى بارىن ەسكەرتىپ، ءوز كۇشىن كورسەتتى. ءبىراق ءوزارا سوعىستارعا بەلشەسىنەن باتقان، التىننىڭ زىڭىلىنان كەرەڭ بولعان، ساراڭدىقتان كوزدەرىن قاراڭعى باسقان ادامدار كۇنالارى شامادان تىس شىققانعا دەيىن بايلىق پەن ويناستىقتىڭ ەلىگىنە الدانىپ، ناداندىقتىڭ شىرقاۋ شىڭىنا جەتىپ، ادامدىقتىڭ بيىگىنەن تومەندەپ، ءارى قاراي ءومىر سۇرە بەردى.
سوندا ءمانسىز وكتەمدىكتەن شارشاعان جەر انا بويىنان بارلىق قاھارىن شىعارىپ، ۇلكەن تولقىنىمەن ءوزىن قورلىق پەن زابىردەن شايىپ، شەگى جوق ازاپ پەن ويناستىقتان، ادام بولۋدى قويعانداردىڭ وشپەندىلىكتەرى مەن ىزالارىنان تازارتتى، ال ءتاڭىرادام ادامداردان سىرت اينالىپ، جاي ءتاڭىر بولدى.
ەگەر ادامزات جەرگە قايىرىمدى بولىپ، ناعىز سۇيىسپەشىلىگىن كورسەتە الماسا، ال ءتاڭىرادامعا ادامعا دەگەن شىنايى سەنىمىن قايتارا الماسا، جەر انا مەن ءتاڭىرادامنىڭ ماحاببات داستانى، ادامزات وركەنيەتىنىڭ پايدا بولۋى مەن قالىپتاسۋ تاريحى وسىلايشا وكىنىشتى اياقتالۋى مۇمكىن.
دەرەككوزى: tolegenmukhamejanov. kz
You Might Also Like
-
ەرتەدە ءبىر ەشكىنىڭ جەتى لاعى بولىپتى. بىرەۋى قارا، قالعاندارى اق لاق ەكەن. ورمانعا بارۋعا جينالعان ەشكى لاقتارىن شاقىرىپ الىپ، اقىلىن ايتادى:
