InfoHub Logo

قازىرگى تاڭدا ەلىمىزدىڭ ءبىلىم بەرۋ جۇيەسىندە وقىتۋ ءۇردىسىن تىڭ جاڭالىقتارعا تولعان جاڭا مازمۇنمەن قامتاماسىز ەتۋ مىندەتى تۇر. سولاردىڭ ءبىرى – قوعامدىق-ساياسي ومىرگە بەلسەندى ارالاسۋعا قابىلەتتى، وزىندىك پىكىرىن اۋىزشا جانە جازبا تۇردە ناقتى، انىق، جۇيەلى جەتكىزە الاتىن جەكە تۇلعانى قالىپتاستىرۋ. جوعارعى سىنىپ وقۋشىلارىنا تىلدىك قۇرالداردى ءوز تاجىريبەسىندە پايدالانا ءبىلۋدىڭ عىلىمي-ادىستەمەلىك تۇستارىن كورسەتىپ، ويىن جۇيەلى تۇردە دۇرىس ايتىپ جانە ءتۇسىنىپ جازا الاتىنداي ەتىپ ۇيرەتۋ – بۇگىنگى قوعام تالابى. سەبەبى، بىرىنشىدەن، ءتىل – تۇلعا مادەنيەتىنىڭ، ينتەللەكتىسى مەن جان-جاقتىلىعىنىڭ كورسەتكىشى بولسا، ەكىنشىدەن، ءوز ويىن بايلانىستىرىپ  جازۋ وقۋشىنىڭ باسقا ادامدارمەن ەركىن قارىم-قاتىناستا بولۋىنا مۇمكىندىك بەرەدى.

ن. يۋ ۆتورۋشينانىڭ پىكىرىنشە، شەتەل ءتىلىن، جالپى كەز كەلگەن ءتىلدى ۇيرەنۋدە نەمەسە ۇيرەتۋدە جازا ءبىلۋدىڭ، جازباشا ءتىلدىڭ ماڭىزى زور. ال جالپى ورتا ءبىلىم بەرەتىن مەكتەپتىڭ جوعارعى ساتىسىندا ارگۋمەنتتى جازباشا سويلەۋگە وقىتۋ جازا بىلۋدەندە ماڭىزدى دەپ ايتساق بولادى.  جالپى تۇسىندىرمە سوزدىكتە، ارگۋمەنت - بۇل «ءبىر نارسەنى دالەلدەيتىن دالەل، نەگىز» دەگەن تۇسىنىك بەرەدى. ارگۋمەنتتەر - قوعامدىق ومىردەگى، وقيعالارداعى، ءومىر جاعدايلارىنداعى جانە ءومىر تاجىريبەلەرىندەگى، عىلىمي دالەلدەمەلەردەگى، عالىمداردىڭ پىكىرىندەگى، ادەبي شىعارمالارداعى جانە ت.ب. فاكتىلەر بولىپ تابىلادى. ارگۋمەنتتەر مىقتى جانە سەنىمدى بولۋى كەرەك. ارگۋمەنتتى جازباشا سويلەۋدىڭ  كوممۋنيكاتيۆتى ماقساتى - كەز كەلگەن ەرەجەنىڭ دۇرىستىعىنا اڭگىمەلەسۋشىنى سەندىرۋ، باسقالاردىڭ پىكىرلەرىن، كوزقاراستارىن قابىلداۋعا ماجبۇرلەۋ.

قورىتىندىلاي كەلە جوعارعى سىنىپ وقۋشىلارىن ارگۋمەنتتىك جازباشا تىلگە ۇيرەتۋ جانە دامىتۋ جولدارىندا، ءتۇرلى جاتتىعۋلار ۇسىنىپ، جاڭا ماتەريالدار قولدانىپ، تۇرلەندىرىپ ءوز ويلارىن ايتقىزىپ قانا قويماي ونى ناقتى دالەلدەرمەن كورسەتىپ، سەندىرىپ وتىرعان كەزدە عانا وڭ ناتيجە بەرەتىنى ءسوزسىز.

م.وتەمىسوۆ اتىداعى باتىس قازاقستان مەملەكەتتىك ۋنيۆەرسيتەتى
شەت تىلدەرى كافەدراسى اعا وقىتۋشى: نۋرۋشيەۆا تامارا يۆانوۆنا  
ستۋدەنت: اسقارباي ءمولدىر اسقارباي قىزى

---