InfoHub Logo

جۇرگىزۋشى: ارمىسىزدار، ۇستازدار، وقۋشىلار، اتا - انالار، سىنالعالى وتىرعان سىنىپتاردىڭ جانكۇيەرلەرى. بۇگىنگى «جاس ۇلان» ۇيىمىنىڭ ۇيىمداستىرۋىمەن وتكەلى وتىرعان «ۇلگىلى سىنىپ – مەكتەپ تىرەگى» سىنىپ ارالىق بايقاۋىنا قوش كەلدىڭىزدەر!
ولاي بولسا كوپ سوزباي، سايىسىمىزدى باستايىق. سايىسىمىزعا قاتىسۋشىلاردى، ءوز سىنىبىنىڭ نامىسىن قورعاۋشىلاردى ورتاعا شاقىرايىق!
8 - سىنىپ نامىسىن قورعاۋشىلار.
9 - سىنىپ نامىسىن قورعاۋشىلار.
10 - سىنىپ نامىسىن قورعاۋشىلار.

سايىسىمىزدىڭ قاتىسۋشىلارىن ساحنا تورىنە شاقىردىق. ەندى كەلەسى كەزەك، ءادىلقازىلار القاسىمەن تانىستىرۋ. قانە، ءادىلقازى القاسىمەن تانىس بولايىق.
• مەكتەپ ديرەكتورىنىڭ تاربيە ىستەرى جونىندەگى ورىنباسارى –
• مەكتەبىمىزدىڭ ماتەماتيكا ءپانىنىڭ ءمۇعالىمى –.
• مەكتەبىمىزدىڭ گەوگرافيا - بيولوگيا پاندەرىنىڭ ءمۇعالىمى –
مىنەكەي، سايىسىمىزدىڭ قاتىسۋشىلارىمەن قاتار باعالاۋشى ادىلقازىلارىمەن دە تانىس بولدىق. ەندەشە، سايىسىمىزدىڭ كەزەڭدەرىمەن تانىستىرىپ وتەيىن.
1 - كەزەڭ. «سالەمى ءتۇزۋ سىنىپ»
2 - كەزەڭ. «ءبىزدىڭ سىنىپ – مەكتەپتىڭ ماقتانىشى» سلايد كورسەتۋ
3 - كەزەڭ. «ونەرلى ورەندەر سىنىبى»
4 - كەزەڭ. «كوڭىلدى تاپقىرلار سىنىبى»
5 - كەزەڭ. «شەبەرلەر سىنىبى»
6 - كەزەڭ. «ۇستاز بەن شاكىرت اراسىنداعى كەلەڭسىز وقيعالار جانە ولاردى شەشۋ جولدارى»
7 - كەزەڭ. قورىتىندى. ماراپاتتاۋ.

مىنە، وسى كەزەڭدەر بويىنشا بۇگىن 8 – 9 – 10 سىنىپ وقۋشىلارى سايىساتىن بولادى. ال، ءاربىر كەزەڭنىڭ شارتتارى سايىس بارىسىندا ايتىلاتىن بولادى. جەڭگەن سىنىپ: «جىلدىڭ ۇلگىلى سىنىبى» اتاعىن يەلەنەتىن بولادى. ولاي بولسا، سايىسۋشىلاردىڭ شىعۋ رەتتىك ساندارىن انىقتاپ الىپ، ساحنا تورىنەن شىعارىپ سالامىز.
العاشقى كەزەڭىمىز «سالەمى ءتۇزۋ سىنىپ» ياعني سالەمدەسۋ. سىنىپتاردىڭ وزدەرىن تانىستىرۋىن تاماشالاڭىزدار. باعالاۋ «5» باللمەن ولشەنەدى. ولاي بولسا، العاشقى سىنىپتى تاماشالاڭىزدار.
ۇپاي سانىن انىقتاۋ.
كەلەسى كەزەڭىمىز «ءبىزدىڭ سىنىپ – مەكتەپتىڭ ماقتانىشى» دەپ اتالادى. ولاي اتالۋ سەبەبى، سايىسۋشى سىنىپتار مەكتەپتىڭ ۇلگىلى سىنىبى بولاتىن بولسا، وندا ولار مەكتەپتىڭ ماقتانىشى دەگەندى بىلدىرەدى. بۇل كەزەڭ سىنىپتارعا ءۇي تاپسىرماسى ەسەبىندە بەرىلگەن بولاتىن. ەرەجە بويىنشا سلايدتى سىنىپ اتىنان 1 وقۋشى تۇسىندىرەدى. بەرىلەتىن ۋاقىت 1 - 3 مينۋت ارالىعى. سلايد تاقىرىپ بويىنشا جان - جاقتى ءوربۋى ءتيىس. باعالاۋ «5» بالدىق جۇيەمىن ءجۇرىپ وتىرادى. ولاي بولسا... سىنىپتىڭ سلايدىن تاماشالايىق.
ۇپاي سانىن انىقتاۋ.

«جىگىتكە جەتى ونەر دە از»، ونەردى ۇيرەن دە، جيرەن»، ون ساۋساعىنان ونەر تامعان» ماقالدارى حالقىمىزدىڭ ونەرلى بولعانىن بىلدىرەدى. ولاي بولسا، «ونەرلى ورەندى سىنىپتاردىڭ» ءوز ونەرلەرىن تاماشالايىق. كەزەڭ ەرەجەسى: سىنىپ وقۋشىلارى كەز - كەلگەن جانردا «ءان» نەمەسە «بي» ونەرلەرىن كورسەتۋى كەرەك. ولاي بولسا... سىنىپتىڭ ونەرىن تاماشالايىق.
ۇپاي سانىن انىقتاۋ.
قايعىڭ – قىس، ءجۇزىڭ – جاز،
بولاسىڭ كورسەڭ ءماز،
كوڭىلدى تاپقىرلار،
كۇلدىرىپ العا باس، - دەي وتىرىپ «كوڭىلدى تاپقىر سىنىپتاردىڭ» كۆن ونەرلەرىن تاماشالايىق. كەزەڭ ەرەجەسى: سىنىپ وقۋشىلارى كۆن ياعني ازىلگە تولى «مەكتەپ الەمى» تاقىرىبىندا كورىنىستەر قۇرۋى ءتيىس. بەرىلەتىن ۋاقىت 5 - 8 مينۋت. ولاي بولسا... سىنىپتىڭ ازىلدەرىن تاماشالايىق.
ۇپاي سانىن انىقتاۋ.

بۇگىنگى سايىسىمىزدىڭ كەزەكتى كەزەڭى «شەبەرلەر سىنىبى». ولاي بولسا ءار سىنىپتىڭ ءوز قولدارىنان شىققان قولونەر بۇيىمدارىن تاماشالايىق. كەزەڭ ەرەجەسى: سىنىپ وقۋشىلارى ءوز قولدارىمەن جاساعان قولونەر بۇيىمدارىن جاساپ، ولاردىڭ جاسالۋ جولىمەن تانىستىرىپ ءوتۋى كەرەك. بۇل بولىمدە دە سىنىپتىڭ اتىنان بۇيىمداردى تانىستىرۋعا 1 وقۋشى شىعادى. ولاي بولسا... سىنىپتىڭ قولونەر بۇيىمدارىن تاماشالايىق.
ۇپاي سانىن انىقتاۋ.

دەي وتىرىپ كەلەسى: «ۇستاز بەن شاكىرت اراسىنداعى كەلەڭسىز وقيعالار جانە ولاردى شەشۋ جولدارى» كەزەڭىمىزدى باستايمىز. كەزەڭ ەرەجەسى: سىنىپ وقۋشىلارى ءادىلقازىلار الدىنداعى سۇراقتاردىڭ بىرەۋىن تاڭداپ الىپ، سول قاعازدا قويىلعان سيتۋاسيالىق سۇراقتارعا لوگيكالىق تۇردە «3» جاۋاپ بەرۋلەرى ءتيىس. باعالاۋدا «3» بالدىق جۇيەمەن جۇرەدى. ويلانۋعا 1 مينۋت ۋاقىت بەرىلەدى. ولاي بولسا سىنىپتارعا: ىسكە ءسات!
سەندەردىڭ سىنىپتارىڭا قاراما - قارسى كابينەتتە وزدەرىڭنەن جوعارى سىنىپ وقۋشىلارى وقيدى. سەندەردىڭ سىنىپتارىڭ شىعارما جازىپ نە بولماسا تەست تاپسىرىپ جاتىر. ال، قارسى كابينەتتەگى وقۋشىلار تىم قاتتى شۋلاپ جاتىر. سەندەردىڭ سول ساباقتاعى ءىس - ارەكەتتەرىڭ؟
سايكەس جاۋاپتار:
• كابينەت ەسىگىن جاۋىپ الامىز؛
• مۇعالىمگە حابارلايمىز؛
• قانشالىقتى ارتىق كەتسە دە، وزىمىزدەن ۇلكەن سىنىپقا دورەكىلىك تانىتىپ، تىنىشتالۋىن بۇيىرمايمىز.

سەندەردىڭ سىنىپتاستارىڭنىڭ ءبىرى ءپان مۇعالىمدەرىمەن ۇنەمى كەلىسپەي كەرىسىپ قالا بەرەدى. ونىڭ ايتۋىنشا مۇعالىمدەر ساباقتى تەك وسى بالادان عانا سۇراي بەرەدى ەكەن. سەندەر وسى بالانىن ورنىندا بولساڭدار نە ىستەر ەدىڭدەر؟

سايكەس جاۋاپتار:
• ۇستازدىڭ وقۋشىدان ساباق سۇراعانى ونى ءبىلىمدى، بىلگىش قىلىپ تاربيەلەۋىندە؛
• ول بالانىڭ ءار ساباققا تىڭعىلىقتى دايىن بولۋىنا كومەكتەسەمىز؛
• سەنىڭ مىنەزىڭدى وسى جاعدايلارعا بايلانىستى شىدامدى قىلىپ وزگەرتۋ كەرەك دەر ەدىك.

سەندەردىڭ سىنىپ جەتەكشىلەرىڭ مەكتەپكە ەندى عانا كەلگەن جاس مامان ەدى. ءالى دە سىنىپ جەتەكشىلىك تاجىريبەسى از بولاتىن، جەتەكشىلىككە يكەمى كەلمەيتىن. سەندەر سول سىنىپ جەتەكشىنىڭ ءوز ورنىنان اۋىسقانىن قالار ما ەدىڭدەر؟

سايكەس جاۋاپتار:
• سىنىپ جەتەكشىمىزدىڭ كەمشىلىكتەرىنىڭ ورنىن جوقتاتۋعا تىرىسامىز؛
• ءوزىمىز جول كورسەتەمىز؛
• سىنىپ جەتەكشىمىز تاربيە ساعاتتارىن وتكىزگەندە، اشىق ساباقتار وتكىزگەندە ونىمەن تىعىز ءارى اشىق پىكىرلەسەمىز. سەبەبى، وقۋشى مەن جەتەكشى دوس، انا مەن بالا سەكىلدى قارىم - قاتىناستاردى تولىق قامتيدى.

مىنە بۇل سايىسىمىزدان تۇيەر ويىمىزدى سارالاپ وتەيىك. ايگىلى عالىم لەوناردو دو ءۆينچيدىڭ ايتۋىنشا «ءوزىنىڭ ۇستازىنان اسىپ تۇسۋگە تالپىنباعان شاكىرت – بەيشارا» ەكەن. ءمۇعالىمدى زور تۇلعا تۇتۋ، ونىڭ قۇدىرەتتىلىگىن كۇننىڭ ساۋلەسىمەن ىسپەتتەس دەپ تانىعان ۋشىنسكييدە ءوز ۇستازىن ءقادىر تۇتقان. وقۋشىلار ولاي بولسا، قانداي پروبلەما بولماسىن ءمۇعالىمدى قادىرلەۋ، شوق تۇتۋ ءبىزدىڭ باستى پارىزىمىز.
ۇپاي سانىن انىقتاۋ.
قۇرمەتتى ءادىلقازىلار، كورەرمەندەر بۇگىنگى سايىسىمىزدىڭ اياقتالعانىن حابارلايمىز. قاتىسقاندارىڭىزعا كوپ - كوپ راحمەت. كەلەسى كەشتەردە كەزدەسكەنشە، ساۋ سالاماتتا بولىڭىزدار!